1 Kings 2:4 - Ohiatonhseratokénti

⁴ Tó꞉ka entsewénhnaraʼkwe, ne Roiá꞉ner enhatsénawasʼthe narahrátseras né rósons nó꞉nen sahatró꞉ri swatsiratátie enhonhtkórasʼthe Nisraerʼró꞉nonhke kwáh tsi nikaríhwes enhonthenhnikonhráren nahontewénhnaraʼkwe ne rahorihwatátʼtseras enhotirihwatoʼkénhake kwáh ronerhiasakwékon ó꞉ni rahonahthonnhetseraʼkwékon.

1 Kings 2:4 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

2 Samuel 7:25

Tánon ó꞉nenh Saiá꞉ner Ní꞉io, ne nowénhna ne thishatahtíhon nakerihawáhke ó꞉ni natwáhtsireh, serihwanírat ne ne tsi nènhwe akénhake; thóh ná꞉tier tsi kíʼ nisararátston.

1 Kings 1:48

tánon wahaterénhnaien, ‘Thóh teninonhweráton ne Roiá꞉ner, ne Sakoní꞉io Nisraerʼró꞉nonhke, ónhwa wenhniseráte wahahiónhnien saiáta ne tsi kwahtsiraʼthátie wahononhtí꞉iosʼthe, tánon wahakeríhon ní꞉i akatʼkátho!’”

1 Kings 11:36

ók kíʼ skenhtsiókwah enhitsiókon ne Solomon roiénha, né káti nahontienhthake né tiókonhte tsi ienhatwatsiríhne nakenhátsera Táwit nahonatʼkorasthónhake ne Jerusalem, né꞉ne tsi kanatowanénhke ne wakathaterakwénhni tsi nónhwe nenh hiontsenhnaienthákwahke.

1 Kings 3:14

Tánon tó꞉ka enskewénhnarakwahke tánon enshatiénawasʼthe natianerénhseras ó꞉ni nakerihwatátʼtseras, tsi né niʼiohʼtónhne ne ianikénhen Táwit, kwáh entkónhion ne karíhwes ashón꞉nheke.”

1 Kings 3:3

Ne Solomon kwáh íken tsi roʼnorónhkwah ne Roiá꞉ner tánon rarihwásehre ne rohníha Táwit tsi nihorihwíson, ók kíʼ ó꞉ni ionatsokowánen sakowènthon ne konhtitshéns tsi sakotéskonhte ne tsikʼnonhwésons nikaiéntons ne ietienharákwahkes.

1 Kings 6:12

“Tó꞉ka akwékon tsi ensatewénhnaraʼkwe naʼtianerénhseras ó꞉ni naʼkerihwatátʼtseras, thóh kíʼ nénhtiere tsi ki nihihiarahratsʼténhni ne ianikénhen Táwit.

1 Kings 8:23

tánon wahaterénhnaien, “Saiá꞉ner Sewenní꞉io NʼIsraerʼrónons, kwáh iáh othènen nó꞉ia tekaniʼiosehráien tsi níse ní꞉ioht ne é꞉neken ne tsi karonhiáte khés nehthàke ne tsi ionhwenhtsáte! Sheʼiateweientónhni ne sateriwaseronhniátshera skát꞉ke ne shonkwetaʼshón꞉as tánon shenatónhnis ne sanonhronhkwáhtshera nó꞉nen thóh ní꞉ioht tsi enhonhnónh꞉nheke kwáh ronhnerhiasakwékon tsi eniesawénhnarakwe.

1 Kings 8:25

Tánon káti ónen, Saiá꞉ner Sheʼwenní꞉io Nisraerʼró꞉nons, wakaterénhnaien né ó꞉ni nahsatiénawasʼte nó꞉ia tsinitsiarahratsʼténhni ne rakeʼníha ne shastsró꞉ri tsi kwáh tiókonte tsi né nónhkak ne tsi ienhatwatsiríhne enhotkorastónhake tsi enhonhnontí꞉ioʼke Nisraerʼró꞉nonke, né ki entewanón꞉ton tsi kwáh enthotinikonhrakonhthakwénhake tsi eniesawenhnarákwahke tsi né niʼhiotónhne ne rahónha.

1 Kings 9:5

Kwáh ki thóh nénhtiere tsi nihiʼiararatsthénhni ne ianikénʼen nó꞉nen sahí꞉rori nètho Israerronónhke tsi tiókonhte né enhonatkorastónhake tsi nienhatwatsírihne.

2 Kings 20:3

“Takweʼhiárak nón꞉wa O Saiá꞉ner, wakonianiténten, tsi ní꞉ioht tsi tewakatekhahákwen ne sahénton iothokenskéʼonwe ó꞉ni kwáh akweʼriasakwékon, tánon thóh niwatiéren ne sahénton tsi nahó꞉ten ne ioiánere.” Tánon ne Hezekiah otsitó꞉wa tsi ní꞉ioht tsi wathashéntho.

2 Kings 23:25

Kwáh iáh nonwénhton tehotinontiʼiotsheraiénthakwe né nahiotónhake tsi kíʼ né ní꞉ioht ne rahónha, né nahohiótenhse ne Roiá꞉ner kwáh raweriasakwékon, raʼonikonrakwé꞉kon, ó꞉ni raʼoshaststenserakwé꞉kon, rotewenhnarakwenhá꞉tie ne Mahís raʼoianerénsera; iáh ó꞉ni shé꞉kon nonwénhton nón꞉ka thóh ní꞉ioht tsi ahonsahonontí꞉ioke tsi ní꞉ioht ne rahón꞉a.

2 Kings 23:3

Né Ronnontí꞉io ákta waʼthá꞉taʼne ne kanontiʼió꞉tshera tsi ronatenahwaháthoʼte tánon waʼiatsanerenhserónhni ne Roiá꞉ner né tsi enhowenhnaʼráhkwahke, tsi enhaʼtiénawasʼte ne raʼoianerén꞉sehras ó꞉ni ne raʼorihwathátsheras kwáh kíʼ raʼwehriasakwé꞉kon ó꞉ni raʼotonnhetsheraʼkwé꞉kon, tánon naʼaiótenste ne karihwaʼnontónhtsheras tsi naʼtekhá꞉ken naʼterihwaseronhniátshera, tsi kíʼ nikahiáton ne kaiatonhserákon. Tánon kwáh kíʼ onhkweʼtakwé꞉kon waʼonráhratsʼte tsi enhiontsénawasʼte naterihwaʼseronniátshera.

1 Chronicles 28:9

Tánon tsi nòkwah ne Solomon wahawénhase nenhʼné꞉e, “Riʼiénha, Waʼkonrihónten natserihwaníratse ne ianíha raoní꞉io tánon natsiótenhse né kwáh seweriásak akénhake tánon né nahisanikonhroténhake. Akwé꞉kon roteriéntare nónkwah nonthonhniónhtsheras ó꞉ni nón kwahskanéktsheras. Tó꞉ka rahonháke nòkwah nienhénse, kwáh enthiaiéna; ók tó꞉ka entsiatsatonhtákwahse, kwáh kíʼ tsi nénhwe tsi enhiatewénhtheʼte.

2 Chronicles 17:3

Né Roiá꞉ner wahohiathatérisʼte ne Jehoshaphat tsioríhwa tsi né wahá꞉sehre tsi thontahatenienthénste ne ronikénʼen shiʼthohionháskwe tánon iáh ne tehosén꞉nahien ne Baal.

2 Chronicles 6:16

Ó꞉nenh kíʼ Saiá꞉ner Sení꞉io Nisraeʼró꞉nons, satienawakónhak nóia tsi nitsiarahratsʼténhni ne rakeníha nó꞉nen shastsró꞉ri tsi saiáta tsi niensatwatsiríhne tsi tiókonhte enhononhtí꞉ioke Nisraeʼró꞉nonke, ká꞉nion kíʼ thóh nenhotirihwatokénhaken tsi enhontewenhnaráhkwahke ne saianerénhsera tsi kíʼ né niʼiohtónhne ne rahónha.

2 Chronicles 7:18

Kwáh kíʼ enkerihwaiérihte tsi nihihiararatsʼténhni ne ianikénʼen Táwit né sahiʼróri né Israerʼró꞉nonke tsi tiókonhte né enhonatkorastónhake tsi nenhatwatsírihne.

Psalms 119:9

Onhʼní꞉ioht tsi aiekwéni ne kenhnitiakohiónha ne tsi iakónnhe ne iáh tahiakononwaró꞉rihke? Ne nahiontenhnikonrá꞉ren tsi nitʼkáhas ne sawénhna.

Psalms 37:22

Tsi niʼiákon ne Roiá꞉ner shakoiatateríston enhonawenkhónweke nowéntsia, nók tsi niʼiákon ne shakorewáhton kwáh kíʼ nenhné꞉e enhonwaʼnátonhte.

Psalms 37:9

Asèken ne ronhnonkwetahét꞉kens kwáh kíʼ nenhné꞉e enhonwaʼnátonʼte, ók tsi nihiákon ne Roiá꞉ner thonwethákwen kwáh kíʼ enhontsatakweʼní꞉ioste nonwéntsia.

Psalms 39:1

Waʼkíron, “Enkatenhnikonhráhren tsi nikeweienhnó꞉tens né꞉ne tó꞉sa akeriwáʼnerake ne kenhnasáke ákatsʼte; enkatskwentóroke kwáh tsi nikaríwes ne iónkswenhs tiatákʼta rónhnes.”

Jeremiah 33:17

Í꞉i, ne Watiá꞉ner, wahkaráhratsʼthe tsi kwáh tiókonhte tsi ne ne Táwit rahwahtsirahtátie enhatenonhtiʼióstheʼke ne Israeronónhke

Leviticus 26:3

“Tó꞉ka thóh ní꞉ioht tsi entiónhnheke entsiohianénhawe natianerénhseras ó꞉ni nakerihwatátʼtsheras,

Zechariah 14:2

Ne Roiá꞉ner akaonwenhtsiakwé꞉kon enteshakohiaʼténhawe nahonteriiosehrón꞉ni ne Jerusalem. Ne kanahtowá꞉nenh enkonwahsén꞉ni, ronwahthinonhskarhiáshion, tánon ne konhnón꞉kwe thitkonhwanahnonhthón꞉ni. Sahtekanenhrí꞉hen enhionhnahkerá꞉ko, ók ne ronáhtiaʼkes iáh ne tahonwahnatekwáhte tsi nahnatowá꞉nen.

Matthew 22:37

Tontahenron ne Iesos: Sanikonrakȣekon satonnhetserakȣekon seriasakȣekon oni tsi entsenonȣehake ne Niio Raȣeniio tsi Sonnhe.

Luke 1:6

Nok rotiianerekȣe rahohenton ne Niio, oriȣakȣekon oni rotiriȣaieritonhatiene tsini ȣatenienten oni tsini kariȣataton ne Roianer raoriȣasonha, iah tehotinnhiseraien.

Deuteronomy 10:12

“Ó꞉nen, ne tsónhkwes ne Israerʼró꞉nonhke, sewatahónshatat tsi nahó꞉ten ne Roiá꞉ner sewaNí꞉io tsi sewariwanonhtón꞉nis: Tsi sewasénhnaien ne Roiá꞉ner tánon thóh naʼsewá꞉ier tsi nihatró꞉ris. Tsi sewanó꞉ronk, tsi sewahiótenhs kwáh seweriaʼsakwé꞉kon,

Deuteronomy 11:13

“É꞉tho káti, sewatewénhnarak kí꞉ken kariwatà꞉tsheras ne thakwawí꞉hon nón꞉wa wenhniserá꞉te; tsi sewanorónhkwak ne Roiá꞉ner sewaNí꞉io tánon seweriasakwé꞉kon tsi tsisewahiò꞉tens.

Deuteronomy 6:5

Hentsenorónhkwake ne Roiá꞉ner Rawení꞉io tsi sónnhe, akwáh seriasakwé꞉kon, satonhnetsherakwé꞉kon, ó꞉ni sasatstenhserakwé꞉kon.

Deuteronomy 7:12

“Tó꞉ka enshatahónshatate kí꞉ken kariwatà꞉tsheras tánon ensatewén꞉narahkwe naioriwatokénhake, ethò꞉ne ki ne Roiá꞉ner saNí꞉io ienhakón꞉taʼkwe enhateweién꞉ton ne ateriwaʼseronhniá꞉tshera tsi naʼtetiátere tánon enhianatónhase ne ioriwató꞉ken rahononronhkwá꞉tshera, tsi ki nishakorahratstén꞉ni ne ietsisoʼthonkonhkén꞉en.

Jude 1:24

Tsi nikáien ne rokwénion nahiaʼiatanónstate tánon iáh othé꞉nen tahianihtséron tánon rahohénton ensathonnárake ne rahoiatanerahkwatsherákon—