Pol ile malueng ako i wat i a toko lemioongare nge ako o voth a rem pomnga a Rom 2:13 - Mangseng

¹³ Riong aken i nunganga, eneke ini areko o nongpol inga a Moses ile patorong, ako aro o velpol ini toko vengvenga a God itheki, kene avele. Aveto ini inga areko o panes a Moses ile patorong, ako aro o velpol ini toko vengvenga a God itheki.

Pol ile malueng ako i wat i a toko lemioongare nge ako o voth a rem pomnga a Rom 2:13 ပူးပေါင်းရင်းမြစ်များ

Panongpolong Sivenga ako Luk i wat i 18:14

Ma Jisas i ria or ve, “Tho ria thomu, takis elnga aken ako i lo werer a ile pen, ienga inga ako i riri a God itheki, na Parisi aken aro avele. Eneke areko o papomnga osivenga, aro God i paruru or, na areko o paruru osivenga, aro God i papomnga or.”

Panongpolong Sivenga ako Luk i wat i 8:21

Aveto i ria or ve, “Na tokokoe areko o nongpol a God ile riong mo o panes i, or re aken ini ok ninaere na titeikre.”

Panongpolong Sivenga ako Jon i wat i 13:17

Na lomumu mire lale nge ur areke, na aro ve thomu o oma ir, aro lomumu sivenga rintet.

Pakeke 13:39

Ina Moses ile patorong i pavurvur aro pavthopot thomu nge lomu vothung kerenga avele. Aveto aro ve lomumuo nge a Jisas, aro i pavthopot thomu nge lomu vothung kerenga.

Pol ile malueng ako i wat i a toko lemioongare nge ako o voth a rem pomnga a Rom 10:5

Na i venen aken, eneke Moses i ritet nge patorong panesnga a sovengalo, ako aro God i apet toko ve ini toko vengvenga nge, na i ri vene: “Toko e ako i avsa a Moses ile patorong e avele, aro i el mimiong ako aro ile vusonga avele ako nge ile vothung aken.” Wok Pris 18:5

Pol ile malueng ako i wat i a toko lemioongare nge ako o voth a rem pomnga a Rom 2:25

Na aro ve thomu o panes a Moses ile patorong, i sivenga ako aro o is lomu ako ini paatealngomua ako thomu ini a God ile. Aveto aro ve thomu o avsa a Moses ile patorong, paatealngomua aken ini ur polpolnga, na a God itheki i ranga ve ako o is lomu avele.

Pol ile malueng ako i wat i a toko lemioongare nge ako o voth a rem pomnga a Rom 3:20

Eneke toko e avele i pavurvur aro i velpol ini toko vengvenga a God itheki nge patorong panesnga, ave patorong ile omaing ve aro i pathengal it ve, ler vothung i kerenga.

Pol ile malueng ako i wat i a toko lemioongare nge ako o voth a rem pomnga a Rom 3:23

eneke it alavusnga te oma vothung kerenga, mako te pavurvur nge a God ile paatealing sivenga ako i paateal i a it nge, kene avele.

Pol ile malueng ako i wat i a toko lemioongare nge ako o voth a rem pomnga a Rom 3:30

Eneke God omole inga i voth. Na areko o is ole aro o velpol ini toko vengvengare a God itheki nge ole lemioong inga nge a Jisas, na i vene mun nge areko o is ole avele, o velpol mun ini toko vengvengare a God itheki nge ole lemioong inga nge a Jisas.

1 Korin 4:4

Lemik i teltun tho nge ur e ako tho oma i, kene avele, aveto i pavurvur aro tho ri ve lek omaing i vengvengtet inga, kene avele. Ini inga a Toko Pomnga ako aro i avrum lek omaing.

Galesia 2:16

Na it Judare lemir mire nge ako, aro ve toko e i panes a Moses ile patorong, aken i pavurvur aro i velpol ini toko vengvenga a God itheki avele, ave toko i velpol ini toko vengvenga a God itheki, nge ile lemioong nge a Jisas Krais. Maken it mun lemiro nge a Jisas Krais mo aro te velpol ini toko vengvengare a God itheki. Na te velpol ini toko vengvengare a God itheki nge ler lemioong nge a Jisas Krais inga, na nge a Moses ile patorong panesnga avele. Eneke toko e avele aro i velpol ini toko vengvenga a God itheki, nge a Moses ile patorong panesnga.

Galesia 5:4

Na thomu ako o tongporum ako ve, o panes a Moses ile patorong mo aro God i apet thomu ve ini toko vengvengare, aken ranga ve thomu o sorotetpot thomu a Krais nge na thomu o voth a God ile themosaling kime.

Jems 1:27

Na lotuong panesnga ako i riri rintet, na i nunganga a Titemer a God itheki kene i vene: Aro te opoal patungtungere tomo nge basbasuere nge ole matheong. Na e mun e ako aro te naktet ler mimiong, aro vene mo vothung ulue anga i pamatu it.

1 Jon 2:29

Na lomumu mire ako ve, Krais ile vothung alavusnga i vengveng rintet, aken aro lomumu mire mun ako ve, toko alavusnga ako o oma vothung vengvenga, or ini a God itutunre ol lale.

1 Jon 3:7

Na tutukre, aro thomu o naktet thomu, aro vene mo toko e aro i paleklek thomu. Na toko ako i mosal inga nge vothung vengvenga omanga, ini toko vengvenga ranga ve ini a Krais ako ini toko vengvenga.