Matiu 26:52 - Mangseng

⁵² Ma Jisas i ria i ve, “Paturus werero lom bainat a imei la, eneke areko o pun nge bainat aro o rin nge bainat.

Matiu 26:52 ပူးပေါင်းရင်းမြစ်များ

Matiu 5:39

Ave ponange tho ria thomu ve, o mothong tova olal werer vothung kerenga nge toko ako i oma vothung kerenga a thomu nge. Na aro ve toko e i sopthalo wom pun a menum sivenga nge anga, aro eksinga mun mo i sopthalo mun wom pun a menum kerenga nge anga.

Pol ile malueng ako i wat i a toko lemioongare nge ako o voth a rem pomnga a Rom 12:19

Na titeik sivengare, aro ve o oma vothung kerenga nge thomu, o mothong tova o olal i a or nge, aveto o sungu i a God imeni mo isivenga i monpepe or, eneke God ile erere i ri vene: Toko Pomnga i ri ve, “Ini lek omaing ako aro tho monpepe or nge ole vothung kerenga aken olalnga.” Lo 32:35

1 Tesalonaika 5:15

Na aro ve toko e, i oma vothung kerenga a omu e nge, aro thomu o palemi rumal i ve, i mothong tova i olal i a i nge, aveto evelelnga aro thomu o um engeng ve aro o oma vothung sivenga inga nge titeumu lemioongare, na nge areko or ini toko lemioongare avele mun.

1 Pita 3:9

Na o mothong tova o olal werer vothung kerenga nge areko o oma vothung kerenga a thomu nge. Na o mothong mun tova o olal werer ri moluplupong nge areko o ri moluplup thomu. Aveto aro thomu o olal werer i a or nge, nge lomu riong ako o nong a God nge ve aro i oma senu nge or, eneke God i ateal thomu ve aro o oma venen aken mo aro God i oma senu nge thomu.

Riong Ngopatnga 13:10

Na areko God i ateal or ve aro o rere or, kene aro o rere ol or. Na areko God i ateal or ve aro o pun rin or nge bainat, kene aro o pun rin ol or nge bainat. Na nge wop lemi aken God ile tokokoere aro o mit engeng, naro ole lemioong aro i mit engeng mun.

Riong Ngopatnga 16:6

Eneke o pun rin rin lom toko lemioongare, na lom riong elngare ma oa mla i palalas, mako ong eksing thei ako o thin i mo i velpol ini mla, na ini ole vothung kerenga areken olalnga.”