Panongpolong Sivenga ako Luk i wat i 11:1 - Mangseng

¹ Nge nang omole ako Jisas i nong nge pen e ako, ma i nong ma i vus ma ile wainlanga omole i ria i ve, “Toko Pomnga pamireal them nge nongong ranga ve ako Jon i pamireal ile wainlangaere nge.”

Panongpolong Sivenga ako Luk i wat i 11:1 ပူးပေါင်းရင်းမြစ်များ

Panongpolong Sivenga ako Luk i wat i 10:42

Aveto ur omole inga aken aro i pavurvur. Na Maria i sis ako ve, i oma ur ako i sivenga, na toko e aro i eltetpot ol i a i nge avele.”

Panongpolong Sivenga ako Luk i wat i 11:2

Ma Jisas i ria or ve, “Na nge lom nongong aro ong ri vene, ‘Vovo, aro tokokoere o papomnga iom. Na lom menong e nepes aro i esu me mo i theal toko ulue angare.

Panongpolong Sivenga ako Luk i wat i 6:12

Nge nang omole ako Jisas i espot ma i esa a tete mo i nong a God nge. Ma i mosal inga nongong nge pemlik lollonga aken makola rulpopou.

Panongpolong Sivenga ako Luk i wat i 7:13

Ma Toko Pomnga i thepol seng basu aken, ma ilemi esal rintet i. Ma i ria i ve, “Wong mothong tanging.”

Panongpolong Sivenga ako Luk i wat i 7:19

ma i pake or paini a Toko Pomnga nge mo o nina i ve, “Wong re ake ini toko ako God i ateal wong ve aro ong es me, eve them thealal ake ini toko relnga, e?”

Panongpolong Sivenga ako Luk i wat i 9:18

Ma nge nang omole ako Jisas ienga i voth ma i nong. Na ile wainlangaere o velpoltun i. Ma i nina or ve, “Na toko na sengre o ri ve va, tho ini ao?”

Panongpolong Sivenga ako Luk i wat i 9:28

Ma Jisas i oma riong aken, lama nang or limme i vus, ma i wola a Pita, Jems na Jon ma o esa a tete polemi la, mo aro o nong nge.

Hibru 5:7

Na nge wop lemi ako Jisas i mimi ake ru a ulue, i nong engeng nge a God ako i pavurvur aro i eltetpot i nge rinong lemi ako i voth nge. Ma i presa viringa ma i tang a i nge, mo aro i opoal i, mo i voth a isa thewo na i panes inga a God ilemi, mako God i nongpol ile nongong aken ma i opoal i.

Malueng ako Jut i wat i 1:20

Aveto thomu titeik sivengare, aro thomu o paengeng lomu mitong nge lomu lemioong ako i riri rintet. Naro thomu o panes inga Oni Riringa ilemi nge lomu nongong.