Panongpolong Sivenga ako Mak i wat i 10:1 - Mangseng

¹ Jisas i los lelpot nge pen epee ako ru i voth nge, ma i es nge epee ako a Judia, na i mon kora a thei a Jordan, ma i mona a wo epee la. Lama toko na sengre pom ako o es me ma o velilo pel a Jisas nge me, na i panongpol or nge a God ile riong. Na Jisas ile vothung i vene re aken, i patoral toko na sengre a pen elonga.

Panongpolong Sivenga ako Mak i wat i 10:1 ပူးပေါင်းရင်းမြစ်များ

Matiu 26:55

Ma Jisas i ria pulua aolonga aken nge la ve, “Ava tho ini kemonga, make thomu o es tomo nge bainat na tongtong mo thomu o rere tho, e? Nang elonga tho men a Lotu Tepun a Vel a lok lemi ma tho patoral nge, na thomu o rere vet tho avele.

Matiu 4:23

Lamako Jisas i esu esa ol a pen alavusnga ako a Galili, ma i pamireal a Judare ole lotuonga a velre na i panongpol mun nge Panongpolong Sivenga nge a God ile menong e nepes, na i pasivenga mun tokokoere nge ni multhanging alavusnga ako i el or.

Panongpolong Sivenga ako Mak i wat i 1:21

Na o es a Kaperneam. Na nge nang rialonga Jisas i eso a Judare ole lotuonga a vel lemi ma i patea opamirealnga.

Panongpolong Sivenga ako Mak i wat i 10:2

Lama Parisi pelie o es a Jisas nge me, ma o tongporum i mo o rive o patelek i nge ile mire, na o nina i ve, “Nge Judare ole patorong, i pavurvur ako aro toko e i mothongpot iewo sengenga eve avele?”

Panongpolong Sivenga ako Mak i wat i 12:35

Jisas i men a Lotu Tepun a Vel a lok lemi, ma i patoral toko na seng alavusnga, ma i ria or ve, “Toko pamirealingare nge a Moses ile patorong o ri ve Krais ini pamimionga ako i velpol a Devit ikime mo aro ini nepes ranga ve ini a Devit. Na i vava ake o ri vene ake, e?

Panongpolong Sivenga ako Mak i wat i 14:49

Na nge nang elonga tho men tomo e thomu na tho patoral thomu a Lotu Tepun a Vel a lok lemi, na thomu o rere vet tho avele, aveto i sivenga ako aro te panes riong ako God ile erere i ri nge lale.”

Panongpolong Sivenga ako Mak i wat i 2:13

Na Jisas i lo werer mun a thei a pamonlel a Galili, na toko na sengre pom ako o velpoltun mun i, ma i patoral or.

Panongpolong Sivenga ako Mak i wat i 4:2

Ma Jisas i patongrum mun or nge riong agelalnga pulua. I pamireal or ve,

Panongpolong Sivenga ako Mak i wat i 6:2

Lamako nge nang rialonga, Jisas i patea ile pamirealing a Judare ole lotuonga a vel lemi. Na toko pulua o nongal inga ile pamirealing. Ma o kukuk nge ile pamirealing ako o nongpol i. Ma o nin pel osivenga ve, “Anga i pamireal i nge mire aolonga aken? Ile mire aolonga aken i es vanath me? Na i oma mun omaing engenga vava?

Panongpolong Sivenga ako Mak i wat i 6:34

Lamako Jisas ome ile wainlangaere o sauth mala o otuno. Ma Jisas i rive i thealo, ma itheki postun nge toko na seng areko o vual, ma i thepol inga or ma ilemi esal rintet nge or. Eneke o ranga ve ini sipsip areko othealnga avele, lamako i patea mun ile pamirealing nge ur puluanga a or nge.

Panongpolong Sivenga ako Jon i wat i 10:40

Na Jisas i apola werer thei a Jordan ma i es nge pen ako nomenga Jon i paninu tokokoere nge, ma i voth ol nge.

Panongpolong Sivenga ako Jon i wat i 11:7

Lamako i ria ile wainlangaere ve, “Aro te lo werer a Judia la.”

Panongpolong Sivenga ako Jon i wat i 18:20

Ma Jisas i olal ile riong ve, “Na evelelnga tho ri pat a tokokoere otheki. Na lek pamirealing alavusnga tho oma i ako a Judare ole lotuonga a velre tomo mun nge Lotu Tepun a Vel a lok lemi nge wop ako Judare o velilo pel nge. Na tho ri kine riong e avele.