Matiu 8:12 - Mangseng

¹² Ave Israelre ako God i pavelpol ile menong e nepes nge or kene aro i asesu or a pen a midenga lemi mo o voth nge naro o tang naro o atitet owo pupo.”

Matiu 8:12 ပူးပေါင်းရင်းမြစ်များ

Matiu 13:38

Na ometa kene ini ulue ake, na wit monnga sivenga kene ini toko na seng areko o ela a God ile menong e nepes. Na ngangovpotnga kene ini toko na seng areko ini a Satan ile.

Matiu 13:42

Naro o asesu or a won sesenga aolonga nge naro o tang na o atitet owo pupo.

Matiu 13:50

naro o asesu kerengare a won sesenga aolonga nge naro o tang na o atitet owo pupo.”

Matiu 21:43

Jisas i ri or ve, “Lamako tho ria thomu, God aro i eltetpot ile menong e nepes a Pen a Urvet a thomu nge naro i sungu i nge tokokoe areko aro o panes ile riong.

Matiu 24:51

Naro ia pomnga aro i pakerenga selele i, naro i paespot i mo i el sisisong tomo nge tokokoe areko ole apaltet. Na nge pen aken aro o tang na o atitet owo pupo.”

Matiu 25:30

Na umonga kerenga ake aro thomu o ela i mo ultetpot i a pen a midenga nge la. Na nge pen aken aro o tang na o atitet owo pupo.

Panongpolong Sivenga ako Luk i wat i 13:28

“Naro thomu o thopol ol a Abraham, Aisak, Jekop na God ile riong elngare ako o men nge a God ile menong e nepes, aveto aro thomu o voth a lalanga. Naro thomu o wal na o atitet womu pupo, eneke thomu o rov sisisong aolonga.

Pakeke 3:25

Nge riong elnga nomengangare, God i sungu patorong a thomu Israelre nge, ma thomu o el ol a God ile riong kinnga ako ranga ve i sungu i nomenga a titovumuere nge. Ranga ve ako i ria Abraham ve, ‘Aro tho sungu lek menong sivenga a titovumre nge, mo o sung esu i a toko ulue angare nge.’ Stat 22:18; 26:4

2 Pita 2:17

Na pamirealonga le apaltetonga areken o ranga ve ini thei povovloainga ako i ma lale, na o ranga ve ini mun i vit theki ako thue engenga i thutet i. Na God i monsi ole paomelalinga a pen a midingdenga lale ako aro o voth nge.

2 Pita 2:4

Na lemir mire ako God aro i paomelal areko o oma vothung kerenga, eneke i wen enselre ako o oma vothung kerenga, kene avele, aveto i asesu or a paomelalinga a pen, na i paeso or a vol a midenga, naro o theal tetal or i pavurvur nge ile nang ako aro i pamit or nge riong.

Malueng ako Jut i wat i 1:13

Na ranga ve ini rua loliknga le punong ako i pavelpol mesmes akopnga a rua wo peti elonga, tokokoe areken o pesrou nge vothung le marainga omanga avele, na o pango pat ol i a tokokoere nge venen aken. Na o ranga ve ini mun i topoa areko o mopespot, na palolo avele na o eso a paomelalinga a pen ako ia midingdeng ako God i monsi lale, naro o voth ol nge evelelnga ako aro ile vusonga avele.

Riong Ngopatnga 22:15

Na areko ole vothung i ranga ve ini nanaure, na ine nong tungtangongare mun tomo mun nge areko o ngo tomo nge areko or ini oewoere avele, na areko o so rin polpol toko, na areko o lotual avalare tomo mun nge areko oa sagu vothung le apaltetonga omanga, na tokokoe areken aro o voth a lalanga.