Matiu 11:17 - Mangseng

¹⁷ ‘Them vo lemi sivengaing a voing a thomu nge, aveto thomu o ri ve numu plong nge sesing, eneke lomumu kerere. Mako them vo voing ako o voal rinongare nge, aveto thomu o ri ve numu plong mun nge ngilelong, eneke lomumu sivenga.’

Matiu 11:17 ပူးပေါင်းရင်းမြစ်များ

Matiu 11:16

“Na aro ve tho patongrum toko na seng ake ru nge wop lemi ake ole vothung, aro tho oma i nge riong agelalnga le vanga ol, e? O ranga ve ini wainlangaere ako o arongrong pel nge pen ako ini pathunonga. Na wainlanga avlung relnga areko ru o leng a or ve,

Matiu 11:18

Na thomu o venen aken, eneke Jon i es me, ma i sem e aning na i thin vain avele, na tokokoere o ri ve, ‘Tamata kerenga i voth a i nge.’

Matiu 9:15

Ma Jisas i olal ole riong ve, “Aro ve peange ponganga tomonnga i voth tomo nge ilengare nge sungaling a aning, i pavurvur aro o sem nge aning avele. Nang e panen aro i velpol ako aro o eltetpot peange ponganga tomonnga aken a or nge. Aro nge wop lemi aken, aro o sem nge aning.”

Matiu 9:23

Ma o es mala o velpol a mukalinga aken ile vel. Ma Jisas i thepol ol ako tokokoere o thuo bei ma tokokoere ole waling aolonga, eneke olemi kerere nge vung aken.

Panongpolong Sivenga ako Luk i wat i 15:25

“Na itun apamukong i oma a ometa lemi. Na nge ile lo wererong i es totho a vel ma i nongpol voing na sesing.

Panongpolong Sivenga ako Luk i wat i 23:27

Na pulua aolonga o panes i, na oa pelie ini sengre na o wal na o tang nge a Jisas.

Panongpolong Sivenga ako Luk i wat i 7:32

O ranga ve ini wainlangare ako o arongrong nge pen ako ini pathunonga. Na wainlanga avlung relnga areko ru o leng a or ve, ‘Them vo lemi sivengaing a voing a thomu nge, aveto thomu o ri ve numu plong nge sesing, eneke lomumu kerere. Mako them vo voing ako o voal rinongare nge, aveto thomu o ri ve numu plong mun nge ngilelong, eneke lomumu sivenga.’