Pakeke 7:36 - Mangseng

³⁶ Ma Moses i el wererpot or la, ma i oma pakukukaling na pathepolong pulua a Isip, na nge rua ako o apet i ve ini Rua Selelenga, ma i oma mun i a pen polpolnga nge, i pavurvur nge tovu po or mule pa penel.

Pakeke 7:36 ပူးပေါင်းရင်းမြစ်များ

Panongpolong Sivenga ako Jon i wat i 4:48

Lama Jisas i ria i ve, “Aro ve thomu tokokoere o thopol paatealing na pathepolong avele, aro lomumuo ol nge tho avele ol.”

Pakeke 13:18

Na o voth pen polpolnga ma i pavurvur nge tovu po or mule pa penel. Ma God i el matheong nge ole vothung nge ole esong aken.

Pakeke 7:42

Taro ake God ikime lelalpot or. Mako o lotual ol sivemitre ako ro a sepsa, na i ranga ve ako God ile riong elnga nomengangare ole erere i ri nge ako i ri vene: “‘Thomu Israelre, nomenga thomu o voth a pen polpolnga nge, i pavurvur nge tovu po or mule pa penel. Ma thomu o so rin rin mekeremre. Ma thomu o oma lomu sungong nge. Aveto thomu o oma sungong areken a tho nge avele.

Hibru 3:8

na o mothong tova o krim tuntun opomu, ranga ve ako titovumuere o oma i nomenga nge ako o lel okime nge a God, na o tongporum i nge ole vothung nge ole esong a pen polpolnga.

Hibru 3:9

Na titovumuere o thepol lek omaing aolongaere a pen aken, i pavurvur nge tovu po or mule pa penel, aveto o tongporum inga tho nge ole vothung kerenga.

Hibru 8:9

Naro i velpol ranga ve ini riong kinnga nomenganga ako tho kin tomo i nge otiteviere, nge ako tho theal senu or na tho wolpot or a Isip me, kene avele.’ Tho Toko Pomnga tho ri vene, ‘Aro tho kin lek riong ponganga tomo nge or, eneke o panes senu lek riong kinnga nomenganga avele, mako tho lel kimek nge or.’