Panongpolong Sivenga ako Jon i wat i 9:39 - Mangseng

³⁹ Ma Jisas i ria ve, “Tho es a ulue me mo aro tho sirum tokokoere, naro toko theki prosngare aro o the werer, naro tokokoe areko o the aro otheki pros ol.”

Panongpolong Sivenga ako Jon i wat i 9:39 ပူးပေါင်းရင်းမြစ်များ

Matiu 11:5

Ako toko theki prosngare o the werer, na toko eve lilngare o es ol, na tokokoe areko oni peti a putput o riri, na telnga gutngare o nongpol, na rinongare o mimi werera, na toko le ur avelengare o nongpol Panongpolong Sivenga.

Matiu 15:14

Mothong tova lomumu pompom nge tokokoe areken. O ranga ve ini theki prosnga e ako i sis ve aro i pathengal toko theki prosngare nge sovengalo. Na aro ve theki prosnga e i mukal nge theki prosnga e nge sovengalo, aro or paini o matu a vol lemi.”

Matiu 6:23

Ave aro ve thekum i kerenga, aro num peti elonga aro i voth a mideng. Na eve the lalainga aken a thomu nge ia mideng, aro mideng aken i voth a thomu nge aro i aolo rintet.

Panongpolong Sivenga ako Luk i wat i 1:79

Ma i totun it tomo nge areko o voth a mideng na a rinong lemi mo aro i pathengal it nge ler sovengalo ako nge lemi moring.”

Panongpolong Sivenga ako Luk i wat i 13:30

Na toko Israel pelie ako o mukal tel nge a God ile riong nongpolnga aro ole ol a rumongaling, naro o eso a God ile menong e nepes avele, aveto toko pelie ako o rumongal nge a God ile riong nongpolnga, aro ole ol a mukaling, naro o eso ol a God ile menong e nepes lemi.”

Panongpolong Sivenga ako Luk i wat i 2:34

Ma Simeon i ri ve aro God i oma senu nge or, na i ria Maria, ako ini wain aken inina, ma i ria i ve, “Nongpol, God i ateal wain ake ve aro i paru toko Israel pelie a God itheki naro i paro pelie. Naro i ranga ve ini paatealing ako a God nge, naro toko pulua aro okei enal i.

Panongpolong Sivenga ako Luk i wat i 4:18

“Toko Pomnga Ioni Riringa i voth a tho nge, eneke i ateal tho ve aro tho panongpol Panongpolong Sivenga a toko le ur avelengare nge. Na i pake tho me ve aro tho panongpol areko o voth a mang a midenga mo aro o vthopot. Na i pake tho me ve aro tho panongpol mun areko otheki pros mo ako aro o the werer. Na i pake tho me ve aro tho pavthopot areko ole ngarangre o paomelal or.

Panongpolong Sivenga ako Luk i wat i 7:21

Na nge nang aken Jisas i pamimi werer toko na seng puluanga ako ni multhanging kerenga i voth a or nge. Na i wistetpot tamata kerengare ako o voth a or nge. Na toko theki prosnga pulua ako i vles otheki ma o the werer mun.

Panongpolong Sivenga ako Jon i wat i 12:31

Na nge wop lemi ake God aro i velpol ini toko alavusnga ole riong nongpolnga. Naro i eltetpot a Satan ako i theal areko o panes vothung ulue anga ile engenging.

Panongpolong Sivenga ako Jon i wat i 12:46

Na tho esu a ulue ake me ranga ve ini pen lalanga, mo aro tokokoe areko olemio nge tho, aro o voth ol a mideng avele.

Panongpolong Sivenga ako Jon i wat i 3:17

Eneke God i pakeu Itun a toko ulue angare nge me, ve aro i paomelal or nge ole vothung kerenga, kene avele, i pakeu i me mo aro i velpol ini ole pamimionga.

Panongpolong Sivenga ako Jon i wat i 3:19

Na paomelaling tepun kene i vene: Pen lalanga i esu a ulue me lale, aveto tokokoere o sis mideng na oni plong nge pen lalanga, eneke ole vothung i kerenga.

Panongpolong Sivenga ako Jon i wat i 8:12

Ma Jisas i ria mun tokokoe areko o voth a Lotu Tepun a Vel a lok lemi ve, “Engek, tho ini toko ako tho sung pen lalanga a toko ulue angare nge. Na areko o panes tho, aro o el pen lalanga ako i pathengal or nge mimiong a so, naro o es ol a mideng lemi avele.”

Panongpolong Sivenga ako Jon i wat i 8:15

Sivengomu, thomu o panes inga vothung ulue anga ma o pamit toko nge riong, aveto engek inga, tho pamit toko e avele nge riong.

Panongpolong Sivenga ako Jon i wat i 9:25

Na toko aken i olal ole riong ve, “Na eve ini toko ako ile vothung kerenga, eve avele, lemik mire nge avele. Ur omole inga ako lemik mire nge kene i vene: Nomenga thekik pros, aveto ponange tho thepolpot ol.”

Pakeke 26:18

mo aro ong wolpot or a mideng na ong paespot or a pen lalanga la. Naro ong eltetpot mun or a Satan imeni mo aro o es a God nge, na aro ve olemio a tho nge, aro God i eltetpot ole vothung kerenga naro o voth tomo mun nge a God ilengare ako i sirum or lale mo ini ile.’

Epesus 5:14

eneke the lalainga i palala ur alavusnga, na i ranga ve ako tokokoere o ri nge na o ri vene: “Vung, vurpola werer nge rinong na mita mo Krais aro i totun ong.”

2 Tesalonaika 2:10

Maken aro i paleklek tokokoe areko o panes rinong a sovengalo nge ile omaing engenga areken, tomo mun nge vothung kerenga pulua. Na o panes rinong a sovengalo aken, eneke oni silal nge a God ile riong nunganga, mako aro i pamimi or avele.

1 Pita 2:9

Aveto God i ateal thomu ve aro ini ile tokokoere, na thomu ini ler nepes a God ile prisre, na thomu ini tokokoe areko o riri, ako God isivenga i lengpot thomu mo ini ile. Na i oma venen aken mo aro thomu o panongpol nge ur sivesivenga areko i oma i, ako te risea i nge, nge ako i lengpot thomu a mideng lemi me, ma i paeso thomu nge ile pen lalanga ako i sivenga rintet.

1 Jon 2:11

Aveto toko ako ini silal itein lemioonga e, aken i voth a mideng nge, na rongan i es a mideng lemi, na ilemi mire nge wop kathnga ako i es nge, kene avele, eneke mideng rongan i pasopal itheki.