Panongpolong Sivenga ako Mak i wat i 3:2 - Mangseng

² Na Parisi pelie ako o voth mun, oa pun ako ve, o thopol senu a Jisas, aro i naktet werer toko aken imeni nge nang rialonga eve aro avele. Aro ve Jisas i pamimi toko aken nge nang rialonga, aro o teltun ia.

Panongpolong Sivenga ako Mak i wat i 3:2 ပူးပေါင်းရင်းမြစ်များ

Matiu 12:10

Ma toko e ako imeni omkolo i voth. Na toko pelie ako o voth mun kene olemi ve aro o pamit a Jisas e riong, mako o nina i ve, “Aro i sivenga tova te pasivenga toko ako e nang rialonga? Moses ile patorong i ri vava?”

Panongpolong Sivenga ako Mak i wat i 3:3

Lamako Jisas i ria toko meni morungrunga ve, “Espot me mo mitpot a mukaling ake.”

Panongpolong Sivenga ako Luk i wat i 14:1

Nge nang rialonga omole, Jisas i eso a Parisire ole mukalinga omole ile vel, mo aro i an tomo nge i. Na tokokoere o thopolrum senu i nge ile omaing.

Panongpolong Sivenga ako Luk i wat i 20:20

Mako pris kimangare tomo nge pamirealingare nge a Moses ile patorong, o the senu senu nge a Jisas. Na o ol toko pelie mo aro ole apaltet ve or ini toko sivenga. Na o sis ve aro ole olo i mo i ripot nge riong pelie ako tova i avsa Romre ole patorongre mo aro o teltun ia mo Romre o rere i mo aro o pamit i nge riong.

Panongpolong Sivenga ako Luk i wat i 6:7

Ma ine pamirealingare nge a Moses ile patorong, tomo nge Parisire o thopolrum senu nge a Jisas, eneke o kath ia tepun e ako aro o teltun ia nge tova ve i pamimi toko nge nang rialonga, akennga i leklek lale.

Panongpolong Sivenga ako Jon i wat i 8:6

Na o ri venen aken mo o ri ve o patelek i mo aro o teltun ia nge. Ave Jisas i lotoru ma i watu a ulue nge imeni pupo.

Panongpolong Sivenga ako Jon i wat i 9:16

Na Parisi pelie o ria ve, “Toko aken i es a God nge me avele, eneke i pavothal nge nang rialonga avele.” Ave pelie o ri ve, “Na toko ako ile vothung kerenga i pavurvur ako aro i oma pathepolong venen aken avele.” Mako o thomreu ol pel.