Taitus 3:5 - Mangseng

⁵ i pamimi it. Na i pamimi it nge ler vothung vengvenga ako sivenger te oma i, kene avele. Aveto nge isivenga ile themosaling inga, mako i pamimi it nge sovengalo ako i pariri it nge. Na i pakeu Ioni Riringa mo i pavelpol mimiong ponganga a it nge, mo te onol mo te velpol ini ile toko ponganga ol re.

Taitus 3:5 ပူးပေါင်းရင်းမြစ်များ

Matiu 3:11

“Na tho paninu thomu nge thei mo ur aken i pathengal ako ve, thomu o lel kimomu nge lomu vothung kerenga lale. Ave toko ako i rumongal nge tho me, kene ile engenging i aolonga rintet nge lek engenging, na i pavurvur aro tho es totho a ilo sei mo aro tho inospot ile esonga a we, kene avele. Naro i paninu omu pelie nge a God Ioni Riringa, aveto omu pelie nge won sesenga.

Panongpolong Sivenga ako Luk i wat i 1:50

Na i kene i themosal toko na seng areko o papomnga i ranga ve nge toko alavusnga ako o mimi nomenga na ponange na panen.

Panongpolong Sivenga ako Luk i wat i 1:54

Na nomenga i kin riong tomo nge ar pompomere na ponange i oma ol i lale. Na i opoal mun ile umonga Israelre lale.

Panongpolong Sivenga ako Luk i wat i 1:72

Mako i oma nunganga ile themosaling a ititeviere nge. Na i oma ile riong kinnga riringa ako i oma tomo i nge or nomenga.

Panongpolong Sivenga ako Luk i wat i 1:78

Eneke ler God i vual nge themosaling na i ranga ve ini nang le tolilisong ako i esu a Pen a Urvet me.

Pol ile malueng ako i wat i a toko lemioongare nge ako o voth a rem pomnga a Rom 11:14

Eneke tho sis ve aro lek omaing aken, aro i pavurpol lekngare olemi mo o theseal nge ur sivenga ako God i oma i a thomu nge. Na nge vothung aken tho sis ve, God aro pamimi oa pelie.

Pol ile malueng ako i wat i a toko lemioongare nge ako o voth a rem pomnga a Rom 11:6

Na aro ve i ateal inga or nge ile themosaling, aken ilemi i voth nge ole omaing ako o oma i, kene avele. Na aro ve i ateal or nge ole omaing aken, aken aro ile themosaling kene ini sungong nunganga avele.

Pol ile malueng ako i wat i a toko lemioongare nge ako o voth a rem pomnga a Rom 12:2

Na o mothong tova o panes ol tokokoe areko rongan o panes vothung ulue anga, aveto somu womo a God mo i paponganga lomu lemi rumong, na nge aken aro i paonolpot thomu. Na aro ve i oma venen aken, thomu o pavurvur ako aro o ate nge vothung kathnga ako God i sis ve aro thomu o oma i. Ranga ve ini vothung ako i sivenga, na vothung ako God ilemi sivenga nge, na vothung ako i vengvengtet a itheki.

Pol ile malueng ako i wat i a toko lemioongare nge ako o voth a rem pomnga a Rom 3:20

Eneke toko e avele i pavurvur aro i velpol ini toko vengvenga a God itheki nge patorong panesnga, ave patorong ile omaing ve aro i pathengal it ve, ler vothung i kerenga.

Pol ile malueng ako i wat i a toko lemioongare nge ako o voth a rem pomnga a Rom 3:28

Make lemir mire ako toko i velpol ini toko vengvenga a God itheki nge ile lemioong, na nge a Moses ile patorong panesnga avele.

Pol ile malueng ako i wat i a toko lemioongare nge ako o voth a rem pomnga a Rom 4:5

Aveto God aro i apet areko o oma vothung kerenga, ini toko vengvengare a itheki nge ole lemioong na nge ole omaing avele.

Pol ile malueng ako i wat i a toko lemioongare nge ako o voth a rem pomnga a Rom 9:11

Na i pop or rongan, na o oma vothung kerenga eve vothung sivenga pelie rongan, aveto God kene i ria Rebeka ve, “Om tengen a Iso aro i velpol ini tum opisoinga a Jekop ile umonga.” Na God ile riong aken i pathengal it ako ve, God ile atealing nge tokokoere i panes inga ur ako ilemi alpotet nge, na i panes ole vothung avele, eneke i sungu ile riong aken a mukaling, na or paini o oma vothung kerenga eve vothung sivenga pelie rongan. Aveto God i ateal tokokoere ranga ve ako i sis ve aro i oma i.

Pol ile malueng ako i wat i a toko lemioongare nge ako o voth a rem pomnga a Rom 9:16

Maken, God i ateal inga tokokoere ako nge ile themosaling inga mo ini ile, na e avele i velpol ini a God ile, ako nge ur ako isivenga ilemi i voth nge, eve nge isivenga ile omaing engenga.

Pol ile malueng ako i wat i a toko lemioongare nge ako o voth a rem pomnga a Rom 9:30

Maken lek riong aken i mirenga vava, e? I mirenga ve, areko or ini Judare avele, na o betet ve aro o velpol ini toko vengvengare a God itheki, kene avele, or kene o velpol ini toko vengvengare a itheki, eneke olemio nge a Krais.

1 Korin 6:11

Na nomenga omu pelie kene o oma venen aken, aveto ponange thomu o riri lale ma thomu ol ini a God ile, na thomu ini toko vengvenga a itheki, eneke lomumuo nge ar Pomnga a Jisas Krais na nge a God Ioni Riringa.

Galesia 2:16

Na it Judare lemir mire nge ako, aro ve toko e i panes a Moses ile patorong, aken i pavurvur aro i velpol ini toko vengvenga a God itheki avele, ave toko i velpol ini toko vengvenga a God itheki, nge ile lemioong nge a Jisas Krais. Maken it mun lemiro nge a Jisas Krais mo aro te velpol ini toko vengvengare a God itheki. Na te velpol ini toko vengvengare a God itheki nge ler lemioong nge a Jisas Krais inga, na nge a Moses ile patorong panesnga avele. Eneke toko e avele aro i velpol ini toko vengvenga a God itheki, nge a Moses ile patorong panesnga.

Epesus 2:4

Na i ranga ve ako te rin lale nge ler vothung kerenga, aveto God ia sagu rintet it, na ile themosaling a it nge me i aolonga rintet, mako i pamimi it tomo nge a Krais. Na nge a God ile themosaling inga ako i pamimi thomu.

Epesus 4:23

Naro thomu o mothongpot i, naro lomumu na lomu mire aro i ponganga rintet.

Epesus 5:26

mo aro i pariri or, na o riri nge paninuong na nge ile riong panesnga.

Kolosi 3:10

na o elo ol mimiong ponganga ako Patenger i oma i. Na mimiong aken Patenger i pesrou nge ipaonolnga avele mo aro te velpol ranga ve ini i, moro aken lemir mire senu nge ur ako i sis ve aro te oma i.

2 Timoti 1:9

Na God i pamimi it na i ateal it ve aro te velpol ini toko riringa. Na i ateal it ako nge ler omaing avele, aveto nge isivenga ilemi, na nge ile themosaling. Na nomenga vet ako nge ur elonga pateanga, God ilemi ako ve, aro i sungu ile themosaling aken a it nge, ako nge ler teoong a Krais Jisas nge.

Taitus 3:4

Aveto God ako ini ler pamimionga, ia sagu rintet it, na i oma vothung sivenga a it nge. Ma nge nang ako ile vothung aken i velpol ol a pen lalanga

Hibru 10:22

Na Jisas i pariri lemir, mako te mothong tova lemir rum ol ve, vothung kerenga rongan i voth a it nge. Na te riri ol ranga ve ako te nunu nge thei ninenga. Maken aro te es totho a God nge, na te mothong tova lemir sulung salang nge ipanesnga, naro ler lemioong i engeng ako ve, i sis rintet ako aro te es totho a i nge.

Hibru 4:16

Na aken i nunganga, maken aro nir peti perper nge ako te es totho a God nge, ako ini a God themosalinga. Naro te es totho a i nge mo aro te el ile lemi esaling, na ile themosaling ako aro i opoal it nge nang kathnga ako aro te el matheong nge.

1 Pita 1:3

Aro te risea a God ako ini ar Pomnga a Jisas Krais Itema, eneke i themosal rintet it, mako i sung mimiong ponganga a it nge, aken te men sial ol nge ur areko aro i sungu i a it nge ako aro ile vusonga avele. Naro ile vusonga avele, eneke Jisas Krais i los werera nge rinong.

1 Pita 2:10

Nomenga thomu ini a God ile tokokoere avele, aveto ponange thomu ini ile tokokoe ol re. Nomenga thomu o el vet a God ile themosaling avele, aveto ponange thomu o el ol a God ile themosaling.

1 Pita 3:21

Na thei aken ini paatealing nge paninuong ako i pamimi ol thomu ako nge a Jisas Krais ile los wereraing. Na ini numu peti akopnga paut rirpotnga avele, ini lomu riong kinnga ako thomu o oma i a God nge ve aro o oma inga ur ako i sivenga mo ur e avele aro i eso ol a lomumu.