Pol ile malueng ako i wat i a toko lemioongare nge ako o voth a rem pomnga a Rom 13:1 - Mangseng

¹ Naro toko na seng alavusnga, or omole omole aro o voth a gavman a mukalingare osa thewo, eneke aro ve God i pamenu or venen aken avele, e avele aro i velpol polpol ini mukalinga. Na gavman a mukalinga areko o voth, kene God isivenga i pamenu or venen aken.

Pol ile malueng ako i wat i a toko lemioongare nge ako o voth a rem pomnga a Rom 13:1 ပူးပေါင်းရင်းမြစ်များ

Matiu 6:13

Ong mothong tova paeso them a tongporumong engenga lemi, ave aro ong sivlel ur kerengare a them nge.’”

Panongpolong Sivenga ako Jon i wat i 19:11

Ma Jisas i olal ile riong ve, “Aro ve God i sungu lom engenging aken a ong nge avele, ong pavurvur ako aro ong oma ur e avele a tho nge. Na toko ako i sungu tho a menum, ile vothung kerenga aken i aolonga nge lom vothung kerenga.”

Pakeke 2:41

Make tokokoere olemio nge a Pita ile riong. Mako o el paninuong. Nge nang aken tokokoere or 3,000 o eksing ole mimiong ma o rong esa mun toko lemioongare oa titaling.

Pol ile malueng ako i wat i a toko lemioongare nge ako o voth a rem pomnga a Rom 12:21

Na aro ve o oma vothung kerenga nge wong, mothong tova aro ole vothung kerenga aken aro i pavurpol lomum mo ong olal i a or nge, aveto aro lom vothung sivenga aro ile mong ole vothung kerenga aken.

Pol ile malueng ako i wat i a toko lemioongare nge ako o voth a rem pomnga a Rom 13:2

Mako toko e ako i avsa nge mukalinga e ile riong, kene i kelelal nge ur ako God i pamenu i. Na areko o oma venen aken, aro o pavelpol paomelaling a osivenga nge.

Epesus 5:21

Aro thomu o nongal pel lomu riong, eneke thomu ini a Krais ile na o papomnga i.

1 Timoti 2:2

Naro o oma venen aken nge nepesre, na a gavman a mukalinga alavusngare mo ako aro it alavusnga aro ler menong kene aro i sivenga inga, na te men lemi moring nge ako te papomnga a God, na te panes vothung sivenga alavusnga.

Taitus 3:1

Naro wong palemi rum toko lemioongare ve aro o voth a gavman a mukalingare osa thewo, naro o nongal ole riong. Na evelelnga aro o monsi nge omaing sivenga elonga omanga.

Malueng ako Jut i wat i 1:8

Aveto pamirealonga le apaltetongare ako o voth tomo nge thomu o venen aken mun. Ole oni theong i oma or, mako o oma pelekpol oni peti, na oni plong rintet ve aro o voth a mukalinga e isa thewo, na o voltet tamatare ako o voth roro nge or.

Riong Ngopatnga 1:5

Na Jisas Krais aro i sung mun lemi moring na ile themosaling a thomu nge. Ini toko ako i panongpol vengveng a God ile riong, na ile panongpolong aken i pavurvur ako aro toko na sengre aro o nongal senu i, na olemio nge. Na ini toko teltelnga ako i rin na i mimi werera. Na ini nepesre ako o voth a ulue oa nepes. Na ia sagu it. Na i rin mo aro te vthopot nge ler vothung kerengare.

Riong Ngopatnga 17:14

Naro o pun tomo nge Sipsip Tun tomo nge areko i ateal or na o panes senu i, naro ole mong or, eneke ini toko pompomere oa Pomnga, na ini nepesre oa nepes.”

Riong Ngopatnga 19:16

Na wating ako i voth a ile tekruk seltunnga epee ako i pasopal ia olu i vene: Nepesre ole Nepes na Pompomere Oa Pomnga.