Panongpolong Sivenga ako Luk i wat i 4:18 - Mangseng

¹⁸ “Toko Pomnga Ioni Riringa i voth a tho nge, eneke i ateal tho ve aro tho panongpol Panongpolong Sivenga a toko le ur avelengare nge. Na i pake tho me ve aro tho panongpol areko o voth a mang a midenga mo aro o vthopot. Na i pake tho me ve aro tho panongpol mun areko otheki pros mo ako aro o the werer. Na i pake tho me ve aro tho pavthopot areko ole ngarangre o paomelal or.

Panongpolong Sivenga ako Luk i wat i 4:18 ပူးပေါင်းရင်းမြစ်များ

Matiu 11:5

Ako toko theki prosngare o the werer, na toko eve lilngare o es ol, na tokokoe areko oni peti a putput o riri, na telnga gutngare o nongpol, na rinongare o mimi werera, na toko le ur avelengare o nongpol Panongpolong Sivenga.

Matiu 12:18

“Ake ini lek umonga ako tho ateal i. Ok sagu rintet i na lemik sivenga rintet nge i. Aro tho paeso Onik Riringa a i nge, mo aro i panongpol nge vothung vengvenga a toko alavusnga areko okei rel rel.

Matiu 12:20

Aro ile vothung kerenga e avele e tokokoe areko ole engenging i pospos, ranga ve ini lele ako i vulkor, aro i pavulkor altetpot i avele, na ranga ve mun ako the lalainga ako i to senu avele, aro i parinrin i avele. Naro ile vothung aro i venen aken i pavurvur ako aro vothung vengvenga aro ile mong ur alavusnga.

Matiu 4:16

Na toko areken, o voth a mideng aolonga lemi, aro o thepol pen lalanga aolonga. Na areko o voth a rinong lemi, pen lalanga i to a or nge lale.” Aisaia 9:1-2

Matiu 5:3

Ma i ri ve, “Sapase areko olemi mire ve, ole ur e avele ru a God itheki nge, eneke God ile menong e nepes ake ro a Pen a Urvet ini ole.

Panongpolong Sivenga ako Luk i wat i 4:17

Ma o sungu a God ile riong elnga a Aisaia ile erere a i nge. Ma i thep i, na i ortet riong e ako aro i tital viringa a tokokoere nge, ma i ria ve,

Panongpolong Sivenga ako Luk i wat i 6:20

Ma Jisas i the a ile wainlangaere nge, na i ria ve, “Sapase thomu toko le ur avelengare, eneke God i theal thomu na ini lomu Nepes lale.

Panongpolong Sivenga ako Luk i wat i 7:22

Mako Jisas i olal werer a Jon ile wainlanga or aini aken ole riong ve, “Naro thomu paini o lo werer mo o ria Jon, nge ur alavusnga ako thomu paini o thepol i na o nongpol i. Ako ranga ve theki prosngare o the werer, na toko eve lilngare o senu werer, na tokokoe areko putput i voth a oni peti, oni peti i riri werer, na tokokoe areko otelnga gut o nongpol werer, na tokokoe areko o rin lale, o mimi werer mun. Na toko le ur avelengare, o nongpol Panongpolong Sivenga.

Panongpolong Sivenga ako Jon i wat i 1:41

A ur e avele, nako Andru i ortet itein a Saimon, ma i ria i ve, “Them thopol Mesaia lale.” (Na Mesaia mirenga ako ve, toko ako God i ateal i ve aro i el werer ile tokokoere.)

Panongpolong Sivenga ako Jon i wat i 12:46

Na tho esu a ulue ake me ranga ve ini pen lalanga, mo aro tokokoe areko olemio nge tho, aro o voth ol a mideng avele.

Panongpolong Sivenga ako Jon i wat i 3:34

Na toko ako God i pakeu i me, i panongpol inga ako nge a God ile riong, eneke God i pavual rintet i nge Ioni Riringa.

Pakeke 10:38

Lomumu mire mun nge a Jisas ako ini Nasaret anga, ako God i ateal i ma i sungu Ioni Riringa na ile engenging a i nge. Ma i es a pen elonga ma i oma senu nge toko na sengre. God i voth a i nge, mako i pamimi areko o voth a Satan imeni.

Pakeke 26:18

mo aro ong wolpot or a mideng na ong paespot or a pen lalanga la. Naro ong eltetpot mun or a Satan imeni mo aro o es a God nge, na aro ve olemio a tho nge, aro God i eltetpot ole vothung kerenga naro o voth tomo mun nge a God ilengare ako i sirum or lale mo ini ile.’

Pakeke 4:26

Ine nepes alavusnga ake ru a ulue o monsi nge punpeling. Na mukalingare o velilo pel mo or vusnga o pun tomo nge a God ome ile toko atealinga.’ Buk Song 2:1-2

Pakeke 4:27

“I nunganga Herot na Pontius Pailat tomo nge Israelre na tokokoe areko ini Judare avele, o pathun a rem a lumlumnga ake mo o pun tomo nge a Jisas ako ini lom omainga riringa ako wong ateal i nomenga.

Kolosi 1:13

Na thomu o pavurvur nge ur aken elnga, eneke i eltetpot it a Satan imeni a mideng lemi, mako i paeso it a Itun ako ia sagu rintet i, a imeni nge.

Jems 2:5

Titeik areko ok sagu thomu, aro thomu o nongpol! Lomumu mire ako God i ateal toko le ur avelengare ake ru a ulue, ve aro o velpol ranga ve ini toko le urnga nge ole lemioong, na i ateal mun or ve aro o eso a God ile menong e nepes ako i kin ile riong nomenga lale ve aro i sungu i nge areko oa sagu i.

1 Pita 2:9

Aveto God i ateal thomu ve aro ini ile tokokoere, na thomu ini ler nepes a God ile prisre, na thomu ini tokokoe areko o riri, ako God isivenga i lengpot thomu mo ini ile. Na i oma venen aken mo aro thomu o panongpol nge ur sivesivenga areko i oma i, ako te risea i nge, nge ako i lengpot thomu a mideng lemi me, ma i paeso thomu nge ile pen lalanga ako i sivenga rintet.