1 Kings 11:3 - Ohiatonhseratokénti

³ Ne Solomon tsáta tewenhniáwe nikónhti rothiniakónhne ne ronhtinonhtí꞉ios rahotihiathasehtseraʼsónhas tánon ó꞉ni áhsen tewenhniáwe nikónhti roskaraiénthaʼkwe. Onón꞉ha wakonhtirihónhni tsi wahotsiathonhthákwahse ne Rawenni꞉io,

1 Kings 11:3 ပူးပေါင်းရင်းမြစ်များ

2 Chronicles 11:21

Norihwaʼkwé꞉kon, ne Rehoboam shaʼtékon iawénhre nikónhti rotiniákonhke tánon iá-iak niwásenh ne kónhtikwe ronhatsheraiéntakwe, tánon tewáhsenh-shaʼtékon niháti ronekenteronhtseraiénthaʼkwe tánon iá-iak niwásenh nikónhti roiatashetseraiéntakwe. Tsi nikónhti rotiniákonhne ó꞉ni ronhatseraiénthakwe sénha ki Maacah tsahonháha sakonerónhkwahkwe,

Esther 1:18

Nó꞉nen ne rotiniákhon ne ronaterihón꞉ton ne Persia tánon Media enkontirihwá꞉ronke tsi nóntiere ne ionontí꞉io, enhonwatihró꞉ri ne iotiniákhon ohén꞉ton tsi niió꞉re enwatenhniseró꞉kten. Akwé꞉kon ne konnón꞉kwe iáh thaʼonsahonwatikwénienhste ne iotiniákhon tánon ne ronón꞉kwe enhshakotiná꞉khwaʼse ne rotiniákhon.

Ecclesiastes 2:8

Káti ó꞉ni tewahtsientothónnion ne kawistaráhkens ó꞉ni nowistanórons tsi ratiwisthaienthákwah ne rontinonhtí꞉ios ne tsi ionwenhtsáte wakatkoráston. Ronhnónhkwe ó꞉ni ne konhnónhkwe tenhatiriwáhkwe nahionkenikonhró꞉ri, tánon kwáh ionatiokówahne ne konhnónhkwe wakonhkwetaiéntakwe kwáh tsi nihioriwáhke takhehiatonhontioníheke.

Ecclesiastes 7:28

Kèsaskwe ó꞉ni nóia ní꞉ioht tsi takariwahseráhkwenke ók iáh kíʼ thén꞉nen tewaketʼtsénhrion. Saiáta wahihiatatʼtsénhri né꞉ne énska tewenhniawehetʼtseráhsen niérahthe nahónton ahikwéniensthe, ók iáh kíʼ nenhné꞉e ne skaiáta ne tionthonwísen tetsiatatʼtsénhrion.

Song of Songs 6:8

Iáh-iak nikontiʼiatásen iotiʼnonhtí꞉io tanon satékon nikontiʼiatásen raotiskaresónhas tánon nitiotiʼiónsas ionatiokowáhnen iáh tahónton nakonwanásehte.

Song of Songs 6:9

Ók natʼtsítha, ne nénskat ne tsiakoriwaiéri kwáh iáh ónka ne satahontaionátʼteke; iáh othénen thaiontateriwatsénhrhiase tsi nòkwah nonhtatenisténha, iontatenónhwes tsi nikáien ne iontatenakerakátston. Kontekwé꞉kon ne nitiotiiónhsas wakonwatʼkáto tánon watkonwarensárons; iekaníhare ne iotinontí꞉ios ó꞉ni ne rotinontí꞉ios raotiskareshonahs tekonwarénsarons tsi niiwatkatotserí꞉io.

Deuteronomy 17:17

Ne ronhnonhtí꞉io iáh tehiówenk ne wéso ahoniákonhke, tiorí꞉wa tsi ne enkarihón꞉ni nahateʼnikonhranentáshion tsi nokwáh ne Roiá꞉ner; tánon iáh tehiówenk nahataʼkwatsésten ne kawistará꞉kens ó꞉ni ne owistanoronhsónhas.

Judges 3:6

Wathonthateniátʼthenháton ne ronónha tánon wakonwatisénhnaien ne rahotiniiohokónhas.

Judges 9:5

Roʼníha tsi thohnónhsohte niaháre né꞉ne Ophrah nónhwe, tánon thóh nónhwe é꞉neken ne skanénhiak khók í꞉ken waʼsakononhwariakónhnion ne tsáta niwáhsenh niháti ronhthatekenhokónhas, Né Gideon sakohiohokónhas. Ók ne Jotham, Né꞉ne kwáh kenʼnieráha ne Gideon roiénha, wahathásehte nènhne iáh kíʼ tehonwanonhwarhiákon.