1 Samuel 1:10 - Ohiatonhseratokénti

¹⁰ Né Hannah kwáh í꞉ken tsi iakawerhiaʼsanónwaks tánon iahonterénhnaian raonhá꞉ke ne Roiá꞉ner, tánon wationsént꞉tho otsitòwa.

1 Samuel 1:10 ပူးပေါင်းရင်းမြစ်များ

Genesis 30:1

Nó꞉nen ne Rachel sónttoke tsi iáh thaón꞉ton ahotiwiraʼién꞉taʼte ne Jacob, waʼoteʼkéhfhahse né tiatateʼkén꞉ʼa; tánon wahawènhahse ne Jacob, “Takewí꞉ron, tokaʼ iáh enkíheie!”

Genesis 50:10

Shiahón꞉newe ne tsi ietheʼtáhkwa ne Atad nón꞉we ne ne ieiotohétston ne Jordan, thóh nón꞉we kwáh í꞉ken tsi waʼtewatenón꞉ianihteʼ onttsiʼtó꞉ko tsi naʼakoʼnikonhraksèn꞉seron; tánon ne Só꞉se ne wahateriwahténtiaʼte nahotshón꞉nionʼse ne roʼníha tsi niioterihwíson naiontshón꞉nion ne ne tsá꞉ta nón꞉ta nikarí꞉wes.

2 Samuel 13:36

Kwáh tsi niʼiostóre wahá꞉sa tsi nihotharátie, ne ronnontí꞉io raonekenteronhtserashón꞉ahs wahón꞉newe, tánon wahontewenhnakétsko tánon wathonséntʼtho; tánon ne ronnontí꞉io ó꞉ni ne raonhatseraʼókons kwáh nonʼné꞉e otsitòwah tsi watonhséntho.

2 Samuel 17:8

Ne Hushai iahatashón꞉teren, “Sateriéntare ne ianíha ó꞉ni ne raonkweʼtashón꞉ahs ne ronterí꞉ios, tsi rotinhakwénhen, kwáh ne ne okwári konwawirákwen thóh kahentáke. Tsieská꞉te, ne iá꞉niha tsi rorenhná꞉hon nateriʼioseráke; ne raónha kwáh iáh thóh tahasontiʼiá꞉ke skat꞉ne ne ronterí꞉ios.

2 Kings 20:3

“Takweʼhiárak nón꞉wa O Saiá꞉ner, wakonianiténten, tsi ní꞉ioht tsi tewakatekhahákwen ne sahénton iothokenskéʼonwe ó꞉ni kwáh akweʼriasakwékon, tánon thóh niwatiéren ne sahénton tsi nahó꞉ten ne ioiánere.” Tánon ne Hezekiah otsitó꞉wa tsi ní꞉ioht tsi wathashéntho.

Job Tánon ne Raoronhiakensera 10:1

“Wakaterihonkotá꞉ni tsi nikónnhe; kwáh ki enkátkaʼwe tsi nakerihwakathénhtshera; kwáh enkatá꞉ti tsi nihiorihwaiéntat tsi nikónnhe.

Job Tánon ne Raoronhiakensera 7:11

“Ne káti aorì꞉wa kwáh iáh thakátskweke; kwáh enkatá꞉ti thóh akeronhiakenhserá꞉kon tsi nikónhe; kwáh enkerihwaká꞉tate kwáh í꞉ken tsi wakonhnatsáta.

Job Tánon ne Raoronhiakensera 9:18

iáh tehakerihwá꞉wis ne tahontakatón꞉rie, ók ne ratsiatananonhnáktha ne iohterihwatskárat.

Psalms 50:15

Iaskenáton nónen énwahwe ne thènen tashahnikonráhren; kwáh kíʼ enkonniákenthe, tánon enstiatanerákwahte.”

Psalms 91:15

Nó꞉nen ienhionkenaton, kwáh kíʼ thenkherihwasehrakwahse; kwáh enhiakwakweʼkónhake tsi nathenhonhnikonhráhren, kwáh kíʼ enkheniákenhte tánon enkhekwéniensʼte.

Proverbs 14:10

Satonhnharáhtshera í꞉se khók sá꞉wen; nahò꞉ten ne iotskà꞉ra í꞉se khók sá꞉wen. Iáh ónhka thaʼtaieseniié꞉na.

Isaiah 38:15

Ók nahó꞉ten akʼkwéni nakíron? Asèken ó꞉nenh ratʼtharáni, tánon kwáh rahónha thóh nihoiéren. Akwé꞉kons iáh tesewátons nahonshonkítaʼwe kwáh kí skenenhasónha tsi tekatekhá꞉hakwahke ne tsi niwakatoseraténions tsioríhwa tsi niʼionikonrák꞉sens nakwahtón꞉nhets.

Isaiah 54:6

Asèken ne Roiá꞉ner iehianáton tsi ní꞉ioht ne ioniá꞉kon konwatewenhtéton tánon ionikonráksens naonikonrákon, tsi ní꞉ioht ne ioniá꞉kon ne rónkwe kenhshiʼthohiónha shaʼkonwatewénhtethe, rá꞉ton ne Rawenni꞉io.

Jeremiah 13:17

Tó꞉ka iáh tahisehwathahonsahtháte, nakwahtónnhets hathaséhtonke tsi tenwahséntho né enkarihónni tsi nisewahnáie; kwáh íken tsi katsithowáhnen tsi tenkaséntho, tánon natkásehri tenwatnahwénhthe tioríhwa ne Roiá꞉ner rahonkwetaʼshón꞉a tsi iahonwathihiaténhaʼwe nahonwatinaskónhni.

Jeremiah 22:10

Tiónkwe ne Judah, tó꞉sa tesehwaséntʼtho ne Rononhtí꞉io Josiah aharihónni; tó꞉sa sehwaktiónnion tsi rahwenhéion. Ók katsitowáhnenh tesehwahséntʼtot ne Joahaz rahoriwáhke, ne roiénha; hiahonwahiaténhaʼwe, iáh nonhwénhton thatahónthare, iáh nonhwénhton tahonshaʼhatkátho nonhwénhtsa tsi nónhwe niʼhonahkeráhton.

Lamentations 3:15

Kanikonrakʼséntsera karoniakénsera khók thakáwi nákehke ó꞉ni nakʼnekíra.

Luke 22:44

Nok ne rahonha skanorons iahrenheie onen senha tahakȣisronne tsi roterennaien; nok ȣathatarihenseronkote akȣa ȣakanahotonnion tsiniiot nʼonekȣensa.

Hebrews 5:7

Tsi rónnhekwe nonhontsiáke ne Ié꞉sos raterénnaienskwe ó꞉ni rohrihwahnontónniskwe kwáh rohtsitowahnénskwe óni okasheráhkons rahonháke ne Rawenni꞉io, tsi nikáien enhonónstathe ne kenheiát꞉ne. Tioríhwah tsi torihwahiérikwe ó꞉ni rohrihwahtókenʼne, ne Rawenni꞉io wahowenʼnáronke.

Judges 21:2

Káti ónen nonhkweshón꞉as Nisraerró꞉nonke Bethel niahón꞉ne tánon thóh rahohénton ne Rawenni꞉io wahón꞉tien kwáh tsahó꞉karaʼwe. Iorakaréni tánon otsitó꞉wa tsi ní꞉ioht tsi wahontsónhnion:

Ruth 1:20

“Tóhsa Naomi takwaná꞉tonk,” waʼì꞉ron; “Marah, takwaná꞉tonk, ne kén꞉ton iotskà꞉ra ne tsi Rohsatstenhserowá꞉nen Rawenni꞉io wahakónnien tsi tewakatonhnhakárien tsi kónhnhe.

1 Samuel 1:11

Nakaónha kén ní꞉iot tsi wahonráhratsʼte: “Ó Sheiá꞉ner ne ronterí꞉ios ratironhiakerónons, tó꞉ka ní꞉se kwáh asheiatkátho tsi niʼiakonhnátsen ne sanhá꞉tshera, tánon aonshaskeiá꞉rahne, tánon tó꞉sa sheʼiatanikónren ne sanhá꞉tshera, ók enteshé꞉ion ne sanhá꞉tshera roskerakéte owirá꞉a, eʼthóhʼne kiʼ enhí꞉teron sahén꞉ton kwáh ne ne nazirite kwáh tsenshatonhnók꞉ten. Iáh thahanekiráke notsítsa khés niakononwahratóntha, eʼthóhʼne kwáh kíʼenthí꞉ion Roiá꞉ner kwáh tsi nikarí꞉wes enrón꞉nheke tánon iáh tsaʼkaiéna ne ionthatenonkarhiákstha ne ranontsíne.”

1 Samuel 1:9

Nó꞉nenh sahathiʼkwénhtaʼne tánon sahathiʼnikirénhsi thóh nón꞉we Shiloh, Hannah watiétaʼne tánon thóh watiétaʼne raohén꞉ton ne Roiá꞉ner. Nón꞉wa ne Eli ne ne ratsihénstatsi thóh renskwáhereh ákta tsi kanonkáronhte kanawahátote raoʼnonsatokentikó꞉waʼne ne Roiá꞉ner.