1 Corinthians 1:9 - Ohiatonhseratokénti

⁹ Rawenni꞉io seh ronwahniahesénhak, ne Rawenni꞉io tsi nikáien ne iehianáton taitiateriwahshónteren ne Roiénha Ié꞉sos Kerístos.

1 Corinthians 1:9 ပူးပေါင်းရင်းမြစ်များ

Psalms 100:5

Ne Roiá꞉ner roʼtennithenrátskon; ne ioriwaʼtóken raonoronkwátsera kwáh tsi nénhwe tsi thenkawisátsteʼke, tánon tsi waʼhatiwatsiratátse ne raoriwaʼtokentítsera tsi nénhwe enkátake.

Isaiah 11:5

Né꞉ne kariwakwarishión꞉tshera kwáh néh enhatsiaʼtanahtserón꞉niaʼte ne enhatsatahnákʼte, tánon né꞉ne karihwatokentítshera thenhotsakwahranát꞉tonhke.

Isaiah 25:1

Ó Saiá꞉ner, í꞉se ná꞉ke Ní꞉io í꞉ken; ní꞉i Kwáh enkonsenhnakaráthate, ní꞉i kwáh tenkonshennanerá꞉kwaʼte; asèken iorihwanerakwahténions tsi nisatieránion, tisatenonkónhni tsi nisheiatonhniánion tsi nahoténsons ne ionnhé꞉nions ne wahonhní꞉se tkènhne, iorihwatóken tánon tokenhskeʼónwe í꞉ken.

Isaiah 49:7

Né aoríhwa rá꞉ton ne Roiá꞉ner, né꞉ne sehsakoniaʼkénton NʼIsraerʼró꞉nons tánon né énska ne Roiatatoʼkénti í꞉ken, né꞉ne rahonháhak né kwáh í꞉ken tsi ronwahthaʼkwaswénhon, ronwashónhon ne ronhnonhontsaʼkeró꞉nons, ronwatenaskonhniá꞉ton ne ratiʼkoráhsons, “Né Rontinontí꞉ios nenhonwá꞉ken tánon kwáh kí thenhatítaʼne, né ronaterihóntons, ó꞉ni kwáh enhatiʼiatakerónhtaʼne tsenhatiʼkonsótane nonhontsáke, né enkarihónhni ne Roiá꞉ner, rahónha ne roriwatóken, Rahonháhak khók ne Roiatatokénti í꞉ken NʼIsraerʼronónke, né꞉ne rahónha iahiaʼtarákwen.”

Numbers 23:19

Ne Rawenni꞉io iáh né thóh tehahiatóʼten tsi ní꞉ioht nonhkweshón꞉ʼas, tsi nihotinówenhs; Iáh né ónhkwe tèken ne tahonshaʼhoterihwaténien. Tsi nahó꞉ten nenharárasthe, ehʼnihaiérha; Enhthatáti, tánon thóh nenhiáwenhne.

Matthew 24:35

Karonhia Onȣentsia entiatohestste, kenh kaien nakeȣenna iah neneh nonȣenton tiiaontohestste.

John 17:21

Aiaȣens tiotkon skariȣat ahononnihake, tsi ki niiot, nise Rakeni, iihne nise, nok nii iseke; aiaȣens kati oni ne rohnonha enskat akenhake nʼiihne nok nʼonkȣeokon aontaiaketakȣe tsi ise teskatorion.

Romans 11:17

Ne karontaienthóserons ne ioteiéna káhik iotenhatoskárons, tánon neh karakónha ne ioteiéna karónta neh iaʼtekaiéston. Níse ne iáh tesewariwiʼióstons ne tesisehwatiérens neh karakónha ioteiéna karónta, tánon nónwa ónen neh sewatsthonhátse ne kasátsʼte tsi nihotirihóten ne Sitaeró꞉nons rahotiriwiʼiosthóntsera.

Romans 8:28

Kwáh ohriwakwékons ionkwateriéntare ne Rawenni꞉io ioʼiáneres tsi nishakotsérahse tsi niʼiákon ne ronwanorónkwa, tsi niháti ne sakhoʼnháʼon, ne entioianénhawe tsi nihoskanektseróten.

Romans 8:30

Éhʼtho káti tsi niháti ne Rawenni꞉io sakohiatarákwen, iesakonáton; tánon tsi niháti ne iesakonáton, sahsakoriwakwathákwaʼse tsi natehóntere, tánon ó꞉ni tasakáwen neh rahohiatanerakwátsera.

Romans 9:24

Asèken í꞉i nètho tsiónkwe neh tesonkwanáton, iáh tòhka kén nek khók tsi natehóntere ne Sitaeró꞉nons nók neh ó꞉ni neh iáh tehatisitaeronons.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

1 Corinthians 10:13

Kwáh tsi nihioriwáhke shariwahienteréhʼon naieshateniénten kwáh thóh niʼiorennáhon tsi iakohiathóh꞉rens nónkwe. Nók ne Rawenni꞉io rateweiéntons ne raorahrátshera, tánon iáh tahiaríhon naieshatenikonrátkense niahontóhetsthe tsi nishasatsʼténsera ne ahiotátere tsi nishahiataníron; tsi nikaháwi wahieshatenikonrátʼkense, éntʼion ne kashatsʼténsera ne iatasótʼten, tánon káti enhiasniénon nahonshasatotarísi.

1 Corinthians 10:16

Ne kátse tewátstha ne iehiatarástha ó꞉ni tsi tentsitewahnonweráhton ne Rawenni꞉io; nónen entewahnekírahthe, wetewahtiátaren ne Kerístos raonekwensákon. Tánon ne tentewahnahtáh꞉rhiake; éntewahke, wetewahtiátaren ne Kerístos raiéronke.

2 Corinthians 1:18

Rawenni꞉io iotón꞉ʼon nahonwaniáhese, í꞉ʼi ó꞉ni, nó꞉nen enkí꞉ron tsi ní꞉kon tekwarihwaserakwén꞉ni tió꞉konte “Hen niehé꞉ken iáh nowén꞉ton tóka ken ne Iáh akénhake.”

Galatians 1:15

Nók ne rahotenretserákon ne Rawenni꞉io ratiatarákwen nohénton sakennákerate tánon wahakénhane nahihiótense. Tánon neh siatoriwaiéntase

Galatians 2:20

Nakonhatsíwa iáh ónen teskónnhe, nók Kerístos akonháke non nisrónnhe. Kí꞉ken atónnhets nónwa tsi konnhétie, tsi konnhétie ne tsi thiʼietákwen ne Rawenni꞉io Roiénha, tsi nikáien ne rakenoronkwáʼon tánon rotʼkáwen ne tsi rónnhe nakeriwáke.

Ephesians 3:6

Ne kariwaséton nètho kariwíʼios, iokwénion thetsaron ne iáh thehathisitaerónons ó꞉ni ne Sitaeró꞉nons nahathiʼiéna ne Rawenni꞉io rahohiathateríhtsera; rahthikwékon neh sakaierónta nónwe nihathihiátare tánon satehonáwenk tsi nihorahráston ne Rawenni꞉io tsi tehahonkóton rahonháke ne Kerístos Ié꞉sos.

Deuteronomy 32:4

“Ne Roiá꞉ner se ne roshatstenhserowá꞉nen thiá꞉nes, toriwaié꞉ri tánon rohiá꞉nere akwé꞉kon tsi nihaweienhnó꞉tens; Ne sewaNí꞉io roriwató꞉ken tánon orihwí꞉io í꞉ken; eʼnihaié꞉ra nahó꞉ten ne tkariwaié꞉ri ó꞉ni ioiánere.

Deuteronomy 7:9

Sewehiá꞉rak né꞉tho Roiá꞉ner sewaNí꞉io tsi rahonhatsí꞉wak kók ne Ní꞉io tánon tsi roriwató꞉ken. Enhateweiénton ne raohianerénhsera tánon enrè꞉neste ne ioriwató꞉ken raonoronhkwátshera ne tewenhniaweheʼtseráhsen natewaterehsehránes ne tsi niʼiá꞉kon ronhwanorónhkwa tánon iontewenhnaráhkwa ne raoriwaʼtá꞉tsheras,

Colossians 1:24

Onk ó꞉nen sewahkatʼtsennón꞉ni neh tsi nikwaroniá꞉kense, Asè꞉ken ne kéntons tsi niwakeroniáken ne tierónhke kastsnié꞉nons tsi nahóten sehkon iotaténron ne iakáshon tsi nihoronhiakén꞉on tsi nokwáh ne Kerístos raierónke, né꞉ne ononsatokénti.

1 Thessalonians 2:12

Wahʼkwáhʼnikonráhreke, wahkwáhʼnikonrahnirate, tánon iahakwahkóntakwe wakwahʼretsiáron thóh ní꞉ioht tsi tsiónnhek tsi nitanón꞉wes ne Rawenni꞉io, tsi nikáien ne iehianátons nashatiátaren ne Raonakerahserákon ó꞉ni ne raohiatanerahkwatsherákon.

2 Thessalonians 2:14

Ne Rawenni꞉io iehianáton ne tsi thóh nón nikwahteriwahnótani ne kariwí꞉ios; iehianáton ne nashahtiénawasthe ashahtiátaren ne raohiatanerahkwahtsherákon ne Sonkwahiáner Ié꞉sos Kerístos.

2 Thessalonians 3:3

Nók kíʼ ne Roiá꞉ner rorihwahtóh꞉ken, tánon enhiashatsténseron ó꞉ni enhiaiatanónstathe tsi nòkwah ne Ranesonrónon.

2 Timothy 1:9

Rawenni꞉io shesonkwahiatakwen tánon tesonkwanathon ne rahónha rahonkwetaʼsónha aʼetewáhthon, iáh neh tehiorihónniat onhʼnahionkwatiéren, onk ne ahoríwah tsi nihotenikonrónʼni ó꞉ni ne rahoténrat. Kwáh raʼonháke ne Kerístos Ié꞉sos tsi tesonkwáhwi kí꞉ken kenténrat né꞉ne oʼhénton shontonthonhontsaʼtásawen.

2 Timothy 2:13

Tóhkaʼ iáh tehionkwariwatóken, iehiokontákwen neh tsi rohriwahtóken, tsioríwah tsi iáh neh tahónton ne rahónha ahatatonnhíhaʼse.”

Titus 1:2

Tsi ne kakenserákwen ne karahrátshera ne ionnheʼónwe. Rawenni꞉io raónha ne iáh nonhwenton tahanowénthe, sonkwarahratsʼténni kíʼ tsi tsiónnhe nohénton nakwékon sonthontásawen,

Hebrews 10:23

Ánion iorihwahnironk ionkwahtienawastonhak tsi nihionkwatʼró꞉ri ne kahrahrátshera, tioríhwah tsi ionkwahkwenion nahontatsitewéhtakwe ne Rawenni꞉io tsi nihorahrátston.

Hebrews 11:11

Tewehtákwen seh wahkakwéni ne Abraham tsi kanísera waháton, iawehrohátien tsi ónen sóhtsi shihoksténha tánon ne Sarah akahónha ó꞉ni iáh tahónton nahiakowirahiéntaʼne. Thonwetákwenhne ne Rawenni꞉io tsi rotienawáston tsi nahóten rorahrátston.

Hebrews 2:17

Ne kí꞉ken kéntons kwáh thóh nen ronnoténhne tsi ní꞉ioht ne rahonkwatasónha, ne nahónton nahoriwahtokénhake ó꞉ni nahotanitenrátskon tsi ratsihentowáhnen íken tsi nihoʼiótense ne Rawenni꞉io, nekáti nonkwesónhas nahonsahiontatenikónrense nakorihwahnerahákʼtshera.

Hebrews 3:1

Tekanóronn Sewahriwiʼióstons onkwahtenrosónha, í꞉se ó꞉ni ne Rawenni꞉io ietsisehwennónkon! Ié꞉sos tsi sewahnonthónnionf, tsi raónha ne Rawenni꞉io thotórion tsi tókthe ratsihenstowáhnen tánon ne tewetákwen tewahriwahnírats.

Hebrews 3:14

Asèken tewahkwékon teionkwahienawáhkon ne Kerístos tóhka enionkwahriwahníronke kwáh tsi nióre tsi ieiohtókʼte tsi nitionkweʼtakwenʼne tsi niʼtiotáh꞉sawen.

Hebrews 6:18

Né kí꞉ken ne tehiorihwáhke, káti, ne iáh tahónton tahonsakathénionke tánon ó꞉ni tsi iáh tahakwéni nahanówenhthe ne Rawenni꞉io. Káti tsi nítsion ne ionkwatʼtshénrion ne rahonháke nónwe naitewahtekwáhsen kowáhnen tsi ionkwahnikonrahníron ioníron tsi ahionkwahtienahwastónhake tsi ne ionkwáhrahre nonkwahénton ká꞉ien.

1 Tiér 5:10

Nók nónen kén nikariwésʼsha wesewaronhiáken, Rawenni꞉io ne akwékon niesakoténre, shieʼianátons nasatiátaren ne rahówenk kaiatanerakwátsera tsi nénwe ne tsi tehonateriwasóntere ne Kerístos, kwáh rahonhatsíwa enshiakwatákwase tánon éntʼhion ne kariwanirátsʼtsera, kasasténsera, tánon kwáh ioníron tsi tkenstskwáhere.

1 Sawátis 1:3

Nahóten ne ionkwatkáton ó꞉ni ionkwarónken kwá kwaronkaténni nòn꞉ne, ehnahóntawe naskwatiátharase naihtewakwekónhake ne Kaníhsera ó꞉ni ne Roiénha Ié꞉sos Kerístos.

1 Sawátis 1:7

Nók tóhka tsi teioswátʼte nón nitionnhétie—kwá tsi ní꞉ioht tsi tehoswátʼthe—ehʼthóhʼne kíʼ akwékon skát꞉ne tewaiátare, tánon ne rahonekwénsa ne Ié꞉sos, neh Roiénha, tionkwanoharése kwá tsík ní꞉ioht tsi aionkwariwáneren.

1 Sawátis 4:13

Kwá oriwí꞉io tsi ionkwateriéntare tsi tehionkwateriwasóntere ne Rawenni꞉io tánon ó꞉ni ne ronnheʼónwe tsi kwá tehionkwateriwasóntere, Asèken tesonkwáwi ne kasatsʼténsera.

Revelation 19:11

Eʼthó꞉ne wakatkáto onteronhianhotónko, tánon thóh nón꞉we ní꞉res kanaskwará꞉ken! Ne roʼshá꞉tentse ne ronwanaʼtónhkwa Roʼriwatóken tánon Oriwí꞉io í꞉ken, tánon thóh kariwakwarishontserá꞉kon tsi tehaiatoréhtha tánon rateriioserónhnis.