1 Corinthians 5:3 - Ohiatonhseratokénti

^3-4 Tánon iawerohátien tsi ahínon nió꞉re natethewáhtere ne tewahierónkes, nók kíʼ tsi kahnonthónnions thóh kíʼ iékes; tánon thóh ní꞉ioht tsi síken ní꞉ioht ne thóh ietewahkwékon, Íʼkhawe raosénnah ne Sonkwaiáner Ié꞉sos ónenk ronwahriwénhthon kí꞉ken rónkwe ne thóh nihoiéren kíʼ ioriwatʼtsáni. Tsi skát꞉ke ensewakʼkennísa, tánon I꞉i akenikónrahke tsi skátʼke entewáhton, né꞉ne raoshastsʼténsera ne Sonkwá꞉ianer Ié꞉sos tewahkwékon,

1 Corinthians 5:3 ပူးပေါင်းရင်းမြစ်များ

1 Corinthians 5:12

Nók kíʼ, iáh thènen tewahkeriwáhke ne takhehiatórethe ne kénk thiʼtiakawénon. Rawenni꞉io né tensakohiatórethe. Nók kwáh kíʼ tóhsa tesheiatóret né skátʼke sewahiátare ne sewentiókwahkon? Tsi niwáhton noriwahtokénti, “Éhren ietsiʼiatenháwit ne ionkwetahétʼkens ne sewentsiókwahkon.”

2 Corinthians 10:1

Káton ken íhsehre wakátshen nó꞉nen skátne í꞉tewes nok kwáh wakeʼnikonhráhsatste nó꞉nen í꞉non niió꞉re ítkes? Ánio kiʼ satahónhsatat, nek í꞉ʼi ó꞉ni tho niwatianerenserí꞉io, ó꞉ni keriasí꞉io tsi ní꞉ioht ne Kerístos.

2 Corinthians 10:11

Nonkweʼshón꞉ʼa kwáh ioiá꞉nere tsi ahotiʼnikonhraién꞉taʼne nó꞉nen skátne entewé꞉sheke, kwáh eh tho ní꞉ioht tsi enkaterihwahtentiá꞉te tsi niwakhiatónnion.

2 Corinthians 13:2

Tewakatonhontsó꞉ni nakwahronká꞉ten tsi nítson ne sewarihwáneren tsi nitiawé꞉non, ó꞉ni ne ronatiaʼkéhshon. Ó꞉nen né꞉ʼe wá꞉ken ne tekeníhaton shaʼkwanatahré꞉nahse, nok shé꞉kon kiʼ né꞉ʼe enskì꞉ron tsi ó꞉nen iáh tho thaʼtétkes. Ne ó꞉ia tho iénske kwáh í꞉ken tsi enkwateʼniakátsten.

Colossians 2:5

Iawerohátien tsi iáh ethotiekes, onk ki iekwahnontónhnions, ó꞉ni wahkatonnáhereh tsi nikatkátos ioriwahní꞉ron teiahontaní꞉ron tsi ní꞉ioht tsi skat꞉ke isewáte tsi nititsisewetákwen ne Kerístos.

1 Thessalonians 2:17

Nók ne iatehiakwahiáti, tewatenroʼshón꞉a, nónen kén nikaríwes shatetionkwahtetʼkháshion—iáh tsi nòkwah ne onkwahnonthonʼniontsherákon, iáhʼse nekʼkhók nonkwahierónta—tsi nakwahiatisáh꞉ke tánon tsi nahakwahkwísron ne shékon ahonsakwáhʼken!