1 Kings 3:7 - Ohiatonhseratokénti

⁷ Ó Saiá꞉ner Sewenní꞉io, waskeríhon né tahonsahiʼnakʼthákwen ne rakeʼníha tsi rononhtí꞉iokwe, iawerohátien tsi kénk niʼtewatiónha tánon iáh tewakateriéntare onhʼní꞉ioht tsi akatʼkórasʼthe.

1 Kings 3:7 ပူးပေါင်းရင်းမြစ်များ

1 Chronicles 29:1

Ne Ronnontí꞉io Táwit washakorihowaná꞉ten ratikwé꞉kon ne ronatsataró꞉ronhne: “Né riʼiénha Solomon tsi rahónha né Rawenni꞉io roiataráhkwen, ók shé꞉kon kí꞉ken nithoʼiónha tánon iáh teharihwaientéris. Né kahioténhsera nakahioténhen tsi nikahiotenhseroʼwánen, asèken iáh kíʼ ónhkwe tehiakonónsa tèken ók né꞉ne Raononhsatokentikowa í꞉ken ne Roiá꞉ner Ní꞉io.

Numbers 27:17

tánon nahakwéni nashakorihónten ne tsi waterí꞉io, né káti ne ienákere tó꞉sa thóh nahotihiátawen tsi ní꞉ioht ne teiotinakaronhtónʼa iáh tehiotí꞉ien nakonhwanatenhnikonhráren.”

Jeremiah 1:6

Watkerihwahsehráko, “Shanonhtí꞉io Saiá꞉ner, iáh tewahkateriéntahre onʼní꞉ioht tsi ahkatáhti; sóhtsi nitewahtiónha.”

John 10:9

Ii ne tsi kannhokaronte; onka iihne enhiontaȣeiate neh enhieniakenne, enhiontaȣeiate oni entsieiakenne nok enhiestsenri ne kakkȣiio.

Daniel 5:21

Rawenni꞉io wahorékwahte tsi nón꞉we nihatí꞉teron ne onkweʼshón꞉a, tánon eʼtho nahoʼnikonhró꞉tenʼne tsi ní꞉ioht ne kontírio. Skátne wahóntien ne ratirhakonhró꞉non ne tewahónhtes, ó꞉ni eʼtho ní꞉ioht tsi wahahóntake tsi ní꞉ioht ne tiohnhónskwaron teiotiná꞉kares, ó꞉ni átste raonwéhstakwe tánon tsi iáh thé꞉nen thahoiatanónhstate tsi ne ahoʼáweiaste tsi nón꞉we nihanonhwétsthakwe. Tsi niió꞉re iahoʼnikonhraién꞉taʼne tsi né seʼ ne Roʼshatstenhserowá꞉nen Rawenni꞉io tehshakoniarotárhon ne onkweʼshón꞉a ne tsi nonwéhshon niʼienakerénion tánon rokwénion ne aontahshakáon ne kanontiióʼtsheras ne kwáh tsik ónhka nen shakohiaʼtará꞉ko.

Daniel 5:18

“Ne Roʼshatstenhserowá꞉nen Rawenni꞉io taháon ne iaʼníha Nebuchadnezzar ki kanakeráhsera tshiewakwé꞉kon naoʼshatsténhsera ó꞉ni ne kaiaʼtanehrakwáhtshera tánon ne nahahsennowánnha.

Daniel 4:32

Eniesarékwahte tsi ratí꞉teron nonkwehshón꞉ʼa, kontírio ientsisewakwekónhake, ó꞉ni óhonte ensehsonʼnhéhkwen né tsá꞉ta niiohserá꞉ke tsi ní꞉ioht ne tiohnhónskwaron teiotinà꞉kares. Eʼthó꞉ne enhserihwaní꞉rate ne Roʼsatsthenhserowá꞉nen Rawenni꞉io tsi raoʼshatsthénhsera í꞉kate tsi kanontiioʼtsheraké꞉ron tsi ionhwensià꞉te tánon raónha enthanónhton ónhka ahshakoiaʼtará꞉ko naiontenontí꞉iohste.”

Daniel 4:25

Eniesanakerákwahte tsi nón nihón꞉nes nonkwehshón꞉ʼa tánon kontírio skátne entsiʼsewakwekonhatié꞉sheke. Tsá꞉tak niiohserá꞉ke óhonte khók ensesékʼsheke tsi ní꞉ioht ne teiotiná꞉kares tionhónskwaront ó꞉ni kenʼk nón꞉we tsi iówerare non nenhsanonhwétsheke, thoʼ ó꞉ni nón꞉we nensaʼáweiahste. Tsi niaʼtenhsókten ne tsá꞉ta niiohserá꞉ke enhserihwahní꞉rate ne kwáh Roʼshatstenhserowá꞉nen Rawenni꞉io tehshakoniarotárhon onkweʼtakwé꞉kon tsi nón꞉we ne kanontiioʼtsherakéron tsi ionhwentsià꞉te tánon ó꞉ni kwáh thenhanónhton ónkha ahshakoiaʼtará꞉ko naiontenontí꞉iohste.

Daniel 2:21

Raónha thoniarotárhon ne tsi nikahwistà꞉eʼks tánon tsi niiawénhserons ne onhwentsià꞉ke ó꞉ni tsi watkwenhrá꞉rons; shakonontiióhstha tánon sehshakonontiiókwahs; à꞉seʼken raónha thahtkà꞉wahs ne attokháhtshera tánon ne kaʼnikonhraientáhtshera.

Ecclesiastes 10:16

Ne kanakerásehra wenhtó꞉rahtse nónenh ne Ahonnonhtiʼiótshera kenʼnithohiónha tánon ne ohénton iehonhnéton asonthakwéksons tsehonatʼthonró꞉hon tehonatskáhon.

Psalms 121:8

Né Roiá꞉ner kwáh kí enhiaiatanónstate nó꞉nenh kénhen ienshaténhti tánon tsi nathentéseh kénʼen ienhwatásahwen tánon tsi nénhwe enkénhake.

2 Samuel 5:2

Asèken kwáhʼthóh tsi nikarí꞉weskwe, tsi náhe ne Saul shonkwanontí꞉iokwe, kwáh í꞉se tethesehiatinekénʼen Israerʼró꞉nons tánon thontasehiaténhawe. Ne Roiá꞉ner ièn꞉ni ónhka nenhsakotenhnikón꞉rahren nakonkweʼtashón꞉ahs Israerʼró꞉nons, í꞉se ne kwáh ensatkóraste NÍsraerʼronónke.”

1 Samuel 18:16

Ók ratikwé꞉kon Nisraerʼrononke ó꞉ni ne Judah ronwanorónhkwah ne Táwit; asèken raón꞉ha kiʼ ne iehanenhrínekenskwe tánon tsi natetonhnètha tenhthesakohéntenhse.

Deuteronomy 31:2

tánon wahèn꞉ron, “Ó꞉nen énska tewenhniáwe tánon tewáhsen naʼtewakoserihià꞉kon tánon iáh ó꞉nen tahonsaʼkwéni nahonshakwenhéntenhse. Tánon thíkate kí꞉ken, ne Roiá꞉ner rakró꞉ri né꞉tho tsi iáh tsiathatiahiáke ne Jordan.

1 Chronicles 22:5

Né Táwit wáʼrehre, “Nononsatokentiʼkówa ne riʼiénha Solomon enhanonsónhni onhtewá꞉hi tsi nenhiononsaʼnerahkwahtónhake tánon oʼontsakwé꞉kon tsi enkasenhnowá꞉nenhke. Ók kén niʼthohiónha tánon iáh tehorenhnáhon, ók kíʼ í꞉i entkathásawen naʼkeweienénhtaʼne.” Sók kíʼ ne Táwit iawetatʼtsáni ne iontenonsonhniáta waʼharóhroʼke nahaweienénhtaʼne nohénton arénheʼie.

1 Chronicles 22:9

Ók kíʼ, ethohʼsáne, wahakarahrátsten. Wahénron, ‘Ensawirahiéntaʼne tsi kwáh skénnenk tsi enhatkórasʼte, tsioríhwa tsi entʼthíhion ne skénnen enkénhake tsi nòkwah ne tehontát꞉tsons. Solomon enhonwaiátʼtseʼke, Kí꞉ken kasénhna tsi iontonhníhon ne Hebrew owénhna né꞉ne “Shalom,” né kéntons “skénnon tánon iorihwaníron.” Tsioríhwa tsi nikaríhwes enhonhnontí꞉ioʼke enthekhéhion Nisraeʼró꞉nons ne skénnon ó꞉ni ne iorihwaníron.

Jeremiah 1:7

Ók ne Roiá꞉ner wahakénhase, “Tó꞉sa tsíron tsi ken nithisahiónha, ók wáhs onhkwé꞉ne niaháse tsi niekonhiatórion, tánon orihwahkwékon sehróri tsi nikonhnáhon nahsíhron.

Proverbs 18:12

Iáh ónhka thatskwénienhste tsik roniténhton; nón꞉kwe iontatón꞉ni tho néntewe tsi eniontatkarón꞉ni.