1 Kings 22:4 - Ohiatonhseratokénti

⁴ Tánon ne Ahab wahorihwanónhtonhse ne Jehoshaphat, “Ahíʼteneʼken niahiʼtsatsathónhti ne Ramoth?” “Wakathateweienhnenhtháhon tánon nó꞉nenh níse ensathateweienénhtaʼne,” ne Jehoshaphat wathariwaseráko, “tánon ó꞉ni natʼsóhtar ó꞉ni nakonhkwetaʼshónhas ne rotisáthens tsi ronhterí꞉ios.

1 Kings 22:4 ပူးပေါင်းရင်းမြစ်များ

1 Kings 22:29

Ethòne ne Ronhnonhtí꞉io Ahab Nisraerʼró꞉nonke nónhwe tánon ne Ronhnonhtí꞉io Jehoshaphat né Judah nónhwe iahá꞉ne iakonhwatsathónhti ne tsi kanatowánen Ramoth né꞉ne Gilead nónhwe.

1 Kings 22:5

Ók kíʼ thiʼtsiátseren tsi thininhikonhríhsak ne Roiá꞉ner.”

1 Kings 4:13

Bengeber: né꞉ne kanatowanénhke Ramoth né Gilead nónhwe, tánon tsi kanataiéntons ne Gilead nónhwe neʼnènhne rahotinátas ne tsi ratitáraien ne Jair, eh nónhwe nithonatʼwatsiríhnon ne Manasseh, tánon ne tsi kanakerasehráien ne Argob né꞉ne Bashan nónhwe, iá-iak niwásenh nikanátakes ne kanatowánens tiokwékton, tekanatanákʼtons wathenhénroʼte tánon otsínekwar nikaristhó꞉tens tekarenhwénhnions ne tsi iotenhenrakáronhtes

2 Kings 3:7

Iahoterihwaniéthaʼse ne Ronhnonhtí꞉io Jehoshaphat ne Judah nónhwe: “Né ronhnonhtí꞉io Moab wahakenenhrót꞉thaʼse; enskhatiataráseke nahitewaterí꞉io ne rahónha?” “Thóh nénhtiere,” Ronhnonhtí꞉io Jehoshaphat watharihwaseráko. “Kwáh tsi nenskeniáhese, tánon ó꞉ni nakonkwetaʼshón꞉as ó꞉ni nakitsenenhó꞉kons kosáhtens.

2 Chronicles 18:3

Waharihwanónhton, “Entiatenhró꞉senhken niahitsatiatónhti ne Ramoth?” Jehoshaphat watarihwaseráhko, “Kwáh wakatateweienhnenhtáhon tó꞉ka ní꞉se sathateweienhnenhtáhon, né nón꞉ne sá꞉ka nakitsiókwah ronhterí꞉ios. Enkwahtiátarahse kíʼ.”

2 Chronicles 19:2

Rotó꞉kenhse, Jehu né roʼníha né꞉ne Hanani, iahá꞉re ne tahiatátken ne ronnonhtí꞉io tánon wahawénhase, “Í꞉sere onhtèken tkarihwaiéri nahonwatiʼiénawaʼse ne ionhkwetahétkens tánon né ahonwatirihwá꞉wahse tsi nihá꞉ti ronhwá꞉sons ne Roiá꞉ner? Tsi nishatiéren né takáhaʼwe ne Roiá꞉ner raonhakwáhtshera né shonháke.

Proverbs 13:20

Skátne sewé꞉shek ne ronttókha í꞉se ó꞉ni ensattókhaʼne. Tókaʼ enhsatenroʼserón꞉ni ne iáh tehonteʼnikonhrattókha eniesakarón꞉ni.

1 Corinthians 15:33

Tóhsa iesanonwahrohritónni. “Ne wahterohserákʼsen iontaʼtetkenténni ne tiakoriwahiéri.”

Ephesians 5:11

Kwáh tóhsa thènen sateriwaténtiat nononwenserasónhas, tsi neh nihontiéras nakorénsons, neh rohthihiótens ne tetiókaras aoriwasónhas. Khék tsi tehioswátʼte nónwe nontasehiaʼténhaf. (

2 Sawátis 1:11

Nónhka kí꞉ken nen onwanateraswiʼiosten wasakonatiatháhrase tsi niontié꞉ra ne kariwatʼsen.

Revelation 2:26

Rononhà꞉ke tsi nihá꞉ti enhontkwé꞉ni tánon ienontashón꞉teren natsoténhseras tsi nió꞉re ienwahtonhontsiotʼten, Ní꞉i kwáh enhkherí꞉on nahonwanatkó꞉raste ne ronhnonontsakeró꞉nons;