Riong Ngopatnga 5:5 - Mangseng

⁵ Lama mukalinga omole i ria tho nge ve, “Mothong tanging, thepol toko engenga omole ako o apet i ve ini ‘Laion, ako ile net Juda’ na ini a nepes a Devit ako i voth nomenga itevinga, na i ranga ve ini mun i ilongo, na ile mong a God ile ngarangre, make i pavurvur ako aro i paglokpot sthong or limai aken mo i thep erere aken.”

Riong Ngopatnga 5:5 ပူးပေါင်းရင်းမြစ်များ

Panongpolong Sivenga ako Luk i wat i 23:28

Na Jisas itheki lel werer a or nge na i ri ve, “Seng Jerusalem angare o mothong tova o tang nge tho, aveto aro o tang nge sivengomu tomo nge tutumuere,

Panongpolong Sivenga ako Luk i wat i 7:13

Ma Toko Pomnga i thepol seng basu aken, ma ilemi esal rintet i. Ma i ria i ve, “Wong mothong tanging.”

Panongpolong Sivenga ako Jon i wat i 20:13

Mako or paini o nina i ve, “Bouti, ong tang neke?” Mako i olal ole riong ve, “O elpot ok Pomnga lale, na lemik mire nge wop ako o pango i nge, kene avele.”

Pol ile malueng ako i wat i a toko lemioongare nge ako o voth a rem pomnga a Rom 1:3

Na i ritet nge Itun ako i velpol ini toko, na ini nepes a Devit itevinga,

Pol ile malueng ako i wat i a toko lemioongare nge ako o voth a rem pomnga a Rom 15:12

Na God ile riong elnga a Aisaia i ri mun vene: “Na toko e ako aro i velpol, naro ini a nepes a Devit itema a Jesi itevinga. Na God aro i paesa i roro mo areko or ini Judare avele aro o voth a isa thewo. Aken aro o men sial mun nge ur sivesivenga areko toko aken aro i sungu i a ile tokokoere nge.” Aisaia 11:10

Riong Ngopatnga 1:1

Erere ake i ritet nge ur areko aro i velpol. Na God i pathengal i a Jisas Krais nge, mo aro i pathengal mun i a ile umongare nge, na i ritet nge ur areko aro i velpol lelle inga atike. Na Jisas i pake ile ensel omole mo aro i pathengal ur areken a ile umonga a Jon nge.

Riong Ngopatnga 22:16

Na Jisas i ri vene, “Tho ini a Jisas, ako tho pakepot lek ensel mo aro i ritet nge ur areke a thomu toko lemioongare nge. Tho ini nepes a Devit itevinga na i kene i ranga ve ini longongek na tho tepot mun a i nge, na tho ranga ve ini lempoa ako i tolilis rintet.”

Riong Ngopatnga 3:21

Na toko ako aro ile mong a Satan ile tongporumongre, aro tho pamen totho i a lok seik me, naro te men a lek nepes a menonga nge, ranga ve ako lek mong a Satan ile tongporumongre na tho men ol a ok Vovo ilo sei, na them men a ile nepes a menonga nge.

Riong Ngopatnga 4:10

toko mukalinga or mule paini pothoi or penel o koru oeve mo o papomnga toko ako i men a nepes a menonga aken nge, na o lotual i. Ini toko ako i voth, na ile mimiong aro ile vusonga avele. Na o unteta oa vevea ma o parongu i a mukaling a nepes a menonga aken na o ri ve,

Riong Ngopatnga 4:4

Na menonga or mule paini pothoi or penel o men kalalual nepes a menonga aken. Na toko mukalinga or mule paini pothoi or penel o men nge menonga areken, na o teun teunong velelesnga, na o ur mun vevea ako o oma i nge gol ako ini nepesre oa.

Riong Ngopatnga 5:4

Mako tho tang rintet, eneke toko e avele i pavurvur aro i thep erere aken mo i the a lemi.

Riong Ngopatnga 6:1

Lama tho thopol Sipsip Tun aken ako i paglokpot sthong teltelnga nge sthong or limai aken nge, mako tho nongpol ur miminga omole nge or penel aken, ma ikei i tang ranga ve ini pen akrunga ma i ria ve, “Ong es me.”

Riong Ngopatnga 7:13

Lama toko mukalinga aken e i nina tho ve, “Na areko o teun tekruk seltunnga velelesnga, or ini anga? Na o es a kath me?”