Pilemon 1:20 - Mangseng

²⁰ I nunganga teik, tho sis ve aro wong oma vothung sivenga aken a tho nge, eneke it aini te voth ini a Toko Pomnga ile toko. Naro ong palemi senu werer lemik nge lom vothung aken, eneke te teo a Krais nge.

Pilemon 1:20 ပူးပေါင်းရင်းမြစ်များ

1 Korin 16:18

Na o pasivenga werer lemik ranga ve ako o oma i a thomu nge. Maken aro thomu o papomnga tokokoe areko o oma venen aken.

2 Korin 2:2

Eneke aro ve tho oma thomu alavusnga mo thomu alavusnga lomumu sivenga avele, aken aro omu e avele aro i palemi sivenga tho.

2 Korin 7:13

Na lomu omaing alavusnga areken i paengeng lemik. Na thomu inga o paengeng lemik avele, aveto lemik sivenga mun ako tho thopol a Taitus ile lemi sivengaing ako i el i a thomu nge, eneke thomu o palemi senu werer i nge lomu riong ako lomu asaguong nge tho i nunganga.

Pilipai 1:8

Na God ilemi mire ako lek riong ake i nunganga ako tho ri ve, lemik i engeng ve aro tho voth werer tomo nge thomu, na ok sagu thomu nge a Krais Jisas ile asaguong ako i voth a tho nge.

Pilipai 4:1

Maken titeik areko ok sagu thomu, aro thomu o mit engeng nge a Toko Pomnga ranga ve ako tho wat i a thomu nge lale. Na lemik i voth engeng nge thomu, na thomu o palemi senu tho, na thomu o ranga ve ini ok vevea ako o pauru tho nge, na thomu re ake ini thengengek areko ok sagu thomu.

Pilemon 1:12

Na ponange tho pake werer ol i a ong nge wot, na lemik i es rintet nge i.

Pilemon 1:7

Na teik, lom asaguong aken i palemi senu werer lemik, ma lemik i ngo senu ol, eneke om sagu rintet a God ile tokokoere, na nge lom vothung inga aken ong pasisi werer olemi.

Hibru 13:17

Naro o nongal lomu mukalingare ole riong, naro o voth a osa thewo. Eneke o theal senu thomu. Naro o theal senu thomu, eneke panen aro o mit a God theki, naro o ripatu ol i nge ole omaing aken nge thealngomu. Naro o nongal ole riong mo olemi sivenga nge ole omaing aken, na o mothong tova o sung matheong a or nge, eneke vothung aken aro i opoal thomu avele.

1 Jon 3:17

Na aro ve toko lemioonga e ako ile ur elonga i voth, na i thepol itein lemioonga e ako i oror nge ur e, na aro ve i opoal i avele, aken lemir mire ako ve, God ile vothung ako nge asaguong i voth a i nge avele.

3 Jon 1:4

Na ur ako i pasenu rintet lemik ini inga tova tho nongpol ako ve, tutuk lemioongare rongan o panes inga a God ile riong nunganga. Na ur e avele i aolonga nge aken.