1 Corinthians 7:9 - Ohiatonhseratokénti

⁹ Nók tóhkaʼ iáh teshakwénion ahontaseniarótarohke ne saskanéktsheras, wáhs kíʼ tánon sáhniak—sénha ioiánere naiakóniake tsi ní꞉ioht nahʼiontiatatʼtiahásheke nonwehʼsentsherákon.

1 Corinthians 7:9 ပူးပေါင်းရင်းမြစ်များ

Acts 19:36

Iáh ónhka taiekwéni nahionthonní꞉ien kíʼ nahorihótens. Neh káti aoríhwa, ónenk tsi tatensewathótaʼte ó꞉ni tóhsa thé꞉nen nasewáiere ne iáh thé꞉nen tsatewanonthonniónʼon.

1 Corinthians 7:2

Nók né aoríwah tsi niwéso ne kaweienʼnákʼsens, kwáh niaʼtehionkwétake ioteriwíson ne aoniákonke, tánon kwáh niaʼtewahthonwisentsheráke ioteriwíson nahioniákonke.

1 Corinthians 7:28

Nók kíʼ tóhkaʼ enshaniáke, iáh kíʼ tesariwáhneren; tánon tóhkaʼ ne tsiontonwísen ne iáh teioniákon nenioniáʼke, iáh kíʼ teioriwáhneren. Nók kék khók ahontakeráko nahkonnónstathe ne niaʼtewenniseráke iakonikonraronhiakéntha ne iakoniátʼkons.

1 Corinthians 7:36

Né ónen rohnahteriwahserónni nahothíniake tánon iáh totiriwahiéntase ne tóhsa ahotíniake; tóhkaʼ ne rónkwe ratʼthóhkas iáh tetʼkaiéri tsi nishakotiéraʼse ne kén nitiakohiónha tánon ne rahononronkwáhtshera sóhtsi kashátsʼte tánon ratʼthókas ónenk tsi enhotíniake, nek khók enkakwéni nahónton ahotíniake. Iáh né thènen tekariwahnerahakʼtsheráien ne thóh ní꞉ioht.

1 Corinthians 7:39

Ne ioniákon tsiontʼtonwísen iáh tewahtatewenhníʼio tsi náhe rónnhe ne róne; ónk tóhkaʼ enrénheie ne róne, Ethò꞉ne kíʼ ensewahtatewenhní꞉ioʼne tsik ónhka ne rónkwe ahonshahotíniake tsi nitewaskáneks, nók nek khók tóhka Rohriwiʼióston.

1 Thessalonians 4:4

Kwáh tsisewahiatátʼtion tehiotonwentióʼon naisewahteriéntarake ónhʼní꞉ioht tsi taisehnihiaséhake ne sehniniákon; né꞉ne aiotokentíhake ó꞉ni ahiotʼkwenienstónhake,

1 Timothy 5:11

Ónk tóhsa ietʼtsisénnaren ne kenʼnitiotiʼiónsas; tioríwa nónen nahonaskanéktsera enkakwéni nahionónnien nahonsahiotíniake, enhonwahtiathontákwen ne Kerístos,

1 Timothy 5:14

Káti neh akeráko nètho nitiotihiónha nahiotíniake, iotiwiraiéntan, ó꞉ni kontirihwatsʼtéris tsi hiotinonsótons, neh꞉ne tóhsa ahonatesennaiéntaʼne ne hionʼkhísons ne thènen wahétken ahionkhiʼiénhase.