1 Kings 11:2 - Ohiatonhseratokénti

² Wahotiniákʼkon iawerohátien ne Roiá꞉ner tsi shakoró꞉ri Nisraerʼró꞉nons ne tó꞉sa thahonthatenákʼthen nètho onhkweshón꞉as, né enkarihónhni Nisraerʼró꞉nons enhontherihwató꞉kensʼte tsi nòkwah ne tikaniʼiosehrátes.

1 Kings 11:2 ပူးပေါင်းရင်းမြစ်များ

Genesis 2:24

Ne aorí꞉wa ne rón꞉kwe ʼnenshakotiaʼtonhtáhkwahse ne roʼníha tánon ne roʼnisténha tánon ró꞉ne enhateraʼnentákten, ne tenihiáse skaieróntat khók ienhiáton.

Genesis 34:3

Tánon kwáh raotonhnhetsherakwé꞉kon tsi waʼtkonwarenʼkén꞉ni ne Dinah ne ne Jacob sakoièn꞉ʼa; wahsakonó꞉ronhkwe ne ieiá꞉tase, tánon kwáh ʼi꞉ken tsi tehowennatsikhé꞉tare tsi nihshakohthará꞉hni.

1 Kings 11:9

Ethosàne ne Roiá꞉ner, ne Sakoní꞉io Nisraerʼró꞉nons, tehiorihwáke rothotashiénhni ne Solomon tánon rorihwasthénhni né tó꞉sa ashakosénhnaien ne tikaniʼiosehrátes, ne Solomon iáh kíʼ tehowenhnarákwen ne Roiá꞉ner ók khèkenk wahotsathonhthákwahse. Káti ne Roiá꞉ner wahonákwahse ne Solomon.

2 Chronicles 19:2

Rotó꞉kenhse, Jehu né roʼníha né꞉ne Hanani, iahá꞉re ne tahiatátken ne ronnonhtí꞉io tánon wahawénhase, “Í꞉sere onhtèken tkarihwaiéri nahonwatiʼiénawaʼse ne ionhkwetahétkens tánon né ahonwatirihwá꞉wahse tsi nihá꞉ti ronhwá꞉sons ne Roiá꞉ner? Tsi nishatiéren né takáhaʼwe ne Roiá꞉ner raonhakwáhtshera né shonháke.

2 Chronicles 21:6

Né꞉ne wahá꞉sehre ne karihwahetkénhseras né thontahoteniénhtenste ne Ronnontí꞉iokwe Ahab tánon nó꞉ia ronhtinontí꞉iokwe Nisraeʼró꞉nonke, tsioríhwa tsi né rotiniákon ne skaiáta ne Ahab sakohiohokónhas. Waharihwánerake tsi nòkwah ne Roiá꞉ner.

Ezra 9:12

Wahontʼkhiró꞉ri ne tó꞉sa nonhwénton tahiakwathateniakʼthen né꞉tho onhkweshón꞉as tánon tó꞉sa nonhwénton ahiakhiié꞉nawaʼse nahotihianerásthen khés ne ahonaterihwathénhtsiase tó꞉ka tehionkwahtonhontsó꞉ni nahiakwatʼtsenhnonhniáthakwe nonhóntsa tánon nahonsahiakhihiotésthase tsi nienhiakwatwatsí꞉rihne ne tsi nén꞉we.

Psalms 139:21

Ó Saiá꞉ner, tsi nikhésons tsi niháti ne ieshá꞉shons! Tsi nikhésons tsi niháti ne iáh teiesawenhnaráhkwah!

Exodus 23:31

Kwáh enkónhni ne tsi karisthatátie ne tionhontsákes ne iahónwe tsi tkanéksker ne Aqaba tsi nióre ne Mediterranean Kaniatarakheʼkówa ó꞉ni ne kahentakeʼkówane tsi nióre ne Euphrates Kaniatarahtátie. Entkónhion ne kashatsténsera nashehiatsiathakweníʼiosthe ne rahthinákere né nón nihionʼhóntsaien, tánon kwáh enshehiatínekenhwe tsi nienhénse.

Exodus 34:12

Tó꞉sa thènnen sewatianerensehrónhni nonhkweshón꞉á tsi kanakeraseráien tsi nónhwe niahisenonhá꞉tie, tsioríwa nonhtiérenk né꞉ne kenhéion tsi enhesaterístaien.

Exodus 34:16

Né sehienhokónhas nonhtiérenk ne enhotíniake thíken tiʼhiononhontsátes konhnónhkwe, né enhonwanasárihne ne iáh tahonsahotiriwatokénhake tsi nó꞉kwah ní꞉i tánon né enkonhwatisénhnaien ne iáh tekonhnónnhe niʼiohokónhas.

Malachi 2:11

Ne Judah ne onterihwahténtiaʼte ne ioterihwátteronʼs, tánon tsi naʼkaieránion ne ne iáh tetkarihwaié꞉riʼs í꞉ken ne Israeronónke ó꞉ni ne Jerusalem nón꞉we; aseʼkénh ne Judah ioʼtaksá꞉ton ne raononhsatokenhtiʼkó꞉wa ne Roiá꞉ner, ne ne ranorónhkhwah, tánon ne rotateniáktén꞉ni nakoién꞉ʼa ne thihhaontsá꞉te ní꞉io.

Romans 1:32

Ronateriéntare tsi niwáton ne Rawenni꞉io rahoianerénseras nónka kí꞉ken thóh ní꞉ioht tsi iakonʼnhétie teiakoténtion naiaiéheie. Tánon kíʼ iáh nek tèken tsi sékon thóh ní꞉ioht tsi nihatiʼieránions, nók kíʼ iehióhe sakothiretsárons nakorénsons neh nihatiʼiérah.

Romans 12:9

Kanoronkwátsera ónenk tsi ienhiokontákwen enhioriwatokénhake. Sewáson ne kariwáksen, neh sewatienawasthónhak ne iohiánere.

1 Corinthians 15:33

Tóhsa iesanonwahrohritónni. “Ne wahterohserákʼsen iontaʼtetkenténni ne tiakoriwahiéri.”

Revelation 2:4

Ók tsi nokwáh ní꞉se iáh tekeriwanón꞉wes, né꞉tho ní꞉se tsi shatsakwarí꞉shion ne kanoronhkwá꞉tshera ne saién꞉takwe ne tiotierénhton.