1 Corinthians 2:4 - Ohiatonhseratokénti

⁴ tánon nakerihonniennítshera ó꞉ni nakateriwahnothátshera iáh tsekanikonrahientáhon né tkawenhnaiéris ahónstonke né꞉ne ónkwe akotʼthoʼkhátshera íken, nók ne tionikonrahtihéntot kariwahnírats ne raoshatsʼténsera ne Rawenni꞉io Raonikonratokénti.

1 Corinthians 2:4 ပူးပေါင်းရင်းမြစ်များ

Proverbs 20:19

Ne tekarihwenʼahwí꞉ton iáh nonwén꞉ton thaʼonteriʼwáhsehte. É꞉ren í꞉seht nón꞉kwe ne iakoterihwatié꞉ni.

Proverbs 7:21

Wahoskanékten ká꞉ti, tsi naʼteiowennatsikhè꞉tare tsi ní꞉ioht tsi ióhthare tho kiʼ niahoʼnikonhrénhawe.

Jeremiah 20:10

Kwáh tsík ónhka wakhathónte tsi tehiakotiénhon, “Kateronkwáhtshera tsík nónhwe níhres! Ánion káti rahtiríhton ieietʼthiró꞉ri!” Shé꞉kon ne kwáh onhkwahtenrohshon꞉a rotiráhre kíʼ nahonkeriwahnhóron. “Tó꞉ka nónhwa enwáhton ne tahonwahnikonhrahkénni,” né rónton; “Ethóhʼne entewahkwéni nahtsitewahiéna tánon ahonsehtewahkárhiaʼke.”

Ezekiel 13:6

Ne rahonahtetʼtsénsehra kwáh iáh thó꞉kenske tèhken, tánon tsi iehatiriwáhkens kwáh ohnhówenh í꞉ken. Akénhake akateriwanhotátshera ronahteriwáhnhothe, ók iáh ki Í꞉i tiekhehiateniéton. Étho kíʼ sána rothiráhre ne rahothiwenhnasónhas norihwí꞉io ahónton!

Acts 20:27

Asèken iáh thènen theʼtewakathotʼtákwen tsi wakerihowanhá꞉thon noriwakwékon tsi nihotenikonrónni ne Rawenni꞉io.

Acts 26:28

Agrippa wahawénhase ne Kór, “Tsi kenk niʼiónsʼsa ne kawistáhes ísere ken enskónʼnien nakeriwíʼiosʼte?”

Romans 15:13

Rinekénnis ne Rawenni꞉io, tsi nikáien tesonkwáwis naskanéktseras, ahiaiatánaʼne natʼtsennonniátseras tánon ne skénnen neh tsi nitseniahésen, neh káti ne iakakontákwen nahontehiáron ne saskanéktsera neh akenikwékon ne rahosatsʼténsera ne Ronikonriʼióston.

Romans 15:19

Ne kasatsʼténsera tsini watieronnísta ne ioriwanerakwaténions, ó꞉ni nahosatsʼténsera ne Rawenni꞉io Rahonikónra. Tanon káti, tsi nitewakatʼtahínon ne Jerusalem tsi nióre ne Illyricum, kwáh tewakeriwasaháthon tsi wakateriwánote ne kariwí꞉ios ne Kerístos rahonháke.

Romans 16:18

Asèken ónhka ne thóh niʼieweiennóten iáh kíʼ Kerístos sonkwaiáner tehonwahiótense, nók nek khók ronnonthónnions tsi nahóntiere ó꞉ni nahóten ahónneke. Kawenníʼios rónstha ó꞉ni tekarénsaron tsi ní꞉ioht tsi rontátis sakotinikonrahténnis ne tionkwetaiéris.

1 Corinthians 1:17

Kerístos iáh né tethakateniéton nakhenekwáhesthe. Tsi tahkatheʼniéton né nakatʼró꞉ri ne kariwí꞉ios, tánon tsi enkatʼró꞉ri iáh ónhkwe akoronkhátshera ó꞉ni akonikonrahientátshera thaʼkátsthe, eh nahʼhontáwe orihwí꞉io aionʼníhake ne Kerístos tsi kaiasáke rawenhéion né꞉ne tóhsa ahkáneskwe neʼthóh ahoshatsʼténsera.

1 Corinthians 2:1

Ne shiakwahnatarénaʼse, tewatenroʼshónʼa, nakateriwahnóten ne Rawenni꞉io rahówenk ne ioteriwahshetánions noriwí꞉io; iáh tewahkáston ne iowenhnowáhnens ó꞉ni ne tiót꞉the karihonniennítshera.

1 Corinthians 2:13

Káti, iáh né tehionkwahtaráhkwen tsi niʼionkwahweientetáhon ne ónkwe akorihwahkwahrishón꞉tshera, nók né nowénhna tsi nishonkwahrihonniénni ne Ronikonrahtokénti, tsi nihionkwahnikonrahientáton ne ionnhehónwe noriwihioʼónwe tsi nihiákon né꞉ne iakotienawáston.

1 Corinthians 4:20

Asèhken ne Rawenni꞉io Raonakeráhsera iáh owennóskonk khók tèken nók né꞉ne kwáh kashatsʼténsera íken.

2 Corinthians 6:6

Iatiateʼnién꞉tha ne tóhsa taiakeniʼnióskenʼne, ionkeniʼnikonhraién꞉taʼs tánon ionkeniʼnikonhrí꞉io, tionkenirihwaié꞉ri tánon Roʼnikonhratokénhti tiótkon iakwakwé꞉kon, tánon ne onkeninoronhkhwáhtshera ne né꞉ʼe kwáh tokén꞉ʼen iorihwí꞉io.

Galatians 1:10

Éhʼken ní꞉ioht tsi shí꞉ken ní꞉ioht ne kateniéntʼtha nakʼkwéni nónkwe ahionkeriwaníratʼtse? Kwáh iáh! Nahóten tewakathonwentió꞉ni nehne Rawenni꞉io ahakeriwaníratʼtse! Kateniéntʼta kén naksennowanénhake nonkwétake? Tóhkaʼ shékon ne kateniéntʼta neh naiáwenne, Iáh kíʼ tahihiotenséhake ne Kerístos.

Colossians 2:4

Wahkonró꞉ri, káti, thósa ónhka sherí꞉hon naiesanikonráten ne onó꞉wen tahkariwakenáston, iáh tewasterístha tóh naontaiohianérehke.

1 Thessalonians 1:5

Asèken nonenh sonʼtakwahawiténni ne kariwí꞉ios, iáh thokàken owennóskon khók akénhake, nók kenikwékon ne kasatsʼténsera ó꞉ni ne Ronikonratokénti, tánon kwá thóh kén꞉en iekanikonrakontákwen ne oriwihioʼónwe. Sewahteriéntare tsi ní꞉ioht tsi tsionnhé꞉kwe ne sitewahkwékon; tsi sénha isinonhwe tsi kariwanirats ne oriwi꞉iohonwe nonkwateriwanotatsera.

1 Tiér 1:12

Rawenni꞉io wasakorihotáshiase kí꞉ken rothitókense nètho rahothihioténsera tsi iáh ronónha tehotihiatakenhátsera, nók í꞉se sewáwenk, tsi nihonatáti kí꞉ken nahorihoténsons ne tsi ónen ietʼtsiwennarónken ne ronteriwanótʼthas rononhá꞉a rothirihowanáton ne kariwí꞉ios thóh rahosatsʼtenserákon ne Ronikonratokénti tsi nitohtheniéton ne karonhiáke. Neh kíʼ nahorihothénsons séhkon ne kwá ratironhiakerónons enhatinónwene nahothinikonraiéntane.

2 Tiér 1:16

Iáh neh teiakwaniahésenʼne ne watkaríson nakwaronkáten ne rosatsʼtenserowánen táreh neh꞉ne Sonkwaiáner Ié꞉sos Kerístos. Kwá í꞉i iakwakaráke hionkwakʼkáton tsi nihosastenserowáhnen.

2 Tiér 2:18

Rontathonniénnis ne kanaiésera ó꞉ni tehiotenonwaroríthonte tsi nahótens rontónnions, tánon rónsta ne ioteriwatéha ne ratiʼierónkes tsi sakonaskanekténnis tsi asakonaterístaien tsi nihiákon ne ónwak iakotasawátie nahonwanatékwase nónkwe neh thóh nónwe nihonónnhe ne aterientawenrhietserákon.

Judges 14:15

Né kaieríhaton siʼwenhniserakéhaton wakonwénhase ne Samson ró꞉ne, “Tetʼtsenikonhrakénhni ne teseníteron nashonkwahró꞉ri nahó꞉ten kéntons ne tekarihwakenthónkwen. Tó꞉ka iáh thotháshenre, enhiakwahtenonhkwénhtaʼwe tsi roʼnónhsohthe ne ianíha tánon thóh enshiátaraʼne. Kí teshenihiáse waskwarónkaron né naskwahnénsko, wá꞉hi?”

Judges 16:5

Wísk-niháti rotinonhtí꞉ios iasakonátʼkenhse tánon wahonhníron, “Tetienikonhrakénhni ne Samson nahiaró꞉ri onh nihiotséren tsi nióre tsi rashástsʼte tánon onh nahiáwenhne natsitewashastsʼtenhserakénhni, ensné꞉rek, tánon né sahióten ne tó꞉sa othènen ahonsahástonhke. Kwáh tsakwahiatátʼtsons énska iawénhnre tewenniáwe nikawístakes kawistaráken enkwahkáriase.”