1 Kings 2:9 - Ohiatonhseratokénti

⁹ Ók iáh kíʼ tehiówenk né kénk tsahonhsáre ne tó꞉sa othènen wahonwaréwaʼthe. Sateriénthare tsi nenhshié꞉re, tánon ónenk tsi né enshaterihwathéntsaʼte nahonwanonhwaʼrhiákon.”

1 Kings 2:9 ပူးပေါင်းရင်းမြစ်များ

Genesis 42:38

Ók wahén꞉ron, “Ne riién꞉ʼa iáh tho tshiá꞉re, aseʼkénh ne iatateʼkén꞉ʼa rawenhé꞉ion, tánon raonhá꞉ʼa khók iaʼteshotatén꞉ron. Tó꞉ka ohthé꞉nen ahokaré꞉wahte ne tsi niioháhes tsi nienhénsewe, tsi nenwakeʼnikonhráksen iensewá꞉senhte tsi niwakenontsistarà꞉ken thóh non ne Sheol.”

Genesis 44:31

nó꞉nen enháttoke ne raksá꞉ʼa tsi iáh tetsákwe, nontié꞉renʼk enhrénheie; tánon ne sahnhaʼtsheraʼó꞉kon ieniakwá꞉senhte tsi nihononhkwareʼtarà꞉ken ne sahnhá꞉tshera ne shakwaʼníha tsi nenhoʼnikonhràksenh tho nón꞉we ne Sheol.

Genesis 9:6

Nónhka aiontatenonhwariá꞉kon nón꞉kwe, akó꞉ren nón꞉kwe entiontatenonhwariá꞉kon; aseʼkénh kwáh tsi nihatkathohtsheró꞉ten ne Rawenni꞉io tsi shakoiaʼtíson nón꞉kwe.

2 Samuel 16:5

Nó꞉nen ne Ronnontí꞉io iahá꞉re ne Bahurim, rónhkwe ne néh saotitá꞉ra ne Saul tahahiá꞉kenhne ne ne ronwáiats Shimei nènhʼne roiénha ne Gera; tsi tahaiákenhne ratewenhnhatsathánions.

2 Samuel 3:39

Ónhwa wenhniseráte iáh othènon teshewaʼkeshastsʼtenhseráien, iawerohátien tsi iontsatahrá꞉kwen wakenontí꞉io; kíʼ ronnónkwe, ne sakoiohʼokónʼahs ne Zeruiah, shó꞉tsi ronhnonkwetáksen nakerihwáke. Ne Roiá꞉ner shesakokárhiaks tsi niká꞉ien ne thóh nenhá꞉iere ne kariwahetkénsera ne tsioianénhaf tsi nironkwetahétken!”

1 Kings 2:6

Sateriéntare tsi nénhshieʼre; tó꞉sa tseríhon ne skénhnonk khók tsi ní꞉ioht tsi arénheie.

1 Kings 3:12

kwáh kíʼ thóh nénhtiere tsi nasehrihwanónhton. Kwáh sénha iawethowánen nathokhátsera entkónhion tánon ne kanikonhraienthátsera tsi ní꞉ioht nónhka akóren tsi nitsawénon tánon iáh shé꞉kon nónhka nakóren thóh tahonhsahiothónhake.

1 Kings 3:28

Nó꞉nen nonhkweshón꞉as Nisraerʼró꞉nonke saherihwáronhke tsi natehohiatoréton ne Solomon, kwáh ratikwékon wahatiʼhiathánaʼne tsi nahonwakwéniensʼthe, tsioríhwa ronateriénhtare tsi Rawenni꞉io thó꞉wi ne atenikonhratʼthokhátsera naharihwakwahtáko nahioianeréhake nahó꞉ten ne tekanikónhrare.

Job Tánon ne Raoronhiakensera 9:28

Waketsá꞉nike akwé꞉kon nakeronhiakénhsera, asè꞉ken wakaterièn꞉tare tsi iáh ne taskónhniate ne iáh tahonkeʼní꞉konh.

Exodus 20:7

“Tó꞉sa énsatsthe naksénhna ne kariwahétken ahoriwàke, asèken Í꞉i, ne Watiá꞉ner Sewaní꞉io, kwáh enkheréwaʼthe nónhka enhiesenhnaiésaʼthe naksénna.

Exodus 22:27

tsioríwa tsi thóh khók níhiot tsi rotiatawiʼtsheráien nahohiathataríhathe. Nahó꞉ten nóia áratsthe tsi ahóthawe? Nónen iathohoʼhénrethe nakonhàke nahiʼiénawaʼse, kwáh kíʼ tenhiriwaʼserákwahse tsioríwa tsi wakathanitenrátskon.

Exodus 22:28

“Tó꞉sa thènnen tshiénhas ne kariwahétken ne Rawenni꞉io, tánon tó꞉sa thetsiʼtionnharíkʼkhon ne sakohenténhse ne tsionkwetashónʼa.

Numbers 32:23

Ók kíʼ tó꞉ka iáh thaʼhisewatiénawasthe tsi nisehwararátston, Waʼkwahronhkáten kíʼ tsi ensewarihwánerake tsi nòkwah ne Roiá꞉ner. Kwáh tó꞉sa ó꞉ia ní꞉ioht tsi sewanontónhnionf; ensehwatréwate ne sewarihwaneraháktshera.