1 Samuel 1:18 - Ohiatonhseratokénti

¹⁸ Tánon ne Hannah wahéron, “Sheʼríhon ne sanhá꞉tsera aietʼtsénri nahontesariwaiériʼke tsi naʼteskánereh.” Eʼthóhʼne ne iónkwe tsi tewanonwétstha nionsáhwe, waʼtewatsʼkáhon tánon wakanekíra skátne ne ró꞉ne, tánon ne kakonsàke iáh ó꞉nenh tewé꞉ne nahonsaionikonraksénhseke.

1 Samuel 1:18 ပူးပေါင်းရင်းမြစ်များ

Genesis 32:5

tánon tehotinaʼkares wakenáhskwaien, tewahónhtes, teiotinaʼkarontón꞉ʼa, kaiaʼtákeras, tánon wakehnhaʼtsherá꞉ienʼs ne ronnón꞉kwe tánon ne konnón꞉kwe; tánon iaʼkheiaténniehte ne ratirihwakarénieʼs nahonwahró꞉ri ne riioʼtenhse, né naón꞉ton nahatatenaktóthahse taiatiatátken.’”

Genesis 32:6

Ne ratirihwakarénieʼs tsi thén꞉teron ne Jacob nionsahón꞉ne rontónnions, “Tsi thén꞉teron ne tsatateʼkén꞉ʼa Esau naʼtontaiákwe, tánon ó꞉nenk tá꞉re ne taetsatátken, tánon kaié꞉ri tewenʼniáwe nihá꞉ti ronnón꞉kwe skátne tahón꞉ne.”

Genesis 33:15

Eʼthó꞉ne ne Esau wahén꞉ron, “Tó꞉kati thoʼkàrah niháti nonhkweshónha né iakwahkwekonhátie í꞉seh konhionhkwé꞉ton.” Ók ne Jacob wahén꞉ron, “Onh nahó꞉ten aoríhwa natsiáner thóh niió꞉re tsi ahontahorihwaiérihke nakonhá꞉ke?”

Genesis 33:8

Ne Esau wahén꞉ron, “Onh nahó꞉ten tsí꞉tons kíʼ ken tsi nihonahtiókwah watiakwahtátken?” Ne Jacob watharihwasehrahko, “Ne nahkhetshénhri nahtsianer nahontahakerihwá꞉wahse.”

Psalms 34:6

Kíʼ iáh othènen teharihwástha waʼthaséntʼto, tánon ne Roiá꞉ner waʼhothóntene, tánon sahonónsthate akwé꞉kon éhʼren waʼhaháwite tsi natehonikónhrare.

Ecclesiastes 9:7

Wáhs satatʼthén꞉test—tesatskáhon tánon satonnhárak; snekíra ne sanèka otsiatsa tánon satʼtsenhnonhnihák. Thóh seh nihotenikonhrónhni ne Rawenni꞉io nashé꞉re.

John 16:24

Tsiniiore nonȣa, areko othenon teseȣariȣanonton naksennakon; seȣariȣanonton nok enseȣarane, naeseȣatsennonniatseriiohake.

Romans 15:13

Rinekénnis ne Rawenni꞉io, tsi nikáien tesonkwáwis naskanéktseras, ahiaiatánaʼne natʼtsennonniátseras tánon ne skénnen neh tsi nitseniahésen, neh káti ne iakakontákwen nahontehiáron ne saskanéktsera neh akenikwékon ne rahosatsʼténsera ne Ronikonriʼióston.

Ruth 2:13

Tontaiaì꞉ron ne Ruth, “Kwáh í꞉ken tsi tisarihwaié꞉ri ne í꞉i akerihwá꞉ke, Sénhsion. Ionʼwé꞉sen tsi skanonhtónnion tsi ní꞉ioht tsi tahshektháhrhahse, aronhátien iáh shaʼtetionkwátʼte ne iesaióʼtenhse.”

Ruth 2:2

Ruth iaʼakotewennontiéhten ne Naomi waʼì꞉ron, “Ahskeríhon ken tsi tkaiénthon nià꞉ke tánon akohrón꞉ko óhere ne rotiióʼte iatenhonatá꞉tere? Orihwí꞉io kón꞉nis tsi ónhkak enhakeríhon ne skátne aionkwaióʼten.” Naomi tontaieriʼwaserá꞉ko, “Wá꞉s kiʼ wá꞉hi konién꞉ʼa.”