1 Kings 5:1 - Ohiatonhseratokénti

¹ Ronhnonhtí꞉io Hiram né Tyre nónhwe kwáh tiókonhte tsi ronaténroʼkwe ne Táwit, tánon káti saharihwáronhke nètho Solomon tsi rahónha teshonatʼthakwénhni ne roʼníha Táwit tsi rononhtí꞉io íken,

1 Kings 5:1 ပူးပေါင်းရင်းမြစ်များ

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

2 Samuel 5:11

Ne Ronnontí꞉io ne Hiram ne Tyre nón꞉we iahoteriwaʼniéten ne Táwit, ne wakené꞉te ne onenhtakwénhte karontasónhas, ó꞉ni ratiʼswenhkarakétas ó꞉ni ne ratinenhiakwétarons ne ne ronónha ronwanonsiʼsenhénhni ne Táwit.

2 Samuel 8:10

Ne Toi iahó꞉tori ne roién꞉ha Joram tsi thénteron ne Ronnontí꞉io Táwit, ne ne tahonónweron tánon tahorénhsaron tsioríhwa tsi ronaterí꞉io ne Hadadezer tánon rosénh꞉nion. Nón꞉wa ne Hadadezer iotkáte ronaterí꞉iokwe ne Toi. Joram tahohawíten niaʼtekonshón꞉ahs kawistará꞉kens, owistanó꞉rons, tánon ne athésa niwashokóten karístatsis;

1 Kings 10:25

Nónhka enthonwanatharénhsera knahó꞉tenk enthonwahawíthaʼse nahón꞉hion—né꞉ne knahó꞉tenk kawistaráken tánon owistanó꞉ron, wakó꞉ses, ionhterihiosthákwah, hionhtekhwakonhonsthákwahs, akoshá꞉tens, tánon tewahóntes. Iehiokonhthákwenh kí꞉ken nóhsera tehiokwáhthaʼse thóh ní꞉ioht.

1 Kings 5:10

Káti ne Hiram kwáh wahokhonrehtsaʼwíhon nonenhthakwénhtes ó꞉ni nonénhtas tsi natehotonhontsónihne,

1 Kings 5:13

Ne Ronhnonhtí꞉io Solomon 30,000 niháti ronhnónkwe washakohonkhárhiake né nahontenatserónhni akwékon tsi niwatenáskwah ne Israerʼró꞉nonhke,

1 Chronicles 14:1

Né Ronnontí꞉io Hiram ne Tyre nón꞉we iashakoténieʼte ne ronhtenhnínons tsi ténhteron ne Táwit; taʼhót꞉kawase nonenhthaʼkwénhte karonhtaʼsónhas ó꞉ni ne tehatitsʼtenhrót꞉thas tánon ne raʼtiskwenhkarahkétas nahatinonsónhni ne ronhnontí꞉io rahonónsa.

2 Chronicles 17:11

Ótiakes ne Philistiaró꞉nons tahonwaʼhawítaʼse ne Jehoshaphat iawetátʼtsani kawistarákens ó꞉ni oiáhsons niʼiohtáhnions atathawítseras, tánon ótiakes ne Arabiaró꞉nons 7,700 niháti teiotinakaronhtónʼa tahonwanaskwenhawíten tánon 7,700 niháti kaiatákeras.

2 Chronicles 2:3

Né Solomon iahoterihwaniétaʼse ne Ronnontí꞉io Hiram né Tyre nón꞉we: “Tsi naʼtetsaterihwashontérahkwe ne Táwit rakenikén꞉en tetiateniethénhni nonenhtakwetétseras karontasónhas nahatenonshónhni ne kanonhtiʼiótshera kanón꞉sa.

2 Chronicles 9:26

Rahónha ne kwáh takorahserowánenhne tsi nihátikwe ne ronhtinonhtí꞉ioskwe ne tsi kanakeraserakéronskwe né꞉ne Euphrates Kaniatarahthátie tiotásawe tsi niʼió꞉re ne Philistia tánon ne Egyptke tkaristhatátie.

Ezra 4:20

Rothishatstenhserohwá꞉nenhskwe rotinonhtí꞉ioskwe ronatenonhtiióston ne nón꞉we tánon ronatkoráston tsi niwatenáskwah tsi kanakerahserá꞉ien ne tsi iaʼtewatsénhtos nokwá꞉ti ne Euphrates, rathirohróks꞉kwe tsi nihiokaraién꞉tons ó꞉ni nowístas.

Psalms 45:12

Nonkweshón꞉has ne Tyre entiesahawítase nathatawí꞉tsheras, né꞉ne kwáh thotikwahtsénions

Psalms 72:8

Waʼkaterénhnaien ne rahónha ahahiatakwení꞉ioke kwáh iahónwe tsi nió꞉re ne kaniatarakhekówaʼne, Euphrates ahontonhtásawen kwáh iahionhontsókten.

Psalms 80:12

Nontséren tsi waʼsatenhenré꞉nienhte ne tekawaʼnát꞉tonhne, ó꞉nenh nón꞉wa tsi nihiákon nenhiontóhetste enhionkhihiaianénhsko?

Exodus 34:24

Né nó꞉nen enkheʼhiatinekénhʼen ne onhkweshón꞉ʼas ne iesahiotátis tánon ensekʼkówanahthe ne sanakerásehra, kwáh iáh ónhka tahionteniénten nakonhwasénhni ne sanahkerásehra tsi nikaríwes kí꞉ken áhsenh nihioriwáhke tehiontenonhweráhtons.

Isaiah 23:1

Ne watewenhnakaratá꞉ton ne aorihwàke ne Tyre. Sewatewenhnó꞉ten, Ósewahhonweiaʼkowátshons ne Tarshish, asèken ne tesanatanákʼton watónhton. Iáh teská꞉ien ne ionrarókstha Nó꞉nen satonhtahónhne ne Cyprus wahónt꞉toke.

Ezekiel 19:11

Nahonenhrahsónhas kashástsʼtekwe tánon tsi onhtehiáron ne iahónton ne ronnonhtí꞉io raónia. Ne watenenharísehres tsi nióre tsi onhtehiáron kwáh ahónton ne iakanihárahne tsi tsiotsikerahrónhnion; onhkwetakwékonh wahontkátho tsi nihioteʼnerahthaʼkáte tánon tsi níhions.

Amos 1:9

Ne kí꞉ken aorí꞉wa ne Roiá꞉ner rá꞉ton: Aseʼken áhsen nieioterátston iorihwanére ne Tyre, tánon ne kaieríhaton, kwáh ki nenʼneʼeh iáh thaʼtaonsonkaterihwaténien ne kahrewahtáhtshera; tiorí꞉wa tsi kwáh ratinakerahserakwé꞉kon tsi iehonwanahtsakwaríhshion ne Edom nón꞉we, tánon iáh teshonné꞉iahre naterihwahseronniáhtshera ne ateró꞉sera rotíhson.

Numbers 24:7

Kwáh íken tsi iatenhiotiʼiérihse nokenhnorésera Tánon enhontheʼthonhniánion tsi nónhwe ne kwáh íken tsi kanekanónhten ne kahétakon. Ne ronhwanonhtí꞉io sénha enhasenhnowánenhke tsi ní꞉ioht ne Agag, Tánon tsi raʼkóra íken kwáh kíʼ ahinónh nióre ienhkénhake.

Luke 7:5

Aseken rontonhakȣe sakohnoronkȣa nontionkȣeta, sonkȣanonsisahani oni tsi ionterennaientakȣa.

Deuteronomy 20:11

Tó꞉ka tenhotinonhontseserons tsi iohtenhenrentonhnions tánon enhatiniaʼtarakétsko, kwáh ki ratikwé꞉kon í꞉se shón꞉kwetashónhas enhónton nasehiatenaskónhniaʼte tánon séhrek naieshahiò꞉tenhse.

1 Samuel 10:27

Ók ótiakes ne iáh ohthé꞉nen tehatirihwásthas wahonní꞉ron, “Ónh ní꞉iot tsi ahakwéni kí꞉ken rón꞉kwe nashonkwanónstaʼte?” Wahonwaʼkén꞉ron tánon iáh ohthé꞉nen tethonwaʼhawiʼtén꞉ni nahón꞉ion. Ók ne raón꞉ha skénnonk thahataʼtónhni.