Panongpolong Sivenga ako Luk i wat i 6:9 - Mangseng

⁹ Ma Jisas i ria areko o thopolrum i, ma i ria or ve, “Tho sis ako ve, tho nina tel thomu, aro te oma uneke nge nang rialonga ako i panes ler patorong, aro te oma omaing sivenga, eve aro te oma omaing kerenga? Naro te pamimi toko nge, eve aro te pakerenga toko nge?”

Panongpolong Sivenga ako Luk i wat i 6:9 ပူးပေါင်းရင်းမြစ်များ

Panongpolong Sivenga ako Mak i wat i 3:4

Lamako i nina or ve, “Nge ler patorong aro te oma vava nge nang rialonga, e? Aro te pamimi nge, eve aro te pun rin nge?” Aveto o men porengreng ol inga, na o ria ol avele.

Panongpolong Sivenga ako Luk i wat i 14:3

Na Jisas i nina pamirealingare nge a Moses ile patorong, tomo nge Parisire ma i nina or ve, “Nge a Moses ile patorong, i pavurvur ako aro te pamimi toko nge nang rialonga eve avele?”

Panongpolong Sivenga ako Luk i wat i 6:10

Na Jisas i theu thea a toko alavusnga nge, lamako i ria toko aken ve, “Pavengvengpot menum mo menum savelvelu.” Ma i oma i ranga ve ako Jisas i ria i nge, mako imeni i sivenga werer sele.

Panongpolong Sivenga ako Luk i wat i 6:8

Aveto Jisas ilemi mire nge olemi, mako i ria toko meni morungrunga aken ma i ria i ve, “Wong mita mo espot a mukaling me.” Mako toko aken i mita ma i espot a mukaling.

Panongpolong Sivenga ako Luk i wat i 9:56

Mako o es ol a rem relnga ol la.