1 Kings 2:7 - Ohiatonhseratokénti

⁷ “Ók shé꞉nest ne kanoronhkwáhtsera tsi nòkwah ne Barzillai sakohiohokónhas né꞉ne Gilead nónhwe nithonénon tánon sehiathenhnikonhráren, tsioríhwa tsi nithotirihwaiérihkwe tsi nòkwah ní꞉i nó꞉nen shiʼwakatekwenhátsiesʼkwe tsi nòkwah ne tsaʼthatekénha Absalom.

1 Kings 2:7 ပူးပေါင်းရင်းမြစ်များ

Genesis 40:14

Ók kiʼ saskehiá꞉raʼn nó꞉nen akwé꞉kon entsioiánerehke ne sarihwá꞉ke; ahsathón꞉tate taskerihwaié꞉rits takená꞉ton raohén꞉ton ne Pharaoh, ne katíʼ naonsastiaʼtínekenhwe kíʼ kén꞉ʼen iontatehnhotónhkwa.

2 Samuel 19:28

Asèken ratikwé꞉kon ne rakení꞉ha raowátsire tehonaténhtion nahonwatinonwarhiá꞉khon raohén꞉ton natiá꞉ner ronnontí꞉io; ók thóh kiskwáren skát꞉ne tsi nihá꞉ti ne thóh teonatskáhon satekhwárane. Onhnahiotónhake ne sénha ahontianerenhseraién꞉take, nék, nahiʼianiténhtase ne ronnontí꞉io”

2 Samuel 9:10

Í꞉se tánon ne sanekenteronhtserashón꞉ahs tánon sanhatseraókons kwáh tentsitsatonhontsaʼríten, tánon entesewá꞉hawe ne kaientwáhkwen, ne káti ne iánhas roteré꞉ha nahokwaién꞉take nahronhnékwen; ók ne iánhas roteré꞉ha Mephibosheth kwáh nenʼné꞉e tiókonte tsi tenhoskáhonʼke nakhwatekhwárane.” Nón꞉wa ne Ziba wísk neiawénhre nionekenteronhtseraien꞉takwe tánon tewáhsen nihátikwe ronhatseraién꞉takwe.

2 Samuel 9:7

Ne Táwit wahawénhase ne raón꞉ha, “Tó꞉sa sateronníhak, asèken enkonhnatón꞉hase ne kenténhrat ne raoriwá꞉ke ne ianíha Jonathan; Ní꞉i kwáh tentʼkónhion akwé꞉kon ne raohontsakénʼen ne iashothkénʼen Saul, tánon ní꞉se iateshiá꞉ti khók tenshatskáon nakatekwáhraʼne tiotkonhón꞉we.”

2 Kings 25:29

Ká꞉ti ne Jehoiachin wahonwaríhon ne tahonsahathataʼkwénion tánon ronnontí꞉io rahotekwáhrahʼne tehatskahónsheʼke né꞉ne tsi nen ronnhéshonʼke.

2 Kings 25:30

Iaʼtewenhniseráke, né꞉ne tsi nikaríwes enrón꞉nheke, kwáh enthonwawísheʼke tsi nahoténsons tahotonhontsoníhake.

Ezra 2:61

Né ken iotsétons ne ratitsihénstatsis rahothitióhkwas iáh tehotiʼtsénhrion nahatirihwanirá꞉the ónhka ne sakothisókʼtha akénhake: né꞉ne Habaiah, Hakkoz, tánon ne Barzillai. (Né shakothisókʼthas ne ratitsihénsthatsis ne Barzillai ne rothatheniatʼtén꞉ni ne iónhkwe ne tsi rathitióhkwaien ne Barzillai né꞉ne Gilead nón꞉we tánon ne rotatʼtsenhná꞉wi ne rawenónhsa rahosénhna kenhtá꞉ra.) Tsi iáh tehithikwénion nahatirihwaní꞉rate ónhka ne sakotisoʼthonkonhkén꞉en kénhne, iáh ki tehonwatiié꞉nen nahontsihenstón꞉ni.

Proverbs 27:10

Tóhsa sheiaʼtaʼnikónhrhen ne sewatenroʼshón꞉ʼa ó꞉ni ne iaʼníha ronatenroʼshón꞉ʼa. Tókaʼ oʼthé꞉nen tesaʼnikónhrhare, tóhsa sheriʼwanón꞉tons nónhka tsatátenonhkwe aiesaiaʼtakéhnha; né꞉ne tetsanonhsané꞉ken sénha wé꞉so eniesaiaʼtakéhnha tsi ní꞉ioht ne sewatátenonhkwe ne í꞉non thón꞉nes.

Jeremiah 52:33

Káti ne Jehoiachin wahonwahríhon ne tahonsahatháton ne rahotsherónhniat tánon Ronnonhtí꞉io rahotekhwárahne nónhwe natahatskahónsehke ne tshienhathonnhókʼten.

Luke 12:37

Ronataskat neh nihatinnhatseroten, ronȣarhare ne Ronȣaianer nonen ensraȣe! Oriȣiio tsi kȣarori, akȣa neok nenshatiatannhake nok enshakohnonte, raonha oni enshakokkȣaerhase.