Pilemon 1:2 - Mangseng

² Na tho wat mun malueng ake a toko lemioongare nge, ako o pathun a lom vel nge lotuong. Tomo mun nge lulur a Apia na titeir a Arkipus ako i um engeng tomo nge them nge a God ile omaing ako ranga ve ini toko ako i voth nge punong.

Pilemon 1:2 ပူးပေါင်းရင်းမြစ်များ

Pol ile malueng ako i wat i a toko lemioongare nge ako o voth a rem pomnga a Rom 16:1

Na tho sis ve aro tho ritet lomu nge lulur lemioonga a Pibi, ini lotu a opoalinga ako a rem pomnga a Senkria. Na tho ritet thomu ve ini seng sivenga.

Pol ile malueng ako i wat i a toko lemioongare nge ako o voth a rem pomnga a Rom 16:5

Na pasungalu lek nang sivenga a lotuongare nge ako o pathun a or paini ole vel lemi. Na pasungalu lek nang sivenga a Epainetus nge, ini toko teltelnga ako i lemio tel nge a Krais ako a epee a Esia.

1 Korin 16:19

Na lotuongare a rumremre ako a epee a Esia o pasungalu ole nang sivenga a thomu nge. Na Akuila ome a Prisila tomo mun nge areko o pathun a ole vel mo aro o lotu nge, o pasungalu mun ole nang sivenga rintet a thomu nge, eneke thomu o teo a Krais nge ranga ve ini or.

Pilipai 2:25

Na lemik ve i vengveng ako aro tho pake werer a Epaproditus a thomu nge wot. Ini teik ako i um tomo nge tho na i mit tomo nge tho nge punong a omaing. Na ini lomu riong elnga ako thomu o pake i tomo nge lomu sungong mo i opoal tho nge ur ako tho poor nge.

Kolosi 4:15

Aro thomu o pasungalu mun lek nang sivenga a toko lemioongare nge ako a Laodisia na o pasungalu mun lek nang sivenga a Nimpa tomo nge toko lemioongare ako o pathun a ile vel lemi.

Kolosi 4:17

Naro thomu o ria Arkipus ve i sivenga ako aro i patopalal a Toko Pomnga ile omaing ako i sungu i a i nge.