1 Kings 22:3 - Ohiatonhseratokénti

³ Né Ahab washakorihwanónhtonhse ne rahonkwetaʼshón꞉as, “Onh nonhtséren tsi iáh othènen tethewahiéra nahonsetewaiéna ne Ramoth né Gilead nónhwe nahonshatsitewákwah ne ronhnonhtí꞉io ne Syrianʼhne? Í꞉i onhkwáhkwenk!”

1 Kings 22:3 ပူးပေါင်းရင်းမြစ်များ

2 Samuel 19:10

Ók ne Absalom, tsi raónha tsi tewahiatará꞉kwen, rawenhé꞉ion ateriʼioseráke. Nón꞉wa ne kariwaientákwen onontsiéren tsi iáh othènon tesewáton tsi nòkwah ne tahontatsitewaiathénhawe ne ronnontí꞉io ne kénʼen?”

1 Kings 22:29

Ethòne ne Ronhnonhtí꞉io Ahab Nisraerʼró꞉nonke nónhwe tánon ne Ronhnonhtí꞉io Jehoshaphat né Judah nónhwe iahá꞉ne iakonhwatsathónhti ne tsi kanatowánen Ramoth né꞉ne Gilead nónhwe.

1 Kings 4:13

Bengeber: né꞉ne kanatowanénhke Ramoth né Gilead nónhwe, tánon tsi kanataiéntons ne Gilead nónhwe neʼnènhne rahotinátas ne tsi ratitáraien ne Jair, eh nónhwe nithonatʼwatsiríhnon ne Manasseh, tánon ne tsi kanakerasehráien ne Argob né꞉ne Bashan nónhwe, iá-iak niwásenh nikanátakes ne kanatowánens tiokwékton, tekanatanákʼtons wathenhénroʼte tánon otsínekwar nikaristhó꞉tens tekarenhwénhnions ne tsi iotenhenrakáronhtes

2 Kings 8:28

Né Ronnón꞉tiio Ahaziah iatiátieste ne Ronnón꞉tiio Joram ne Israerʼró꞉nonke nahonterí꞉io ne Ronnón꞉tiio Hazael ne Syriaró꞉non. Ne ronterí꞉ios Ramoth né꞉ne Gilead nón꞉we nathónteraʼne, tánon ne Joram wahokaréwate tsi ronaterí꞉io.

2 Kings 9:14

Ethòne ne Jehu wahatinikonrónhni tsi nahoiérase ne Ronnontí꞉io Joram, Jezreel né nón꞉we iéreskwe, thóh nón꞉we niehawénon niahonsahaiewénhtaʼne tsi nihotkarewáton ne tsi waterí꞉io né Ramoth tsi iehonwatsiatóntion ne Ronnontí꞉io Hazael ne Syria nón꞉we. Ká꞉ti ne Jehu washakawénhase ne rontenrosónhas ne ratisenhnowánens, “Tóh꞉ka tewakwékon í꞉ken, kwáh orihwí꞉io tsiónhni tóh꞉sa ónhka naʼieiákenʼne ne Ramoth tánon nahonwanaronkatenhníra nonkweshónhas ne Jezreel nón꞉we.”

Deuteronomy 4:43

Nétsi ratiʼtá꞉raien ne Reuben thóh né kaná꞉takon ne Bezer, né꞉ne iahonwentsathèn꞉ke tiotonhontsá꞉tes nónhwe; ne tsi ratiʼtá꞉raien ne Gad thóh ne nón꞉we Ramoth, né꞉ne tsi kanakeraserá꞉ien ne Gilead; tánon ne tsi ratiʼtá꞉raien ne Manasseh thóh ne nón꞉we Golan, ne tsi kanakeraserá꞉ien ne Bashan.

Joshua 20:8

Tánon áhsen nikaná꞉thakes né꞉ne tsitkarahkwí꞉nekens nòkwah ne Jordan Kaniataratátie, né꞉ne Bezer né꞉ne tsi kanakerahserá꞉ien ne Reuben; Ramoth né꞉ne Gilead nón꞉we, né꞉ne tsi kanakerahserá꞉ien ne Gad nón꞉we, tánon ne Golan né꞉ne Bashan nón꞉we, né꞉ne tsi kanakerahserá꞉ien ne Manasseh.

Joshua 21:38

Ne tsi ratiʼtá꞉raiens ne Gad kaié꞉ri nikaná꞉thakes wahatiienà꞉seron: né꞉ne Ramoth ne Gilead nón꞉we, thóh í꞉kare ne watenhenrowá꞉nen ne tsi konhwatiʼteronhtáhkwa ne rahotiʼtshé꞉nens (ne nénskat ne kanatowá꞉nens ne ronthasetáhkwakwe ne sohnateriwatewá꞉tons), né꞉ne Mahanaim,

Judges 16:2

Nonhkweshón꞉as ne Gaza wahatirihwatsénhri ne Samson tsi thóh nónhwe ní꞉res, sók kíʼ wathatinonhsanáke tánon asonhthakwékon wahonteráraʼte ne tsi iotenhenrakáronhte ne kanatowanénhke. Kwáh asonhthakwékon sakʼtihonathatónhni, rononhatsíwak khók tsi níhiot tsi ronhnonhthónhnionsʼkwe, “Enhtewateráhrathe tsi nióre ienhiórenhne, tánon ethòne entsitewanonhwariákon.”

Judges 18:9

“Káts,” watatirihwasehráko. “Ánion ieietʼtihiatsathónhti ne Laish. Wahakwatʼkátho ne tsi ionhontsáien, tánon kwáh í꞉ken tsi iohontsí꞉io. Tó꞉sa sewaterahiátat niahí꞉sehwe né nónhwe tánon iasehwatsénawast!