Matiu 5:4 - Mangseng

⁴ Sapase tokokoe areko o voth nge tanging, eneke God aro i pasivenga oopo.

Matiu 5:4 ပူးပေါင်းရင်းမြစ်များ

Panongpolong Sivenga ako Luk i wat i 16:25

“Aveto Abraham i olal ile riong ve, ‘Tuk, aro lomum rum werer nge lom mimiong ako nomenga ako wong el ur sivesivengare, na Lasarus i el ur kerekerengare, aveto ponange ol i voth ol nge lemi sivengaing, na wong, wong voth ol nge sisisong.

Panongpolong Sivenga ako Luk i wat i 6:21

Sapase thomu tokokoe areko o men mesi ponange, eneke panen aro God i sung ur elonga a thomu nge, naro osa pup ol. Sapase thomu tokokoe areko o tang ponange, eneke panen aro thomu o ngenge sise ol.

Panongpolong Sivenga ako Luk i wat i 6:25

Patong thomu tokokoe areko o an na osa pup ponange, eneke panen aro thomu o men mesi. Patong thomu tokokoe areko thomu o ngenge sise nge thomu ponange, eneke panen aro thomu o tang na thekumu einga aro i lel.

Panongpolong Sivenga ako Luk i wat i 7:38

Ma i es la ma i mitu a Jisas ikime totho ako ru a ieve tepun, na i tang ma i papis a Jisas ieve nge itheki einga, ma i girtet i nge isivenga ipounga thoi. Na i angongoal a Jisas ieve, na i ela sanda aken ma i taul i a Jisas ieve.

Panongpolong Sivenga ako Luk i wat i 7:50

Na Jisas i ria seng aken ve, “Na lom lemioong inga ako i pamimi wong, nge a God ile paomelaling lale. Na wong es na lomum i ngo pis.”

Jems 1:12

Sapase toko ako i mit engeng nge tongporumong, eneke aro ve i mit engeng na ile mong tongporumong areken, aro i el mimiong ako aro ile vusonga avele, aken ini ile sungong vet ako God i kin ile riong nomenga lale ve aro i sungu i nge areko oa sagu i.

Riong Ngopatnga 21:4

Aro i girtetpot otheki ei, naro o rin ol avele, naro o walal ol avele, na matheong ol avele, na sisisong na tanging avele. Eneke ur nomengangare o vus ol lale.”