Pol ile malueng ako i wat i a toko lemioongare nge ako o voth a rem pomnga a Rom 13:9 - Mangseng

⁹ Na God ile torong i ri vene: “Mothong tova ngo tomo nge areko or ini ewom avele. Mothong tova so rin toko. Mothong tova ong kem. Mothong tova theseal thongom e ile urre” Kisim Bek 20:13-17 na torong areke tomo nge torong mun pelie o voth inga nge torong omole lemi ako i vene: “Aro om sagu toko kathnga ako ong thepolo i, ranga ve ako om sagu sivengom.” Wok Pris 19:18

Pol ile malueng ako i wat i a toko lemioongare nge ako o voth a rem pomnga a Rom 13:9 ပူးပေါင်းရင်းမြစ်များ

Matiu 22:39

Na aininga ako i aolonga rintet mun kene i vene, ‘Aro om sagu thongongomre ranga ve ako om sagu sivengom.’

Panongpolong Sivenga ako Mak i wat i 10:19

Na lomum mire nge a Moses ile patorong lale, mothong toko so rinnga na mothong tova ong ngo tomo e seng relnga e, na kemong na riong le apaltitetonga, na mothong tova ong theseal tokokoere ole ur elonga, naro ong papomnga inga ninom ome tomom.”

Panongpolong Sivenga ako Mak i wat i 12:31

Na God ile patorong aininga nge it, kene i vene: ‘Aro omu sagu thongongomuere ranga ve ako omu sagu sivengomu.’ Patorong ol e avele ol ako aro i mukal nge patorong or aini ake.”

Panongpolong Sivenga ako Luk i wat i 10:27

Na toko aken i olal ile riong ve, “‘Aro omu sagu a God, ako ini omu Pomnga, nge opomu alavusnga, na nge onumu alavusnga, na nge lomu engenging alavusnga, na nge lomumu alavusnga.’ Naro ‘Omu sagu thongongomuere ranga ve ako omu sagu sivengomu.’”

Panongpolong Sivenga ako Luk i wat i 18:20

Na lomum mire nge patorong alavusnga lale, ako ve: Thomu peangere o mothong tova o ngo tomo nge areko or ini ewomu avele. Na o mothong tova o so rin polpol toko. Na o mothong tova o kem. Na thomu o mothong tova lomu apaltet tova ve toko e i mit nge riong. Naro o papomnga titomomuere na ninomuere, naro o panes inga ole riong.”

Galesia 5:13

Titeikre, i nunganga ako God i leng thomu mo i pavthopot thomu nge a Moses ile patorong panesnga, aveto lomu vthopotong aken ini tepun ve aro thomu o panes vothung kerenga ako i mita a lomumu, kene avele, aveto i sivenga ako aro thomu o opoal pel ako ranga ve asaguong i voth a thomu nge.