Pol ile malueng ako i wat i a toko lemioongare nge ako o voth a rem pomnga a Rom 9:13 - Mangseng

¹³ Na i ranga ve ako God ile erere i ri nge, ako i ri ve, “Ok sagu a Jekop ma tho ateal i, aveto nik silal a Iso.” Malakai 1:2-3

Pol ile malueng ako i wat i a toko lemioongare nge ako o voth a rem pomnga a Rom 9:13 ပူးပေါင်းရင်းမြစ်များ

Matiu 10:37

“Na aro ve toko e ile asaguong nge itema ome inina i aolonga nge ile asaguong nge tho, aken i pavurvur aro i voth ini lek wainlanga avele. Na aro ve toko e ile asaguong nge itutunre i aolonga nge ile asaguong nge tho, aken i pavurvur mun aro i voth ini lek wainlanga avele.

Panongpolong Sivenga ako Mak i wat i 12:10

Ma Jisas i ri riong agelalnga ve, “Lomumu rum senu nge riong ako a God ile erere i ri vene: ‘Um ako vel aringare o rivenga i kerenga ma o siv lelpot i, ake kene i velpol ini um a ur vet ako i paengeng vel ranga ve ini wovek sapatanga.

Panongpolong Sivenga ako Luk i wat i 14:26

“Na toko e ako i sis ve aro i panes tho, aro ile asaguong nge tho, aro i aolonga rintet nge ile asaguong ako nge itema, inina, iewo sengenga, itutunre, ititeinre, ilulunre na isivenga ile mimiong mun, aro vene mo i velpol ini lek wainlanga avele.

Panongpolong Sivenga ako Jon i wat i 12:25

Na toko ako i sarinalo isivenga ile mimiong, aro ile mimiong aken aro i penthal. Na toko ako i sungpot isivenga ile mimiong ake ru a ulue, aro ile mimiong aken aro ile vusonga avele.