Pakeke 7:3 - Mangseng

³ Ma God i ria ve, ‘Ong lo lelpot titeumre nge omu ulue aken, naro ong es e ulue epee ako aro tho pathengal i a wong nge.’

Pakeke 7:3 ပူးပေါင်းရင်းမြစ်များ

Matiu 10:37

“Na aro ve toko e ile asaguong nge itema ome inina i aolonga nge ile asaguong nge tho, aken i pavurvur aro i voth ini lek wainlanga avele. Na aro ve toko e ile asaguong nge itutunre i aolonga nge ile asaguong nge tho, aken i pavurvur mun aro i voth ini lek wainlanga avele.

Panongpolong Sivenga ako Luk i wat i 14:33

Na Jisas i patopalal ile riong na i ri ve, “I venen re aken nge thomu. Aro ve omu e i sis ve aro i velpol ini lek wainlanga aro i mothonglelu ur alavusnga ako ini ile.”

Pakeke 7:4

“Make Abraham i plospot a Kaldia ma i es ma i voth a Haran. Lamako itema i rin ol. Na God i pake ol i me ve aro i voth a ulue epee aken ru thomu o voth ol nge.

2 Korin 6:17

Mako aro thomu o panes a God ile riong ako ile erere i ri nge ve, “Toko Pomnga i ri vene: ‘Thomu o lo lelpot nge areko olemio a tho nge avele, na thomu o naktet thomu nge ole vothung, na o mothong tova o oma vet ole vothung, na aro ve thomu o oma venen aken, aro tho elo thomu a tho nge.’” Aisaia 52:11

Hibru 11:8

Na Abraham mun kene ile lemioong mun nge a God. God i lenga i ve aro i losa mo i es nge pen relnga e ako aro i sungu i a i nge panen. Na Abraham ilemio nge riong aken, ma i nongal i ma i es, aveto ilemi mire nge wop kathnga ako i es nge, kene avele.