1 Kings 2:6 - Ohiatonhseratokénti

⁶ Sateriéntare tsi nénhshieʼre; tó꞉sa tseríhon ne skénhnonk khók tsi ní꞉ioht tsi arénheie.

1 Kings 2:6 ပူးပေါင်းရင်းမြစ်များ

Genesis 42:38

Ók wahén꞉ron, “Ne riién꞉ʼa iáh tho tshiá꞉re, aseʼkénh ne iatateʼkén꞉ʼa rawenhé꞉ion, tánon raonhá꞉ʼa khók iaʼteshotatén꞉ron. Tó꞉ka ohthé꞉nen ahokaré꞉wahte ne tsi niioháhes tsi nienhénsewe, tsi nenwakeʼnikonhráksen iensewá꞉senhte tsi niwakenontsistarà꞉ken thóh non ne Sheol.”

Genesis 9:5

Tó꞉ka, ónhkaʼk aiontatáhsehteʼ nakó꞉ren nón꞉kwe, kwáh kíʼ í꞉i enionkeʼnikonhraientáhten nontié꞉ren tsi thóh naiá꞉wenʼne: kwáh ratikwé꞉kon né kontitshé꞉nens kwáh ne saʼorí꞉wa tsi enkeriʼwanón꞉ton tánon kwáh ó꞉ni tsi nokwá nonkwehshón꞉ʼa, tóka ónhkak aʼiontatáhsehte kwáh kíʼ enionthré꞉wahte.

Genesis 9:6

Nónhka aiontatenonhwariá꞉kon nón꞉kwe, akó꞉ren nón꞉kwe entiontatenonhwariá꞉kon; aseʼkénh kwáh tsi nihatkathohtsheró꞉ten ne Rawenni꞉io tsi shakoiaʼtíson nón꞉kwe.

2 Samuel 3:39

Ónhwa wenhniseráte iáh othènon teshewaʼkeshastsʼtenhseráien, iawerohátien tsi iontsatahrá꞉kwen wakenontí꞉io; kíʼ ronnónkwe, ne sakoiohʼokónʼahs ne Zeruiah, shó꞉tsi ronhnonkwetáksen nakerihwáke. Ne Roiá꞉ner shesakokárhiaks tsi niká꞉ien ne thóh nenhá꞉iere ne kariwahetkénsera ne tsioianénhaf tsi nironkwetahétken!”

1 Kings 2:7

“Ók shé꞉nest ne kanoronhkwáhtsera tsi nòkwah ne Barzillai sakohiohokónhas né꞉ne Gilead nónhwe nithonénon tánon sehiathenhnikonhráren, tsioríhwa tsi nithotirihwaiérihkwe tsi nòkwah ní꞉i nó꞉nen shiʼwakatekwenhátsiesʼkwe tsi nòkwah ne tsaʼthatekénha Absalom.

1 Kings 2:9

Ók iáh kíʼ tehiówenk né kénk tsahonhsáre ne tó꞉sa othènen wahonwaréwaʼthe. Sateriénthare tsi nenhshié꞉re, tánon ónenk tsi né enshaterihwathéntsaʼte nahonwanonhwaʼrhiákon.”

1 Kings 3:12

kwáh kíʼ thóh nénhtiere tsi nasehrihwanónhton. Kwáh sénha iawethowánen nathokhátsera entkónhion tánon ne kanikonhraienthátsera tsi ní꞉ioht nónhka akóren tsi nitsawénon tánon iáh shé꞉kon nónhka nakóren thóh tahonhsahiothónhake.

2 Kings 22:20

tánon kíʼ ne kaʼrewathátshera tsi nenhtékhá꞉we nahonháke ne Jerusalem iáh taʼón꞉we tsi nióre ienshí꞉heʼie, Kwáh kíʼ enkonríh꞉on ne skénnonʼk tsi ashí꞉heie.” Né ronnón꞉kwe Ronnontí꞉ioke Josiah nionsahón꞉ʼne ratirihwenháwi.

Psalms 37:37

Tsi sehwaʼteniénhtents ne iáh tehoníkon, táon tsi sewaʼthenhnikonhráren ne tionkwetaʼiéri, ne ónkwe ne skénnonk thíʼken iakowahtsirahiénthas,

Proverbs 20:26

Ronontí꞉io ne raʼnikonhraweiénhon enharihwatshén꞉ri nónhka karihwahétken tsi nihatiéhrha, iáh thahó꞉tenhre tsi ni꞉iot tsi enhohré꞉wahte.

Proverbs 28:17

Nónhka rohnhí꞉kon tókaʼ shakohséhton, tho niiohsnó꞉re tsi raʼshonhionhnia tsi nón꞉we nenhonwaiaʼtà꞉ta. Tóhsa sateʼnién꞉ten tahtstáhste.

Ecclesiastes 8:11

Onhnontiéren nonhkweshón꞉ʼa tsi nihiakotateweienhnentáhon ne kariwahétken tsi nahióntiere? Tsoríwa tsi iáh óksak tehonwatirewáhtha ne kariwahétken rotihióthe, iáh kíʼ ónhka né tehionhnonhthónhnions né thé꞉nen ahonhetkénthake tsi nahióntiere ne kariwahétken.

Isaiah 48:22

“Iah tehotí꞉ien ne skénnonk thaʼkénhake,” rá꞉ton ne Roiá꞉ner, “né rotiʼrihwanerahátskon.”

Isaiah 57:2

tánon ienhontáweiaʼte tsi nón꞉we ne skénnonk thí꞉ken; né꞉ne tsi nihá꞉ti ne tkaʼrihwaiéri nón꞉we nihonakʼthahítake kwáh entonterakáren ne raoʼnanitskwáhraʼne.

Isaiah 57:21

Iáh tehotí꞉ien ne skénnon, rá꞉ton nakeʼNí꞉io, ne iakorihwáneren.

Isaiah 65:20

Iáh shé꞉kon kwáh thóh thaʼhonsahiotónhake né nón꞉we nowirá꞉a né thokárat khók niwenhniseráke ahiakónnheke, khés né tiakahonkwétahion iat tiehionhtsatísahas; asèken né tionhkwéta nahiaiéheie nénska tewenhniáwe natahiakoseriʼiákon enhiontatenontónhnionhse kén nitiakohiónha, tánon nón꞉ka káronh natahiakaoseriʼiókon nénhska tewenhniáwe né enhionthatenonhtónhnionhse ronwatirewá꞉ton.

Numbers 35:33

Tó꞉ka kíʼ thóh nenhsewáiere, kwáh kíʼ tenhsewénhtsionste nonhóntsa tsi nónhwe nisewanákere. Né sakonaséhtha tehatitsónstha nohóntsas, ók iáh nènhne ne ronhwanonhwariákon ne sakoséhton kwáh iáh othènen tetsóien nahionterihwaténhtiate norihwakahionhnéha ne tsontonhʼnakanonhnitákwah íken né tsi ionhonhtsáien tsi nónhwe né ónhkak hionhthataséhton.