1 Corinthians 1:2 - Ohiatonhseratokénti

² Ne thonwetákwen ne Rawenni꞉io thóh nónwe ne Corinth, tsi nihiákon ieiontatenáton ne Rawenni꞉io raotiokwahtokénti akénhake, tsi rahónha rahonkwetaʼshónha ne tsi tehonaterihwahshóntere ne Kerístos Ié꞉sos, rahtikwékon ne kwáh tsik nonwéson ne ronwahsénnaiens ne Ié꞉sos Kerístos, rahónha ne Shakoiáner ó꞉ni nonkwáhtiakes;

1 Corinthians 1:2 ပူးပေါင်းရင်းမြစ်များ

Genesis 12:8

Thóh ionshahatén꞉ti tsi tionontahrónnion niahá꞉re tánon thóh ionsahatená꞉taien, ne ne tsitkarahkwí꞉nekenʼs nonkwá꞉ti ne Bethel, tánon thóh nón꞉we nahataʼtohsehró꞉ten, né Bethel tsi iaʼtewatshénthohs né nokwá꞉ti í꞉ken tánon ne Ai, tsitkarahkwínekenʼs né nonkwá꞉ti í꞉ken; thóh nónwe nonsahrón꞉ni ne ietsenhahráhkhwa tánon eʼthó꞉ne ó꞉nen iahaná꞉ton ne Roiá꞉ner raohsén꞉na.

Genesis 4:26

Ne Seth wahoneʼkenterontseraién꞉taʼne, Enosh wahoná꞉tonkwe. Eʼthó꞉ne nonkweʼshón꞉ʼa taiontáhsawen wá꞉ʼonste ne Roiá꞉ner raosénna nó꞉nen enhonterén꞉naien.

Psalms 45:11

Tsi nisatkatotierí꞉io ne ronnontí꞉io enhianónhwene. Tsi rahónha thianiaró꞉taron ónenk tsi entiewénhnarakwe.

Acts 10:36

Sewateriéntare tsi niwateriwanothatseróten iesakothenietén꞉ni nIsraeʼrónons, ratʼroríhawe ne kariwí꞉ios neh skén꞉non raonháke ne Ié꞉sos Kerístos, tsi nikáien neh akwékon Tseʼsakoiá꞉ner.

Acts 15:9

Iáh thènen tatehotí꞉en tsi nahthetewátere; sahsakonikónrense ne rahotiriwanerahákʼtseras neh tsi tahonnéthakwe.

Acts 18:1

Sonteweiennéntaʼne, ne Kór ehren sarete ne Athens nonwe tanon Corinth nónwe nionsáre.

Acts 22:16

Tánon kíʼ ónen, nontsiéren tsi sénha asateráhrathe? Téstann tánon satenekwáheste tánon sahsenó꞉hare ne sariwanerahákʼtseras tsi nienʼtsiaterennaiénhase.’

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

Acts 9:13

Ananias watariwaseráko, “Saia꞉ner, iakotiokowánen hionkʼróri tsi nókwa kí꞉ken rónkwe ó꞉ni tsi natehiotenonhianíton tsi nisakoiéraʼse ne sonkwetaʼsónhas ne Jerusalem nónwe.

Acts 9:14

Tánon Damascus nontáre tsi nithoʼsastenseráwi ne ratsihenstakweʼní꞉io nasakoiéna tsi niʼiákon ne iesasén꞉naien.”

Acts 9:21

Tsi niʼiákon wahonwawennáronke wahakoneráko tánon waheriwísake, “Iáh ken raónha tèken neh Jerusalem sakononwariákonsʼkwe nónka ne ronwasénnaiensʼkwe nètho rónkwe Ié꞉sos? Tánon iáh kén neh tehioríhwa tsi kén꞉en nithawénon nasakoiéna nonkwesónha tánon ratsihenstowanénʼke niahonsahsakohiaténhaʼwe?”

Romans 1:7

Kwáh káti sewakwékon tsi iakwahiátonse neh thonónwe Rome Rawenni꞉io tsi sewanorónkwa ó꞉ni tsiʼsewahonkaráwis neh rahónha rahonkwéta aisewáton: Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

Romans 10:12

Kwáh tsik ónhka kíʼ iakóthons, Asèken kwáh iáh thènen thateontʼthíhen neh Sitaeró꞉nons tánon ne iáh tehotiriwiʼióstons; Rawenni꞉io kwáh ónhkwe takwékon tsi Sakoiánere ó꞉ni kwáh wahtsokowatserowánen sakohiataterísta tsi niháti ne ienhonwanáthon.

Romans 3:22

Ne Rawenni꞉io neh sesakotakwarisháta neh tsi tonwethákwen ne Ié꞉sos Kerístos. Rawenni꞉io thoʼnihaiérha tsi niʼiákon tonwethákwen ne Kerístos, asèken iáh noʼiáh tehioháhaien onʼnakaiéren nonkwesónhas nahonsahotiʼianerásten tsi natehónthere ne Rawenni꞉io.

Romans 8:28

Kwáh ohriwakwékons ionkwateriéntare ne Rawenni꞉io ioʼiáneres tsi nishakotsérahse tsi niʼiákon ne ronwanorónkwa, tsi niháti ne sakhoʼnháʼon, ne entioianénhawe tsi nihoskanektseróten.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

1 Corinthians 10:32

Thóh ní꞉ioht tsi shón꞉nek né꞉ne tóhsa ónhka tashenikonráhren Sitaeró꞉non tóhka ó꞉ni ne iáh tehatisitaeronon akénhake tóhka ó꞉ni ne Rawenni꞉io rahonkwetaʼshón꞉a.

1 Corinthians 12:27

Kwáh sekwahkwékon ne iewáhtons ne Kerístos raiéronke, tánon kwáh tsi sewahiatátʼtion tsi ensewahiátare.

1 Corinthians 8:6

kwáh kíʼ nonkwahriwáhke saiátak khók kíʼ ne Ní꞉io, rahónha ne Kanísera, rahónha Rohshahánion noriwahkwáhkons tánon rahonháke nónwe niʼtsiónnhe; tánon saiátak khók ne Roiá꞉ner, né꞉ne Ié꞉sos Kerístos, rahonháke non niʼtiawénon tsi kashahánion noriwahkwékon tánon rahonháke nónwe nitsiónnhe.

2 Corinthians 1:1

Kór ki tánon natateʼkénsera Timothy non nitiohaʼwiton, iateriwahnótha, ronwateriʼwanothani ne Ié꞉sos Kerístos, ne tsi eh tho nithoʼnikonhriió꞉ʼon ne Rawenni꞉io. Tánon tsi niiá꞉kon ne tiakawehtákwen thó꞉non ne Corinth, rohnatiaʼtarò꞉ron ronwahsén꞉naiens ne Rawenni꞉io, tánon ó꞉ni tsi niiá꞉kon ne Rawenni꞉io raonkweʼtashón꞉ʼas tsi watonhontsá꞉ien ne Achaia.

2 Corinthians 4:5

Iáh í꞉ʼi teiakwataterihwahnotá꞉nis. Nonkwaterihwahnotáhtshera ne tho Ié꞉sos Kerístos, raónha ne Roiá꞉ner. Raónha ó꞉ni iahshonkwató꞉ri nakwaioʼténhse.

Galatians 1:2

Ratikwékon natatekénseras neh kén꞉en sakanikónra wahatiónni tsi iahakhiʼiatheniétase ne kanonweratóntseras thonetákwens ne Galatia nónwe:

Ephesians 5:26

Ne aoríwa thóh nihoiéren nehne ahononsathokentísten ne Rawenni꞉io ne tsi nihiosatsʼténsera ne rahowénʼna, tánon kwáh ahóskon sarón꞉ni ne tsi onékanos wahanohárethe,

1 Thessalonians 1:1

Kór, Silas, tánon Timothy nón nitsawénon— Ne onkwesónha ne tiakawetákwen ne Thessalonica nónwe, tsi nihiákon ne Rawenni꞉io ne Kanísera rahonkwetaʼsónhas ó꞉ni ne Roiá꞉ner Ié꞉sos Kerístos: Ne kenténrat ó꞉ni ne skénnon aisewahwenkónweke.

1 Thessalonians 4:7

Rawenni꞉io iáh tieshonkwenʼnónkon ne thóh nón naitiónnheke ne kanakwahieshatsherákon, nók thóh nónwe naitiónnheke noriwahtokentitsherákon.

2 Thessalonians 1:1

Kór kíʼ nón nitsawéhnon, Silas, tánon Timothy— Ne nonkwesónhas ne thonetákwen ne Thessalonica nónwe, né꞉ne Rawenni꞉io rahonkwetaʼsónhas Sonkwahníha ó꞉ni ne Roiá꞉ner Ié꞉sos Kerístos:

1 Timothy 2:8

Kwáh tsi nihioriwáhke nononsatokentíke enhionterénnaien tewahkatonwentió꞉ni ne ronnónkwe nahonterénnaien, ronnónkwe neh꞉ne rotirihwatóken tsi nòkwa ne Ní꞉io tánon ahatikwéni nahonnenstiakétsko nen honterénnaien ne tóhsa ahotinakwenʼénhake tóhsa ó꞉ni tahotiriwahkéhnen.

1 Timothy 3:15

Nók tóhkaʼ enkatennískwaʼte, ne kí꞉ken kahiatónsera ensaróhri tsi ní꞉ioht tsi ahitewahthoriáneron ne Rawenni꞉io rahonónskon, neh꞉ne raónha rahonnonsatokénti ne ronnheʼónwe Ní꞉io, neh kanawaháthoʼthe ó꞉ni tioswahnónn e ne tewetákwen.

2 Timothy 1:9

Rawenni꞉io shesonkwahiatakwen tánon tesonkwanathon ne rahónha rahonkwetaʼsónha aʼetewáhthon, iáh neh tehiorihónniat onhʼnahionkwatiéren, onk ne ahoríwah tsi nihotenikonrónʼni ó꞉ni ne rahoténrat. Kwáh raʼonháke ne Kerístos Ié꞉sos tsi tesonkwáhwi kí꞉ken kenténrat né꞉ne oʼhénton shontonthonhontsaʼtásawen.

2 Timothy 2:19

Nók ne ioníron thekenstenrotákwen nètho ne Rawenni꞉io rohkéron iáh tahónton ne tahiowéntonwe; tánon thóh ken nikawennótens kahiáton: “Ne Roiá꞉ner rohtheriéntare ónhka ne rahonkwetaʼsónhas” tánon “tsi nihiákon ne iónton Roiá꞉ner rahonkwéta íken ónenk tsi tentionkʼkarathéni tsi nihiontiéra ne iáh tetkaiéri.”

2 Timothy 2:22

Satiatatískwak ne rahononweséntseras ne kenʼnihthotihiónsas, onk neh saskèna ne karihwahkwarishióntsheras, tewetákwen, kanoronkwátsera, ó꞉ni ne skénnon, skátke tsi niháti ne ronʼneriaʼsí꞉ios iehonwanátons ne Roiá꞉ner nasakoiénawaʼse.

Hebrews 10:10

Tioríhwah ne Ié꞉sos Kerístos thóh nioié꞉ren tsi nateotonwenhtioníhaʼkwe ne Rawenni꞉io, tewakwékon tionkwahtonʼnakanón꞉ni tsi nòkwah ne karihwáhneren né tsi nihoʼtahtatʼkáwenh ne tsi rónnhe énskak khók iehioiénton.

Hebrews 13:12

Asèken ne kí꞉ken aoríhwah ne Ié꞉sos átste nahkanatáti nón nihawenhéion, ehʼnahontáwe nahonsahiakotonnakanónnien nonkweʼókon tsi nòkwa ne karihwáneren né kenikwékon ne rahonekwénhsa.

Hebrews 2:11

Seshakahonnakanónnis nonkwesónha tsi nòkwah nakoriwaherahákʼtsheras, tánon ne tetiáron ne rahónha ó꞉ni tsi niháti ne sohnatonnakanonní꞉ion kwáh né shahotinísera. Né aoríwah ne Ié꞉sos iáh tahatéhens nashakonathónkwen raowáhtsire.

Jude 1:1

Jude kih non nitsawénon, Ié꞉sos Kerístos roióhtense, tánon né꞉ne Sák iatatekénʼa— Tsi niʼiá꞉kon ne Rawenni꞉io sakonhaʼon, Rawenni꞉io né Kaʼní꞉sera í꞉ken rahononronhkwatsherá꞉kon non nihonnonnhétie, tánon tsi natesakotiatháton ne Ié꞉sos Kerístos:

Revelation 19:16

Raʼotewehiarákwahke tánon ranhí꞉tsake thóh kasenhná꞉re, “Sakonontí꞉ios ne Rontinontí꞉ios ó꞉ni Sakoiá꞉ner ne Rotiiá꞉ners.”