Panongpolong Sivenga ako Luk i wat i 8:24 - Mangseng

²⁴ Mako o pavurpola a Jisas, ma o ri ve, “Toko Pomnga, Toko Pomnga, toth re ake aro te rin.” Ma Jisas i losa ma i akrisal thue na thei le lolikong, ma thue ome thei le lolikong o poreng na thei i ngo thau ol.

Panongpolong Sivenga ako Luk i wat i 8:24 ပူးပေါင်းရင်းမြစ်များ

Matiu 14:30

Ave Pita i thepol thue ako i engeng, mako i ngeip na i leringu a thei lemi, nako i avav ve, “Toko Pomnga, opoesal tho.”

Matiu 8:25

Mako o pamimeta i ma o ria i ve, “Toko Pomnga, ong opoesal them, pa omole re ake aro te vlu.”

Panongpolong Sivenga ako Mak i wat i 4:39

Ma Jisas i mita ma i vol thue ome thei le lolikong mo o porengu na i akrisal thei ve, “Wong mothong ol na wong poreng na wong ngo thau.” A ur e avele nako thue i porengu na thei i ngo thau.

Panongpolong Sivenga ako Luk i wat i 4:35

Aveto Jisas i vol i ma i ria i ve, “Wong poreng, na wong lopot a toko aken nge.” Ma tamata kerenga aken i asesu toko aken a ulue ako ru a otheki lemi. Ma i lopot a i nge na i pakerenga i avele.

Panongpolong Sivenga ako Luk i wat i 4:39

Mako i mit totho a ni multhanginga aken nge, ma i vol ni peti velonga aken, mako i lo lelpot i, na a ur e avele na seng aken i plosa ma i monsi nge oa aning.

Panongpolong Sivenga ako Luk i wat i 5:5

Ma Saimon i ria ve, “Toko Pomnga, them um polpol inga nge pemlik lollonga ake ma them tinga vet silang e avele. Aveto aro them ulu wereru mun emem susua, eneke wong ria vene aken lale.”

Panongpolong Sivenga ako Luk i wat i 8:25

Ma i nina or ve, “I vava, lomu lemioong i voth a kath?” Ma o kukuk na o ngeip na o ria ol pel ve, “Na toko ake ini ao ake i akrisal thue na thei le lolikong ma o nongal inga ile riong, e?”