Matiu 22:9 - Mangseng

⁹ Naro thomu o es a so thekiki elonga la, na toko alavusnga ako thomu o thepolo ir nge, aro thomu o ria or mo o es me nge peangeong a aning ake.’

Matiu 22:9 ပူးပေါင်းရင်းမြစ်များ

Matiu 20:7

“Ma o olal ile riong ve, ‘Eneke toko e avele i sungu umong a them nge.’ Ma ometa tokoninga aken i ria or ve, ‘Aro thomu o es mun la mo thomu o um mun a ok vain a ometa.’

Matiu 22:10

Ma ile umonga areken o es a so thekiki elonga la ma o wol tokokoe areko o thepolo or nge, ma o wol tokokoe sivesivengare na tokokoe kerekerenga mun re. Ma o es me nge peangeong a aning ma vel aken i vual rintet e or.

Matiu 22:8

“Ma i ria ile umongare ve, ‘Peangeong a aning tho monsi i lale, ave tokokoe areko tho pres or lale kene o sivenga mos avele.

Panongpolong Sivenga ako Luk i wat i 24:47

Naro tokokoere o el engenging nge iion naro o panongpol nge vothung kerenga onolpotnga na nge sovengalo ako aro God ilemi simikal vothung kerengare nge. Naro ole panongpolong aro i patea a Jerusalem na i mulal nge pen alavusnga ake ru a ulue.’

Pakeke 13:47

Eneke Toko Pomnga i pator them paini ve, ‘Tho pamen wong ve aro wong ini pen lalanga a toko relngare nge. Mo ong ini sovengalo a toko na seng areko a ulue ako aro God i el werer or nge.’” Aisaia 49:6

Epesus 3:8

Na tho ini toko polpolnga nge a God ile toko alavusnga, ave i sung mun ile themosaling aken a tho nge mo aro tho panongpol areko or ini Judare avele, nge a Krais ile omaing sivenga a it nge, ako i sivenga rintet na i pavurvur aro ler mire i el senu i avele.

Riong Ngopatnga 22:17

Oni Riringa tomo nge seng peange ponganga o ri ve, “Ong es me.” Na areko o nongpol riong ake aro o ri mun ve, “Ong es me.” Na aro ve thei i pun toko e, aro i es me mo i thin thei ako i sung mimiong, naro i ol i avele.