Pol ile malueng ako i wat i a toko lemioongare nge ako o voth a rem pomnga a Rom 13:7 - Mangseng

⁷ Na aro ve om thangaroong i voth, aro ong olal i. Na aro ve om thangaroong nge takis rel relnga pelie ako rongan i voth, aro ong ul i a takis elngare nge. Na aro ve o paesu ong a toko e isa thewo, aro ong voth inga nge. Na aro ve o sung mukalinga a omaing a toko e nge, aro ong nongal ikei na papomnga iion.

Pol ile malueng ako i wat i a toko lemioongare nge ako o voth a rem pomnga a Rom 13:7 ပူးပေါင်းရင်းမြစ်များ

Matiu 17:25

Ma Pita i olal ole riong ve, “Avele, aro i sungu i.” Pita i koro a vel lemi me, ma i ria rongan na Jisas i pateltelal ininnga ve, “Lomum vava? Ini nepes ulue angare o el umtun a olengare nge, eve a toko rerelire nge?”

Matiu 22:21

Ma olal ile riong ve, “Sisar ile.” Mako Jisas i ria or ve, “Na ur ako ini a Sisar ile, aro thomu o sung werer i a Sisar nge, na ur ako ini a God ile, aro thomu o sung werer mun i a God nge.”

Panongpolong Sivenga ako Mak i wat i 12:17

Lamako Jisas i ria or ve, “Ur ako ini a Sisar ile aro thomu o sung werer i a Sisar nge, na ur ako ini a God ile aro thomu o sung werer i a God nge.” O nongpol i ma o kukuk nge ile riong olalnga.

Panongpolong Sivenga ako Luk i wat i 20:22

Na lemem ninong i vene: Na nge ler patorong, i vengveng ako aro te ul takis a nepes a Sisar nge, eve avele?”

Panongpolong Sivenga ako Luk i wat i 20:25

Mako o ri ve, “Ini a nepes a Sisar ile.” Mako Jisas i ria or ve, “Ur ako ini a Sisar ile, aro thomu o sungu vengveng i a Sisar nge. Na ur ako ini a God ile, aro thomu o sungu vengveng mun i a God nge.”

Panongpolong Sivenga ako Luk i wat i 23:2

Ma o patea ol iteltunnga, ma o ri ve, “Them thepol toko ake i paleklek lemem tokokoere nge vothung pulua. Na i rial or nge umtun ulnga a nepes a Sisar nge, na i ri ve i ini nepes omole ako God i ateal i ve aro i el werer ile tokokoere.”

Pol ile malueng ako i wat i a toko lemioongare nge ako o voth a rem pomnga a Rom 12:10

Naro oa sagu pel ranga ve ini titeinpeling a vothung. Naro o papomnga thongongomu lemioongare roro nge sivengomu.

Pol ile malueng ako i wat i a toko lemioongare nge ako o voth a rem pomnga a Rom 13:6

Na aken ini takis ulnga tepun, eneke gavman a mukalingare ini a God ile umongare, na ole omaing inga ako ini omaing aken omanga na umong mun pelie ako o el ol umtun nge avele.

Epesus 5:33

Na i ri mun nge thomu omole omole, maken aro toko aro ia sagu iewo sengenga ranga ve ako ia sagu isivenga, na seng aro i papomnga iewo tomonnga.

Epesus 6:5

Na thomu toko um polpolongare aro thomu o nongal inga tokoningomure ole riong, naro thomu o papomnga rintet or, na o mothong tova o nea inga thomu ve thomu o papomnga or. Aro thomu o nongal ole riong ranga ve ako thomu o nongal a Krais ile riong.

1 Timoti 5:13

Na e mun e ako, aro otheki namal nge ako o mosal ol inga ako ini siong nge vel pupo elonga. Na o oma inga aken avele, aveto o mosal mun inga ako ini ri kinineong, na o pavothalo tokokoere nge ole riong, na o ri riong ako i sivenga avele ako aro o ri nge.

1 Timoti 5:17

Aro thomu o ol senu lotu a mukalinga areko o oma senu lotu a omaing, naro o papomnga or. Ranga ve mun nge mukalinga areko o oma engeng nge panongpolong na patoraling.

1 Timoti 6:1

Na toko lemioonga alavusnga ako or ini toko um polpolongare, aro o papomnga otokoningare mo ako tokokoere aro o ri sililal nge a God iion tomo nge ile pamirealing avele.

1 Pita 3:7

Na i vene mun nge thomu toko peangere, aro thomu o pamen senu ewomu sengengaere ranga ve ako God i sung mire a thomu nge. Naro o theal senu or ranga ve ako ole engenging i posnga nge lomu engenging, eneke God i themosal mun or, naro o el mun ile sungong tomo nge thomu ako ini mimiong ako aro ile vusonga avele. Naro thomu o oma venen aken mo aro ur e avele aro i mit roal lomu nongong.