Panongpolong Sivenga ako Mak i wat i 6:52 - Mangseng

⁵² Eneke o thopol senu a Jisas ile omaing avele nge aning aolonga aken, eneke olemi mire senu mun nge ile engenging rongan.

Panongpolong Sivenga ako Mak i wat i 6:52 ပူးပေါင်းရင်းမြစ်များ

Panongpolong Sivenga ako Mak i wat i 16:14

Lama Jisas i velpoltun mun ile wainlanga or mule pa omole pothoi omole ako o men velilo pel ma o anan. I velpol ma i vol or, eneke ole lemioong e avele nge ole riong ve ako o thopol i ako i mimi werera lale.

Panongpolong Sivenga ako Mak i wat i 3:5

Na Jisas i theu thea ma ilemi kling rintet nge or. Ilemi kerere rintet, eneke olemi mire nge lemi esaling avele. Na Jisas i ria toko meni morungrunga aken ve, “Menum vengvengpot mo menum savelvelu.” A ur e avele, nako imeni savelvela ol, na imeni morungrunga aken i sivenga werer mun.

Panongpolong Sivenga ako Mak i wat i 7:18

Ma Jisas i olal ole riong ve, “Thomu mun lomumu kene i oror, e? Lomumu mire nge avele, ako ur ako i voth a lalanga mo i eso a toko iopo lemi, i pavurvur aro i paakop ilemi avele, e?

Panongpolong Sivenga ako Luk i wat i 24:25

Lama Jisas i ria or ve, “Lomu mire i oror, na lomu lemioong i el viri ur areko God ile riong elngare o ri nge, kene avele.

Panongpolong Sivenga ako Jon i wat i 12:40

“God i mon sopal tokokoere otheki mo o the ol avele. Na i pasulung olemi, mo aro olemi nine ol avele. Maken o pavurvur aro o eksing a God nge, mo aro i pamimi or, kene avele.” Aisaia 6:10

Pol ile malueng ako i wat i a toko lemioongare nge ako o voth a rem pomnga a Rom 11:7

Maken aro te ri ol vava ol? Na i vene: Israelre o betet rin ve aro o velpol ini toko vengvengare a God itheki, mako o engeng nge a Moses ile patorong panesnga, aveto ur ako o betet rin nge elnga, kene o elo i avele, ini inga oa pelie ako God i ateal or ve aro olemio nge ile sungong, na oa pulua God i palemi rit olemi mo olemio nge ile sungong aken avele, mako o el vet ol i avele.