1 Kings 9:4 - Ohiatonhseratokénti

⁴ Tó꞉ka ensharihwatokénhake tsi enstsióthenhse tánon aterihwakwahrishonhtserákon, tsi né nihiothón꞉ne ne ianikénʼen Táwit, tánon tó꞉ka enshatewénhnaraʼkwe natianerénhseras tánon orihwakwékon thóh nénhshiere tsi nikonhríhonte,

1 Kings 9:4 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 20:5

Iáh kenh ráonha ne Abraham tehakhró꞉ri tsi né iatiatenoʼsénha, tánon áonha ó꞉ni ne waʼkén꞉ron, ‘Iatiatenoʼsénha í꞉ken.’ Kwáh káti keriahsakwé꞉kon kíʼ tsi thóh nà꞉tiere tánon kwáh iáh ohthé꞉nen thaʼtewakatatesnonhsaʼtsónhston tsi kíʼ thóh nà꞉tiere.”

2 Samuel 22:22

Asèken wakatewenhnarákwen ne raohianerénhseras ne Roiá꞉ner, tánon iáh ne tewatsioténhen ne kariwahetkénhsera tsi ahiʼiatiatontakwénhni Nakkení꞉io.

1 Kings 11:38

Tó꞉ka kwáh toʼkénʼen enskewénhnaraʼkwe, tánon tsi enshón꞉nheke né énhtsere natsanerénhseras, tánon né enserienhtí꞉iosʼthe tsi thóh nénhshiere tsi niwakerihwatháton, tsi né niʼiohthónhne nakenhátsera Táwit, kwáh kíʼ tiókonhte tsi entenikweʼkónhake. Kwáh í꞉se enkonhnonhtí꞉iosʼte Nisraerʼró꞉nonhke tánon kwáh orihwí꞉io enkónhni tsi nienhsatwatsírihne né thenhtsesanakthákwen, kwáh kíʼ tsi nihihiatiéraʼse ne Táwit.

1 Kings 11:4

tánon tsi nióre ne kwáh shiaʼhoksthénhaʼne tehonwanikonhrakénhnion nashakosenhnaienthákwahke ne thikaniʼioserátes. Iáh teshorihwatókenhne rahonháke ne Roiá꞉ner né Rahoní꞉io kènhne, tsi né nihiothónhne ne ronikénhen Táwit.

1 Kings 11:6

Waharihwánerake tsi nòkwah ne Roiá꞉ner tánon iáh teshorihwatókenhne ne rahonháke tsi né nihiothónhne ne ronikénhen Táwit.

1 Kings 14:8

Khé꞉kwen ne kanakerásera ne Táwit rahowátsires tánon í꞉se tkonhiáwi. Ók iáh kíʼ étho teshiathóten tsi né ní꞉ioht nakenhátsera Táwit, né rahónha kwáh íken tsi rorihwatókenhne nakonháke, roʼtewenhnarákwen nakerihwatátʼtseras, tánon nek khók thóh nenháiere tsi nenhkerihwanónhweʼne.

1 Kings 15:5

Né Roiá꞉ner né ahoríhwa thóh kí꞉ken nahá꞉iere tsioríhwa ne Táwit tsi thóh nihoiéren né nahontahonikonhraiérihthe tánon iáh nonhwénhton tehotewenhnónhtion tsi nahoténsons ne rahorihwatátʼtseras, nek khók né Uriah né Hitró꞉non aorihwasónha.

1 Kings 3:14

Tánon tó꞉ka enskewénhnarakwahke tánon enshatiénawasʼthe natianerénhseras ó꞉ni nakerihwatátʼtseras, tsi né niʼiohʼtónhne ne ianikénhen Táwit, kwáh entkónhion ne karíhwes ashón꞉nheke.”

1 Kings 3:3

Ne Solomon kwáh íken tsi roʼnorónhkwah ne Roiá꞉ner tánon rarihwásehre ne rohníha Táwit tsi nihorihwíson, ók kíʼ ó꞉ni ionatsokowánen sakowènthon ne konhtitshéns tsi sakotéskonhte ne tsikʼnonhwésons nikaiéntons ne ietienharákwahkes.

1 Kings 3:6

Solomon watharihwasehráko, “Tiókonte sés kowánen kanoronhkwáhtsera senéston tsi nòkwah ne rakeʼníha Táwit, ne sanhátsera, tánon thorihwaiérihkwe, rorihwató꞉kenhne, tánon roʼrihwakwahríhshonhne tsi naʼtetsaterihwasónhteraʼkwe. Tánon kíʼ iaskónhthaʼkwe waʼtsenathónhase ne kowánen iorihwató꞉ken kanoronhkwáhtsera tsi thá꞉tion wahonekenteronhtseraʼiéntaʼne tsi rahónha nónhwa wenhniseráte rotkoráston ne rahonákʼthaʼke.

1 Kings 6:12

“Tó꞉ka akwékon tsi ensatewénhnaraʼkwe naʼtianerénhseras ó꞉ni naʼkerihwatátʼtseras, thóh kíʼ nénhtiere tsi ki nihihiarahratsʼténhni ne ianikénhen Táwit.

1 Kings 8:25

Tánon káti ónen, Saiá꞉ner Sheʼwenní꞉io Nisraerʼró꞉nons, wakaterénhnaien né ó꞉ni nahsatiénawasʼte nó꞉ia tsinitsiarahratsʼténhni ne rakeʼníha ne shastsró꞉ri tsi kwáh tiókonte tsi né nónhkak ne tsi ienhatwatsiríhne enhotkorastónhake tsi enhonhnontí꞉ioʼke Nisraerʼró꞉nonke, né ki entewanón꞉ton tsi kwáh enthotinikonhrakonhthakwénhake tsi eniesawenhnarákwahke tsi né niʼhiotónhne ne rahónha.

2 Kings 20:3

“Takweʼhiárak nón꞉wa O Saiá꞉ner, wakonianiténten, tsi ní꞉ioht tsi tewakatekhahákwen ne sahénton iothokenskéʼonwe ó꞉ni kwáh akweʼriasakwékon, tánon thóh niwatiéren ne sahénton tsi nahó꞉ten ne ioiánere.” Tánon ne Hezekiah otsitó꞉wa tsi ní꞉ioht tsi wathashéntho.

2 Chronicles 17:4

Né wahohiótenhse ne ronikénʼen Raoní꞉ioʼkwe, wahatewénhnarahkwe ne Rawenni꞉io rahorihwatátʼtseras, tánon iáh éhtho tehoiéren tsi né nihatiweienhó꞉tenhskwe ne ronhtinontí꞉iosʼkwe Nisraeʼró꞉nonke.

Psalms 101:2

Kwáh né enkatéweienste nát꞉sehre ne tkarihwaʼiéri tsi ní꞉ioht tsi akónnheke. Kátke entése nastiénawaʼse? Kwáh thóh karihwaʼkwahrishionhtsherákon nón꞉we nenhkathénhti nakenónskon;

Psalms 128:1

Iakotáskats nonkwetaʼkwékon ne ronwakweniénstha ne Roiá꞉ner, né thóh nón꞉we nihiakothahí꞉take tsi rohatátse.

Psalms 15:2

Ónhka ne iakonʼnhétsie ne iáh othènon tehiakonitseráien, thóh niʼiehiéra, tánon orihwiʼiohónwe tsi iontátis nakaweriáne.

Psalms 26:1

Takerihowanáten tsi iáh tewaʼkeníkon, Ó Saiá꞉ner, tsioríhwa tsi thóh nitiéra tsi nahó꞉ten ne iohiánere, tánon kwáh iehiokonthákwen tsi í꞉se tkoniethákwen iáh thathetewakenikónrahke.

Psalms 26:11

Asèken ní꞉i, thóh nitiéra tsi nahó꞉ten ne tkarihwaiéri; takithénrak tánon tatiatanónstat!

Psalms 78:72

Né tsi rerhiasí꞉io kwáh kíʼ waʼsakotenhnikonhrá꞉ren, tánon waʼsakohéntenhse raotihénton niaháre ne nasakonatónhase onhní꞉ioht tsi ahonwáʼsehre.

Proverbs 10:9

Ón꞉kwe tiakorihwaié꞉ri skén꞉nen tsi ronnonhtónnions tánon enhotiiaʼtahnirónhake nok ne iáh tethotirihwaié꞉ri enhatiiaʼtató꞉kenʼne.

Proverbs 20:7

Ronatáhska ratiksaʼokón꞉ʼa tókaʼ rotiʼní꞉sen ne rorihwakwaríhshion tánon tho nihaiéhrha tsi nahò꞉ten tkariwaié꞉ri.

Proverbs 28:18

Sarihwakwarihshiónhak tánon enhsheʼniá꞉kenʼne. Tókaʼ iáh tesarihwakwaríhshion thontaiawénhstsi enhsatkarón꞉ni.

Ezekiel 18:9

Nètho rónhkwe rahtewenhnaráhkwah nakeriwahtátʼtsheras tánon kwáh ioiánere tsi rahtewehiéntons natianerénhsehras. Kwáh rohiánereh, tánon enrónhnheke,” ratónsnions ne Ronhnontí꞉io Roiá꞉ner.

Zechariah 3:7

ne Roiá꞉ner Roshatstenhserowá꞉nen tsi ráhwen: “tóka enshatewenhnhárahkwe natianerénhsera tánon ne enshateriwahténtiahte ne kahioʼténhsera tsi nitkonhiá꞉wi, ethò꞉ne ki ienskóntahkwe nahshateriwatsté꞉riste Nahkenonhsatokenhtí꞉ke ó꞉ni nahotenáhthake, tánon enwahkatʼthónteke ne shaterennahienthátsheras, kwáh tsi ní꞉ioht tsi niwakatʼthónte ne ratironhiakeró꞉nonhs rahonahterennahienthátsheras ne akʼkhénton rón꞉nete.

Luke 1:6

Nok rotiianerekȣe rahohenton ne Niio, oriȣakȣekon oni rotiriȣaieritonhatiene tsini ȣatenienten oni tsini kariȣataton ne Roianer raoriȣasonha, iah tehotinnhiseraien.

Deuteronomy 28:1

“Tó꞉ka entiewenhnaráhkwe ne Roiá꞉ner saNí꞉io tánon ahóskon tewethákwen tsi enshatié꞉nawatste ne rahoriwatà꞉tsheras ne tkwawí꞉hons nón꞉wa wenhniserá꞉te, sénha í꞉se enhiashatstenhserowanáhthe tsi ní꞉ioht nakorénhsons ne tsi ionwentsá꞉te.