1 Kings 4:1 - Ohiatonhseratokénti

¹ Solomon shakononhtí꞉ioʼkwe kanakeraʼserakwékon Israerʼró꞉nonke,

1 Kings 4:1 ပူးပေါင်းရင်းမြစ်များ

2 Samuel 20:23

Nón꞉wa ne Joab rahónha tesakoniaró꞉taron ratikwé꞉kon ne ronterí꞉ios NIsraerʼronónke; Benaiah ne ne roiénh ne Jehoiada rahónha ne tesakoniaró꞉taron ne Cherethites ó꞉ni ne Pelethites;

2 Samuel 5:5

Ne Hebron nón꞉we washatenontí꞉ioste kwáh kanahkeraseraʼkwé꞉kon ne Judah ne ne tsá꞉ta niʼioserákekwe tánon iáh-iák niwenhnítake; tánon thóh nón꞉we ne Jerusalem wahatinontí꞉ioste kwáh kanakeraseraʼkwé꞉kon ne Israerʼronónke ó꞉ni ne Judah ne ne áhsen niwáhsen-áhsen niʼioserákeʼkwe.

2 Samuel 8:15

Káti ne Táwit wahatenontí꞉ioste tsi niwatenáskwah ne Israerʼronónke; tánon ne Táwit ne wahateriwathéntsiate nateriwakwarishióntshera ó꞉ni tkarihwaiéri rononhá꞉ke ne raonkwetaʼshón꞉ahs.

1 Kings 11:13

Tánon iáh kíʼ kanakerasehrakwékon thaíhkwah; khèkok, skenʼtiókwah enhiʼiénraʼse né꞉ne rahorihwàke nakenhátshera Táwit tánon ne Jerusalem ó꞉ni ahorihwàke, né꞉ne kanatowánen né wakatenatharáhkwen.”

1 Kings 12:6

Né Ronhnonhtí꞉io Rehoboam washakorihwanónhthonhse ne thotíhions né꞉ne roʼníha Solomon ronhwatenikonhrasonhteránisʼkwe. “Nahó꞉ten tsi takerihwasheráko naskwahtenikonhron nahontatʼkhéhion kí꞉ken onhkweshón꞉as?” washakorihwanónhtonhse.

1 Kings 3:28

Nó꞉nen nonhkweshón꞉as Nisraerʼró꞉nonke saherihwáronhke tsi natehohiatoréton ne Solomon, kwáh ratikwékon wahatiʼhiathánaʼne tsi nahonwakwéniensʼthe, tsioríhwa ronateriénhtare tsi Rawenni꞉io thó꞉wi ne atenikonhratʼthokhátsera naharihwakwahtáko nahioianeréhake nahó꞉ten ne tekanikónhrare.

1 Kings 4:2

tánon né kí꞉ken ne kwáh éhʼneken thonatʼtsénhnaʼtes rahonkwetaʼshón꞉ʼas: Né ratsihénstatsi: né꞉ne Azariah né꞉ne roʼiénha ne Zadok

1 Chronicles 12:38

Ratikwé꞉kon kí꞉ken ronhterí꞉ios, ronaʼtateweienhnentáʼhon nahonterí꞉io, Hebron niaʼhónʼne, thoʼtinikonrahkonthákwen né nahonwanontí꞉iosʼte ne Táwit né꞉ne tsi niwaʼtenáskwah ne Israerʼró꞉nonke. Kwáh onhkwetaʼkwé꞉kon Nisraeʼró꞉nonke tsi kwáh né sahotiʼnikónra í꞉ken.

2 Chronicles 1:13

Ká꞉ti ne Solomon é꞉ren sáreʼte tsi nón꞉we nihonterenhnaʼientákwah ne Gibeon, Né꞉ne tsi nón꞉we niwathóhserote nihénteron ne Roiá꞉ner, tánon Jerusalem nionhsáre. Thóh nón꞉we nashakokroraste ne Israerʼró꞉nons.

2 Chronicles 9:30

Ne Solomon rotkorástonhte ne Jerusalem nón꞉we tánon ó꞉ni kanakeraserakwékon Nisraeʼró꞉nonke né꞉ne kaiéri niwásen niʼioserákekwe.

Nehemiah 13:26

Iáh ken ne Solomon, ne ronhnontí꞉iokwe Nisraeró꞉nonke, ne waharihwanerahátste ne kí꞉kens nahorihoténhsons? Ethó kisane tsi niienakerénion nonkweʼshón꞉as iáh ki ónhka ne ronnontí꞉io ne tahonsahiatsérenhke, né꞉ne raoʼNí꞉io ronorónkwahkwe, tánon ne Ní꞉io raónha wahonontí꞉ioste akwé꞉kon tsi niwatenáskwah ne Israerró꞉nonhke. Ók Iekaní꞉hare ki ne wahosárihne ne karihwaneraháktsheras ne thiiahontsá꞉te iónkwe.

Ecclesiastes 1:12

Í꞉i, kherihonhniénhni, wakenonhtí꞉iokwe ne lsraero꞉nonhke né꞉ne Jerusalem nónhwe.