Pakeke 1:9 - Mangseng

⁹ Jisas i ri ma vus lama God i ela ol i roro, ma o the ma songen i pasopal i ma o thepol ol i avele.

Pakeke 1:9 ပူးပေါင်းရင်းမြစ်များ

Panongpolong Sivenga ako Mak i wat i 16:19

Na Jisas ako ini ar Pomnga i ri ile riong a or nge ma vus, lamako God i ela i a Pen a Urvet la, ma i men vengveng a God imeni sivenga nge anga, ini pen ako o papompom tokokoere nge.

Panongpolong Sivenga ako Luk i wat i 21:27

Naro nge nang aken aro toko na sengre aro o thopol a Toko Pomnga Itun ako aro i espot tomou nge songen ake ro a sepsa me tomo nge ile engenging aolonga na ile tolilisong.

Panongpolong Sivenga ako Jon i wat i 6:62

Na aro ve thomu o thopol Toko Pomnga Itun aro i esa werer a rem ako i voth tel nge nomenga, aro lomumu i vava?

Pakeke 1:11

Ma or paini o ria ve, “Thomu Galili angare o vova ake o mit ma o thea la a sepsa nge la, e? Jisas ako God i eltetpot i a thomu nge ma i ela i a Pen a Urvet la, aro i lo werer ranga ve mun ako thomu o thepol i ako i esa a Pen a Urvet la.”

Pakeke 1:2

na i mul nge nang ako God i ela i roro a Pen a Urvet la. Na nomenga Jisas i ateal tokokoe pelie ve ini ile pakekere, na i pator or nge a God Ioni Riringa ile engenging.

1 Tesalonaika 4:17

Lamo it areko rongan te mimi ake ru a ulue, God aro i el tomoa it nge or a malang po la, mo te thepolo a Toko Pomnga nge. Na nge sovengalo aken, aro te voth tomo nge a Toko Pomnga evelelnga ako aro ile vusonga avele.

1 Timoti 3:16

Na lemir mire ako ve, God ile riong avera ako i patheng pat i a it nge, kene i aolonga rintet. Ma i vene: Na Krais i velpol ini toko nunganga. Na Oni Riringa i pathengal ako ve, ile vothung alavusnga i vengveng rintet. Na enselre o thepol i. Na tokokoere o panongpol nge i a rumrem elonga. Na tokokoere ake ru a ulue olemio nge i. Na God i ela i roro a Pen a Urvet mo i voth tomo nge i.

Riong Ngopatnga 1:7

Thepol, aro i es tomou nge songen me! Naro toko alavusnga aro o thopol i nge otheki, tomo nge tokokoe areko o pun i nge peang. Na toko alavusnga ake ru a ulue aro olemi kerere, na o tang nge ile velpoling aken. Naro i velpol vene re aken. I nunganga.

Riong Ngopatnga 11:12

Lama or paini o nongpol lenging aolonga ako i espot a Pen a Urvet me, ma i lenga or paini ve, “O esa me,” ma songen i ela or paini a Pen a Urvet la a ole ngarangre otheki.

Riong Ngopatnga 14:4

Na or ini tokokoe areko o ngo tomo nge seng e avele, mako o ranga ve ini ur ponganga ako toko e i vugiro i rongan. Na o panes Sipsip Tun a pen elonga ako i es nge. Na or ini areko God i el werer or ake ru a ulue. Na or ini areko o velpol tel ini a God ile tomo nge Sipsip Tun ile, na o ranga ve ini aning ometa anga ako i motu tel mo o sungu i a God nge.