1 Kings 2:5 - Ohiatonhseratokénti

⁵ “Tánon shé꞉kon ó꞉ia nahó꞉ten. Sèhiaʼre tsi nahó꞉ten ne Joab tsi nihatiéraʼse tsi nisakononhwarhiákon ne tenihiáse Nisraerʼró꞉nons theʼnhiʼsenhnowánen ne Israerʼró꞉nons rahotiʼsohtár, Abner né roʼníha ne Ner tánon ne Amasa né꞉ne roʼníha ne Jether. Sèhiaʼre kén tsi ní꞉ioht tsi sakoséhton né skénnonhk thiʼkènhne né shiʼkaháwisʼkwe né tsi ahonsahatʼkárhiakʼthe né ronenhéions tsi nihotirihwakanonhníhon ne shiʼwaterí꞉ioʼkwe. Waʼshakononhwarhiakónhnion ne iáh othènen tehotiníkon ronhnónhkwe, tánon kíʼ ónenh í꞉i né sewaʼkatherihwaʼkéte tsi nihotséren tánon wakeronhiáken tsi niaʼtehioné꞉non.

1 Kings 2:5 ပူးပေါင်းရင်းမြစ်များ

2 Samuel 17:25

Nón꞉wa ne Absalom ne shahorihón꞉ten ne Amasa tsi ratitsió꞉kwaien ronterí꞉ios ne tonsahonaktákwen ne Joab, Ne Amasa ne ne roní꞉ha ne Ithra ronwáiats ne ne Ishmaelró꞉non ne nenhʼné꞉e rotiniá꞉konhne Abigail ne ne Nahash sakoiénha, ne iatenhosènha ne Zeruiah, ne ne Joab ronisténha.

2 Samuel 18:12

Ók ne rón꞉kwe wahawénhase ne Joab, “Khók꞉ní꞉se nasetwíston tewenhniawehetseráhsen nikawistá꞉kes kawistará꞉kens, Ní꞉i kwáh kíʼ íah thatahontonkesnón꞉sakwe nahiʼiatkónten ne ronnontí꞉io roiénha. Tewaʼkwé꞉kon wahonkwathón꞉tene ne ronnontí꞉io sahiá꞉nane ó꞉ni ne Abishai ó꞉ni ne Ittai, ratónnionskwe: Asèken í꞉i akeriwá꞉ke tsi sewahiatanónstat ne ken nithoiónha Absalom!

2 Samuel 18:14

Ne Joab wahén꞉ron, “Ní꞉i kwáh iáh thakatsesá꞉te tsi nikawistá꞉heks skát꞉ne ní꞉se.” Ne raónha wák꞉rakwe áhsen níkon oshí꞉kwaras wahattháwa, tánon thóh thatawerhiasáweheste Absalom, kwáh shé꞉kon shirónhnhekwe tsi iorónhtoʼte ne karí꞉ton.

2 Samuel 18:5

Ne ronnontí꞉io washakotewenhnatsaníten ne Joab tánon Abishai tánon ne Ittai, ratónhnions, “Tasewatewé꞉ienton ní꞉i akerihwáke tsi nòkwah ne kén nithoiónha Absalom.” Tánon ratikwé꞉kon nonkweʼókons wahakothónhtene nó꞉nen ne ronnontí꞉io shasakotewenhnatianíten ratikwé꞉kon ne ronteriʼioserakweʼní꞉ios ne ne raorihwáke ne Absalom.

2 Samuel 2:13

Joab ne ne roiénha ne Zeruiah, tánon ne raonhatserashón꞉ahs ne Táwit, iaháre tánon wathontátken tsi tionáweroʼte ne Gibeon. Skentsió꞉kwa thóh wahón꞉tsien skáti nòkwahti ne tsi ionáwerote, ne ronátsiakes ákte neh nòkwati tahón꞉tsien ne tsi ionáwerote.

2 Samuel 2:18

Ne áhsen niháti ne Zeruiah raonekenterontseraʼshón꞉ahs thóh rón꞉neskwe, ne ne Joab, Abishai, tánon ne Asahel. Nón꞉wa ne Asahel thóh natehó꞉ka tsi ní꞉ioht ne kahentakéha oskenón꞉ton.

2 Samuel 20:10

Ók ne Amasa iáh ne tehoktóken nasá꞉re ne Joab ratshanáke ráhawe; ne Joab ranekwentá꞉ke nón꞉we nahoién꞉te káti ne raokaróstha takaiá꞉kenhne ohontsá꞉ke iakaiéntaʼne, tánon warénheie. Iáh kíʼ teshoién꞉ton ne tekení꞉haton iahonshón꞉terastste. Ehʼthón꞉ne ne Joab tánon ne iathatekénʼen Abishai wahonwahiatiʼsák꞉kha ne Sheba ne roiénha ne Bichri.

2 Samuel 3:27

Nó꞉nen ne Abner shionsáre ne Hebron, ne Joab wahotsathatískwahte tsi nieiawénon ne iotenhenrakáronte ne tahnithára rahonwá꞉khok, tánon thóh nón꞉we nahó꞉hase ranekwéntahke. Káti warénheʼie tsi nahanékwah neh káti iatonhsáneke ne raonekwénhsa ne Asahel, ne ne Joab iathatekenhkénʼen.

2 Samuel 3:39

Ónhwa wenhniseráte iáh othènon teshewaʼkeshastsʼtenhseráien, iawerohátien tsi iontsatahrá꞉kwen wakenontí꞉io; kíʼ ronnónkwe, ne sakoiohʼokónʼahs ne Zeruiah, shó꞉tsi ronhnonkwetáksen nakerihwáke. Ne Roiá꞉ner shesakokárhiaks tsi niká꞉ien ne thóh nenhá꞉iere ne kariwahetkénsera ne tsioianénhaf tsi nironkwetahétken!”

1 Kings 1:7

Joab watnhitháren (né꞉ne ronwaiénha ne Zeruiah tánon ne Abiathar né꞉ne ratsihénstatsi íken), tánon wahonwararátsʼthen tsi enthonwatswanónhna tsi níhreʼre.

1 Kings 2:32

Ne Roiá꞉ner kwáh enhoréwaʼthe ne Joab nètho sewaterihwaʼthewáthons, tsi ehʼnihoiéren né tsi kwáh iáh othènen tehoteriénhtaraʼkwe ne rakeʼníha. Ne Joab tenihiáse tenón꞉kwe sakononhwarhiákon né꞉ne Abner, né rasenhnowanénhne ne Israerʼró꞉nons ahonkwetaʼsónha ne sóh꞉tar, tánon ne Amasa, né nènhne ne Judah ahonkwetakénʼen ne rasenhnowanènhne tsi nòkwah ne ratisóh꞉tar. Kwáh iáh othènen tehotiníkon tánon sénha roʼnónha tionhkwetaʼiérisʼkwe tsi ní꞉ioht ne rahónha:

Jeremiah 2:34

Ne satʼtserónniat ne ioráhkwah ne rothíten rahothinekwénsas tánon ne iáh othèʼnenh tehothiníkonh, ók iáh ne rahothinekwénsas ne rahthinénhskwas. Ók iawehrohátien tsi akwékon ne kíʼ íken,

Jeremiah 6:15

Ronthéhes onhtèken tioríhwa tsi nihonahtiéren kíʼ kén iotheriwatéhas? Iáh, tehonahthehénʼen; akwékon iáh tehonahtheriénthare onhní꞉ioht ne onekwénthara nahathihiathótenʼne. Tánon káti kwáh éhtho ní꞉ioht tsi enthathihiátenʼne tsi kíʼ ní꞉ioht ne ronáhtsiakes; Nónenh enkheréwahthe, kwáh totʼtsienwatót꞉ten ne ronónha. Í꞉i, ne Watiá꞉ner, wakatháti.”

Matthew 3:4

Oniakȣaher ononȣerhon ionniaton ne rahotseronniat nok ona rotiatannhenne; tsistarare tanon otsinakontakȣane otsikketa ronnhekȣen.

Deuteronomy 27:24

“‘Rawenni꞉io shakorewátha nónhka nataséhtonhke ahiontathásete.’ “Tánon onkweʼtakwé꞉kon teieriwaʼserá꞉ko, ‘É꞉tho niʼiá:wen!’