Matiu 2:6 - Mangseng

⁶ ‘Betlehem ako i voth a epee a Judia. Iion aro i kima mun ako a Judia tomo nge rem areko oion kima ako a epee a Judia. Eneke mukalinga e aro i velpol a i nge, naro i theal lek toko Israelre ranga ve ako sipsip thealnga i theal ile sipsipre.’” Maika 5:2

Matiu 2:6 ပူးပေါင်းရင်းမြစ်များ

Matiu 2:1

Maria i pop a Jisas a rem a Betlehem a epee a Judia. Na nge wop lemi aken Herot i voth ini nepes. Na Maria i pop i lale ma toko powe ninengare o plosa a epee ako nang i povlesa nge me ma o es a Jerusalem la.

Matiu 28:18

Ma Jisas i es totho a or nge me, na i ria or ve, “God i sungu engenging Pen a Urvet anga alavusnga na ulue anga a tho nge.

Panongpolong Sivenga ako Jon i wat i 21:16

Mako Jisas i ria mun paininga a i nge ve, “Saimon ako ini a Jon itun om sagu tho?” Mako i olal werer mun ile riong ve, “Enala, Toko Pomnga, lomum mire ako ok sagu ong.” Mako Jisas i ria mun i ve, “Aro ong theal lek tokokoere ranga ve ini sipsipre.”

Panongpolong Sivenga ako Jon i wat i 7:42

God ile erere i ri ve toko ako God i ateal i ve aro i el werer ile tokokoere aro ini a nepes a Devit ilenga naro o pop i a Betlehem nge rem ako nomenga Devit i voth nge.”

Epesus 1:22

Na God i pathealu a Krais nge ur alavusnga mo aro o voth a isa thewo, na i oma venen aken mo aro i opoal toko lemioongare.

Kolosi 1:18

Na ini ile toko lemioongare opounga. Na toko lemioongare o ranga ve ini ilopat na o el mun ole mimiong a i nge, eneke ini a God ia tengen ako i palos werera tel i nge rinong mo aro i mukal nge ur alavusnga.

Riong Ngopatnga 11:15

Lama ensel limainga i thuo iana kuth. Na tho nongpol areko o voth a Pen a Urvet okei ma o presa viringa na o vo voing vene: “Ulue ake ini ar Pomnga tomo nge toko ako i ateal i ve aro i el werer tokokoere, kene ole, na e avele aro i theal ol i, naro ole thealing aken aro ile vusonga avele.”

Riong Ngopatnga 2:27

‘Naro ole thealing aken aro i engeng rintet ranga ve ini ain. Naro o so rek rek or ranga ve ini thei pokin ako o oma i nge saka.’ Buk Song 2:9

Riong Ngopatnga 7:17

Eneke Sipsip Tun ako i voth tothal nge nepes a menonga aken, aro i velpol ini othealnga, naro i wol or a pen ako thei ako i sung mimiong kene i lelpot nge me. Na God aro i girtetpot otheki einga naro o tang ol avele ol.”