1 Kings 3:9 - Ohiatonhseratokénti

⁹ Káti táskon ne atenikonhratʼthokhátsera ne tewakathonhontsóni nakhehiatʼkórasʼthe ne shonkwetaʼshónhas né꞉ne kaiáneren tánon nahonkateriéntaraʼke tsi naʼtetʼtsatʼthíhen ne ioiánereh tánon ne karihwáksenh. Tó꞉ka iáh, ónh ní꞉ioht tsi akʼkwéni nakhehiatkórasʼthe kíʼ eh nihonatsókwah shonkwetaʼshónhas?”

1 Kings 3:9 ပူးပေါင်းရင်းမြစ်များ

2 Samuel 14:17

Ne sanhátsera wahé꞉re, ‘Ne raowénhna Natiá꞉ner ne ne ronnontí꞉io kwáh enhakateriswénhtoseʼ; asèken natiá꞉ner ne ne ronnontí꞉io kwáh neh teshiatié꞉ren ne raoronhiakeró꞉non Ní꞉io, ieharíhwakens ne ioiá꞉nere tánon ne kariwahét꞉ken. Ne Roiá꞉ner Saní꞉io kwáh senikweʼkónhak!’”

1 Kings 10:24

tánon kwáh ohontsakwékon tehiakotonhontsoníhne ne thóh iáhien tánon ahiontahónsathaʼte natʼthokhátseras ne Rawenni꞉io thó꞉wi.

1 Kings 3:10

Ne Roiá꞉ner wahawerientí꞉io nètho Solomon tsi thóh ní꞉ioht tsi waharihwanónton,

1 Kings 3:28

Nó꞉nen nonhkweshón꞉as Nisraerʼró꞉nonke saherihwáronhke tsi natehohiatoréton ne Solomon, kwáh ratikwékon wahatiʼhiathánaʼne tsi nahonwakwéniensʼthe, tsioríhwa ronateriénhtare tsi Rawenni꞉io thó꞉wi ne atenikonhratʼthokhátsera naharihwakwahtáko nahioianeréhake nahó꞉ten ne tekanikónhrare.

1 Chronicles 22:12

Tánon aiáwens ne Roiá꞉ner ne Saní꞉io ahontáhion natʼthokhátshera ó꞉ni ne kanikonhraienthátshera né ká꞉ti nahónton nasheiatʼkóraste Nisraeʼró꞉nons ne ahontahioianénhaʼwe ne raʼoianerénhsera.

1 Chronicles 29:19

Tátshion ne riʼiénha Solomon kwáh raweriasaʼkwé꞉kon tsi ahaskanékʼseke tsi ahatewénhnarahkwe orihwaʼkwé꞉kon tsi nisharihwíson ó꞉ni nahonsahanonhsónhni Nononsatokentiʼkówa tsi niʼwakeweienhnenhthásheron.”

2 Chronicles 1:10

ká꞉ti táskon naʼtenikonhratʼthokhátshera ó꞉ni ne kanikonhraienthátshera tsi naʼtewakatonhontsóni nakheʼiatkóraste. Asèken, onh ní꞉ioht tsi akʼkwéni nakheʼiatkóraste kí꞉ken tehionenhranón꞉hiani shonkweʼtashón꞉as?”

Psalms 119:144

Ne saianerénhseras tiotkonhónwe tkarihwaiéri í꞉ken, táskon ne kaninkonraienthátshera ne nahónton akónnheke.

Psalms 119:34

Takónhnien nakʼkwéni ahonkenikonhraiénhtaʼne ne saianerénhsera; kwáh akatonhnhetserakwékon tsi enkatiénawasʼte.

Psalms 119:73

Satshanáke watsiatíshon tánon watiatasherónhni; tewakáwis nahonkenikonraiéntaʼne ne nahónton akewehientétaʼne ne satsiawenhráhseras.

Proverbs 14:8

Oh nontié꞉ren ne rattókha tsi teiakoʼnikonhráthe? Ne tsi roterién꞉tare tsi nihatiéhrha. Oh nontié꞉ren ne iáh thaʼtehoʼnikonhráthe tsi tehotenonhwarorí꞉tonte? Ne tsi í꞉rehre raonhá꞉ʼak roterién꞉tare.

Proverbs 16:16

Kwáh sénha ísiʼ non tsi ioiánere nashiena nattokhahtsherí꞉io tsi ní꞉ioht noʼ ohwistanó꞉ron. Nashena kanikonraienthatshera tsi aiesaiatarakwen tsi niiot ne kawistaráken.

Proverbs 20:12

Roiá꞉ner tehsonkwá꞉wi okà꞉ra naietewatkáhtho tánon ohónhta ne aionkwaʼthón꞉teʼne.

Ecclesiastes 7:11

Ónhka ne iakonnhétie ahó꞉wenk nahiontenikonhratʼthókhake; kwáh et nihioiánere tsi ní꞉ioht nahiontáthon ne kaienthá꞉tshera

Ecclesiastes 7:19

Natenikonhratʼtokhátshera sénha ne iakoiénawase nónhkwe tsi ní꞉ioht ne oiéri nahatíhake ratikoráhsons tsi nahatí꞉iere ne kanatowáhnen.

Jeremiah 1:6

Watkerihwahsehráko, “Shanonhtí꞉io Saiá꞉ner, iáh tewahkateriéntahre onʼní꞉ioht tsi ahkatáhti; sóhtsi nitewahtiónha.”

Jeremiah 45:5

Kwáh kén séhshaks ne iorihowáhnenh ne shariwáhke? Tó꞉sa éhʼtho náhtsiere. Kwáh takʼkháwi ne kakahronhniátshera nonhkwetahkwékon akorihwáhke, ók kíʼ níse ensehniákente ne tsi sónnhe, ne ne kwáh tsík nonhwéson nienhénse. Í꞉i, ne Watiá꞉ner, wahkatáti.”

Daniel 2:21

Raónha thoniarotárhon ne tsi nikahwistà꞉eʼks tánon tsi niiawénhserons ne onhwentsià꞉ke ó꞉ni tsi watkwenhrá꞉rons; shakonontiióhstha tánon sehshakonontiiókwahs; à꞉seʼken raónha thahtkà꞉wahs ne attokháhtshera tánon ne kaʼnikonhraientáhtshera.

Matthew 3:11

Nese ok ȣahi nii naȣenke kȣanekȣahesta nakaieronnihake tsi tsiseȣatatreȣata; nok tanon nʼonaken tare neh senha rokȣeniatseroȣanen, akȣekon iah teȣakerihonte neok oni ne rahota akathaȣa: rahonha ensetsiseȣanekȣaheste Rahonikonra tokentiserakon oni otsirake.

Matthew 3:14

Ȣatharihoroke ne Saȣatis, ȣahenron: ii tanon teiotonȣentriohon naskenekȣaheste nok kenh ise takeriȣanontonni.

John 5:30

Iah othenon takeriȣakȣeni ne ok ii taontakanonton. Neh tetiatoretakȣa tsiniiot tsi karonkas, nok iottakȣarision nakiatoretatsera; aseken iah neh teksere nakatennikonra, neh tanon rinikonrasere ne Rakeniha thakatorion.

2 Corinthians 2:16

Asèken tsi niiakon ne iakotiaʼtatonʼon, ne ne wenhseratʼsen kenheiat ne nenhneʼe iakoʼnonhwahiakons; Tsi niká꞉ien ne tiontanenonhstaton, ne ne wenserakon tkahas atonhnets. Ónhka káti iakokwénion ne tho nikaioʼtenhserò꞉ten aiakoióʼten?

2 Corinthians 3:5

Iáh teionkwaianerenhserá꞉ien ne aietewathró꞉ri oh nahò꞉ten aionkwaióʼten ne iaʼtetewaiá꞉ti. Rawenni꞉io tehshonkwá꞉wis tsi naʼteiotonhontsó꞉hon ne thé꞉nen naietewá꞉iere.

Ephesians 5:17

Tóhsa tasewathonʼnókʼtat, nók satheniénten naseriwatʼtsénri nahóten tehonthohontió꞉ni ne Roiá꞉ner ahisahióten.

Philippians 1:10

Nahontakariwaiérike tsi ní꞉ioht tsi tensewaiatohréhthake. Ne entionniʼiósthakwe ó꞉ni iáh othé꞉nen taihsewateriwaéhsten nó꞉nen thé꞉tre ne Kerístos. Ó꞉ni káti tsi nió꞉re ienwatenniseriéhwe

Hebrews 5:14

Ne iokhwáh ní꞉ron, né꞉ne ne iakotehiáron akówenk, tsi iakoweientetáhon eniekwéni tahiekháshion tsi natetsátere ne iohiánere tánon ne wahétken.

Ne꞉ne Sák Rohiaton 1:5

Nók tóhka ónkak tsi nítion tisewatótʼtani ne kanikonraienthátsera, teʼiontonwentióʼon Rawenniʼióke iasewaterénnaien, rahónha enthetsítion; asèken ne Rawenni꞉io kwáh raweriáne nitewétha ó꞉ni atanitentserákon tsi ákwe tesakówis.

Ne꞉ne Sák Rohiaton 3:17

Nók ne karonhiáke nitiawénon ne kanikonraienthátsera kwa né aóskon íken; tánon ó꞉ni sakthíken, tioriwaiéri, ó꞉ni wateroserí꞉io; kwá thitʼkáhere nataniténron ó꞉ni ne kaientwákwas ne kahiotenseríʼios; iáh ó꞉ni tehiotkenronniáskon iáh ó꞉ni kaierónsera tèken.