Pakeke 16:7 - Mangseng

⁷ Mako o es mala mulalnga a Misia a ulue wopo ma o ri ve o es ol a epee a Bitinia. Aveto Jisas Ioni i rial or.

Pakeke 16:7 ပူးပေါင်းရင်းမြစ်များ

Panongpolong Sivenga ako Luk i wat i 24:49

Naro tho pakeu Oni Riringa a thomu nge me. Ini ur ako Vovo i kin ile riong nge lale ve aro i sungu i a thomu nge. Aveto aro thomu o men inga a rem pomnga i pavurvur ako la nge nang ako aro thomu o el a God ile engenging nge.”

Pakeke 16:8

Ma o selelepot a Misia na o es teleku ol a Troas la.

Pakeke 8:29

Ma Oni Riringa i ria Pilip ve, “Eso totho a karis aken nge.”

Pol ile malueng ako i wat i a toko lemioongare nge ako o voth a rem pomnga a Rom 8:9

Aveto thomu, thomu o voth a vothung ulue anga ile thealing lemi avele, aveto thomu o voth a Oni Riringa ile thealing lemi, tova ve i nunganga ako ve, God Ioni i voth a lomumu. Na aro ve Krais Ioni i voth a toko e ilemi avele, toko aken ini a Krais ile toko avele.

Galesia 4:6

Ma God i pakeu Itun Ioni Riringa a it nge me, eneke it ini itutunre ol. Na Oni Riringa aken i pavurpol lemir mo aro te nong a God nge ve, “Vovo, Vovo.”

Pilipai 1:19

eneke nge lomu nongong a God nge, nge tho, na nge a Jisas Krais Ioni ile mit tomoing nge tho, kene lemik mire ako ur areken aro i pavelpol lek mimiong el werernga.

1 Pita 1:1

Tho a Pita, tho ini a Jisas Krais ile pakeke. Tho wat malueng ake a thomu areko God i ateal thomu ve ini ile, na o lo vra nge lomu pen a Israel na o voth ini loomere a epee a Pontus, Galesia, Kapadosia, Esia na Bitinia.

1 Pita 1:11

Na nomenga Krais Ioni ako i voth a olemi, kene i ritet tel a mukaling nge sisisong ako aro Krais aro i el i panen, na nge ia malmaling a urvet ako aro i el mun i a rumongaling me. Na olemi rumu ruma Oni Riringa ile riong aken nge a Krais ile velpoling, naro i velpol penva.