1 Kings 5:9 - Ohiatonhseratokénti

⁹ Nakonkwetaʼshón꞉ʼas enthonhnontatsnénhthaʼkwe nokhonrétshas ne Lebanon tánon kaniatarakheʼkowánen nienhatíhaʼwe tánon thenshakothinerékʼkhons tánon enhoniosehrónhni nahonnawènhthaʼkwe tsi nónhwe ne tkawenó꞉the nenhsehráko. Thóh nónhwe nakonhkwetaʼshón꞉ʼas iaʼthenshatiʼnerenkshiónko, tánon ne shonkwetaʼsónhas enhonʼtsiatakweʼní꞉iosthe. Tsi nòkwah níse ahisaterihwaiénhniʼke, akenónhwene naséhnonhte nakonhkwetaʼshón꞉ʼas.”

1 Kings 5:9 ပူးပေါင်းရင်းမြစ်များ

1 Kings 3:12

kwáh kíʼ thóh nénhtiere tsi nasehrihwanónhton. Kwáh sénha iawethowánen nathokhátsera entkónhion tánon ne kanikonhraienthátsera tsi ní꞉ioht nónhka akóren tsi nitsawénon tánon iáh shé꞉kon nónhka nakóren thóh tahonhsahiothónhake.

1 Kings 4:20

Nonhkweshón꞉as ne Judah ó꞉ni Nisraerʼró꞉nonhke thóh nihonatsókwas tsi níkonh tekanesaronhkótharon natsakʼtóntse; tehonskáhons tánon ratinekíra, tánon ronatʼtsenhnónhni.

1 Kings 5:10

Káti ne Hiram kwáh wahokhonrehtsaʼwíhon nonenhthakwénhtes ó꞉ni nonénhtas tsi natehotonhontsónihne,

1 Kings 5:8

Ethòne kíʼ ne Hiram hionhsahoterihwaʼniéthaʼse ne Solomon: “Watienáhon ne tisaterihwaniéton, tánon kíʼ waʼkathateweienhnenhtháhon ne thóh nátiere tsi nisehrihwanónhtons. Enʼtkátkaʼwe nonenhthakwénhtes ó꞉ni ne ohnénhta karonhtaʼsónhas.

1 Kings 9:27

Ronhnonhtí꞉io Hiram tó꞉ka niháti ne rotirenhnáhons ratihonwehiakeró꞉nons iasakoténieʼte né skátke ahothihióten ne Solomon rahonkwetaʼshón꞉as.

2 Chronicles 1:15

Tsi nikaríhwes ronnontí꞉ioʼkwe né kawistaráhkens tánon nowistanórons thóh nakanákerenhne tsi ní꞉ioht nonénhias, tánon nonenhtakwenhtétsheras thóh nikanákerehkwe tsi ní꞉ioht ne hionhiókwah karonhtasónhas ne tsi ionhnonhtaientáhons ne Judah nón꞉we.

2 Chronicles 2:16

Né tsi ionontarónhnions ne Lebanon kwáh enhiakwahronhtsákons nonenhtakwenhtétsheras tsi natesatonhontsóni, enhiakiwanerénkʼkons tsi enhiakhinioserónhnien, tanon enhiakinawenhte thóh kaniatarakekowahne Joppa nón꞉we niahawenonhatse. Ehnonhwe enwaton ne Jerusalem niasawe.”

2 Chronicles 9:22

Né Ronnontí꞉iokwe Solomon sénha rokwáhtseʼne ó꞉ni ratinikonratʼthókhaʼkwe tsi ní꞉ioht nakorénhsons ronhtiʼnonhtí꞉ioskwe ne tsi nihionhóntsaskwe.

Ezra 3:7

Nonhkweshón꞉as tahiontkawánion nowístas nahonwatikháriakse ne tehatitstenhró꞉thas tánon ne ratiskwenhkarakétas tánon ó꞉ni kákhwa tahontkawáhnion, nienekiráhthas, tánon ne iakenhiewáhtha kénhies ne iahonteniéhthonhke tsitkaná꞉thaiens ne Tyre tánon ne Sidon ne tahonthatawí꞉heke ne onenhthakwénhte okhonré꞉tsas ne Lebanon nón꞉we nahonthakónhne, né꞉ne kaniatarakheʼkó꞉wa nón꞉we nahontahatíhawe tsi nió꞉re ne Joppa. Orihwakwé꞉kon kí꞉ken thóh nahá꞉wenhne tsi ki nihoriwanonhwéhon ne rakó꞉ra Cyrus ne Persia nón꞉we.

Job Tánon ne Raoronhiakensera 32:8

Ók neh seh ne raotónhnets ne rónkwe, tánon ne rahonhní꞉sera Roshatstenhserowanenhkó꞉wa teshakó꞉wis ne kaʼnikonraienthátshera ne rononhà꞉ke.

Ecclesiastes 1:16

Wakatatró꞉ri, “Wakonhkwethowaná꞉hon, sénha katenikonhratʼthó꞉kha tsi ní꞉ioht nónhka rotkoráston ne Jerusalem nohénton í꞉i. Wakateriénthaʼre nahó꞉ten natʼtokhátshera ó꞉ni ne karihonniennítshera kwáh íken.”

Ezekiel 27:17

Ne Judah tánon ne Israel onáhtsa nènhʼne wahesakarhiákʼten ne sawenhsónhas, otsinakontakwáne otsikʼkhéta, iakenhiewátha kénhie, ó꞉ni iekwakonhonsthákwa.

Acts 12:20

Ne Herod kwáh íken tsi sakonákwasene nonkwesónhas ne Tyre ó꞉ni ne Sidon, sók kíʼ wahonnitiokónni wahonwatʼkénsera. Tahontiérente Blastus wathonwanikonrakénni, nehne rónkwe roteriwatsteríston ne tsi kanontihiotseráʼien, neh nahónton nasakoiénawase. Ehʼthóhʼne Herod rahohénton niahónne wahonwariwanóntonse ne skénnen, tsioríhwa ne tsi thatinákere ne rahotítʼkhwa thó꞉non nitewétakwe ne ronhnontí꞉io rahonakeraserákon.

Deuteronomy 3:25

Takerí꞉hon ne Takeniaʼtarí꞉hiake ne Jordan, Saiá꞉ner, tánon nakatká꞉tho ne iohontsí꞉io ní꞉se nakaniatará꞉ti, ne watkaʼtotsherí꞉ios iononhtaʼrón꞉nion ó꞉ni ne Lebanon Iononhtaʼrón꞉nions.’