Panongpolong Sivenga ako Luk i wat i 4:7 - Mangseng

⁷ Na aro ve ong lotual tho, aro ur alavusnga ake ini lom.”

Panongpolong Sivenga ako Luk i wat i 4:7 ပူးပေါင်းရင်းမြစ်များ

Matiu 2:11

Mako o koro a vel lemi, ma o thepol wain aken tomo nge inina Maria, ma o koru oeve ma o lotual i. Na o thepu ole alal na o ela sungong ako iolonga i roro ma o sungu i a i nge, ako ini gol, na ni peti taulonga sivenga, na pawonga sivenga ako o ongtun i ma iunnga thelnga sivenga.

Panongpolong Sivenga ako Luk i wat i 17:16

Na toko aken i lo werer a Jisas nge ma i ulu isivenga a ulue a Jisas ieve tepun na i ri sivengaing a i nge. Na toko aken ini toko Samaria anga.

Panongpolong Sivenga ako Luk i wat i 4:6

Na i ria i ve, “Naro tho sungu ur alavusnga aken a wong nge mo ong theal i, mo aro iom i kima nge. Na aro ve tho sungu i nge toko e, aro tho sungu i inga nge i, eneke ur alavusnga aken i voth a menik.

Panongpolong Sivenga ako Luk i wat i 4:8

Na Jisas i olal ile riong ve, “God ile erere i ri vene: ‘Aro ong lotual inga Toko Pomnga ako ini lom God, naro wong oma inga ile omaing.’” Lo 6:13

Panongpolong Sivenga ako Luk i wat i 8:28

Na nge nang pulua tamata kerengare o rero toko aken. Na nomenga tokokoere o tongporum imitroalnga, na o kin ieve na imeni nge sen, na mit tetalongare o theal tetal i, aveto i uriro ur alavusnga areken. Ma tamata kerengare o paes i a pen polpolnga ako toko e i voth nge avele. Ma toko aken i thepol a Jisas. Na Jisas i ria i ve, “Thomu tamata kerengare o lopot a toko aken nge.” Ma toko aken i wal na i matu toth a Jisas ieve tepun, na i presa viringa ve, “Jisas, wong ini a God ako i aolonga rintet kene Itun. Na lom neke i voth a tho nge? Na tho nong ong ve mothong tova pakerenga tho.”

Riong Ngopatnga 22:8

Na tho a Jon, ako tho nongpol na tho thopol ur areke tho watu i lale. Na tho thopol i ma tho nongpol i ma i vus, mako tho koru evek a ensel ieve tepun mo aro tho lotual i ako i pathengal tho nge ur areke.

Riong Ngopatnga 4:10

toko mukalinga or mule paini pothoi or penel o koru oeve mo o papomnga toko ako i men a nepes a menonga aken nge, na o lotual i. Ini toko ako i voth, na ile mimiong aro ile vusonga avele. Na o unteta oa vevea ma o parongu i a mukaling a nepes a menonga aken na o ri ve,

Riong Ngopatnga 5:8

Ma nge ako i ela erere aken, ur miminga or penel tomo nge mukalinga or mule paini pothoi or penel o koru oeve a Sipsip Tun aken nge. Na mukalinga areken or omole omole o krim won agolu ako i pavurvur nge velnga, na o krim mun oto ako o oma i nge gol ako ur una vrongare i voth nge, ma o pasiseo i ma i klunga na won klunga aken i paateal toko lemioongare ole nongongre.